Accueil
Envoyer à un ami
Version imprimable
Partager

U primu "puntu Godwin" di a campagna

"Le simeonisme prend sa source dans la collaboration avec l'Italie mussolinienne". Ma chì li serà pigliatu à Jean Zuccarelli è à Francis Riolacci oghje ?



U primu "puntu Godwin" di a campagna
A regula di a "lege di Godwin" hè una teuria nata nant'à internet à u principiu di l'anni 90.

Dice chì più una discussione dura in u tempu, più cresce a prubabilità di vede unu di i dibattori fà un paragone cù Hitler, u fascisimu o i nazis. In generale, vene quandu u tippu ùn hà più nisun argumentu. Si dice tandu, pè ridesine, chì quellu chì face u paragone vince un "puntu Godwin".

U puntu Godwin di u ghjornu hè dunque vintu da Francis Riolacci, chì in una cunferenza di stampa propiu stunante a s'hè cacciata cù "l'idéologie du siméonisme" (sic). U resucontu da vede nant'à u situ di France 3 Corse o quellu di Corse Net Infos.

Zuccarelli è Riolacci anu surpresu à tuttu u mondu, attaccandu cun forza à Gilles Simeoni in sti termini : "le siméonisme, cette idéologie dangereuse fondée sur la complaisance avec le terrorisme (...) qui prend sa source dans la collaboration avec l'Italie mussolinienne"

Vi và ?

Sta dichjarazione hà fattu parlà a ghjurnata sana nant'à Twitter. Ma quessa, ne parleremu in un altru articulu...



u 3 di Marzu 2014



1.mandatu da henry smart u 03/03/2014 21:28
vole perde o che ??? cu tutte e cazzerole ch'elli anu certi naziunalisti un ha che que à dì !!
robba scema !!
puderebbe parla di u mischju ideologicu, di.... inno un vogliu micca aiutallu !!!
à mumenti c'ha da dì chi ghje u caccarone di Gilles chi ha teurizatu a shoah !!!
tamantu piace ch'ellu serebbe quantunque di vede lu perde !

2.mandatu da bastiacciu stortu u 03/03/2014 22:36
E di u " Stalinismu " Riolacci , chi nè pensa ???....

3.mandatu da ozit u 03/03/2014 22:58
Hè sempre cun Poutine (o Puttin ?) Riolacci ? è u gulag ? ùn li dumandemu micca s'ellu appruvava u gulag ?

4.mandatu da ind''''e noi u 03/03/2014 23:04
dopu à u h1n1, u hiv, a pesta, oghje ci tocca u simeonisme..è u zuccarellismu chi serà? à noi di truvà i "symptômes" di stu male...

5.mandatu da henry smart u 04/03/2014 08:39
Aio un cascate micca ind'a trappula : u stalinisimu ecc..... so argumenti di u stessu livellu chi riolacci
Maria guidicelli, viviane biancarelli ...so dinu cumuniste o vicine à elli è un anu nundu à chi vede cu riolacci. he stranu, ellu un Lu vidia cum'è stefani !?
sera a campagna o a paura chi lì face cappia sprupositi simuli !?
in tutti casi tuttu que ghje una bona per G.S !!

6.mandatu da Giovannoni u 04/03/2014 11:58
Ciò ch'elli hanu dettu nant'à a famiglia Simeoni è vergugnosa !
Eo ùn era micca sicuru di vutà à Simeoni... Ma grazia à 'ssi 2 sumeri, avà ne sò certu !

7.mandatu da bastiacciu stortu u 04/03/2014 12:54
Cumè ..?? c'era Gilles à Soissons ...???...

8.mandatu da Lost in space u 04/03/2014 13:06
Ma ch'ai fattu di dì quessa, poveru Francis...

9.mandatu da henry smart u 04/03/2014 19:16
ha rispostu simeoni !! ha fattu be di sta chetu.
he megliu à un fanne troppu. S'infanganu soli soli i zuccarellisti !!!

10.mandatu da bonna avantura u 04/03/2014 19:51
Riolacci ma sempre fattu ride ,pare ch'ellu sipia cascatu di a luna e ch'ellu u sa piu cumu fa per ricullà.

11.mandatu da Giovannoni u 05/03/2014 09:29
i zuccarellisti sò scumbussulati ! È ora e tempu ch'elli pàrtinu !

12.mandatu da misjiu salvaticu u 05/03/2014 11:57
ma saranu statti in bucchia doppu a un béddu ripastu é béddi invinatti tutti é dui ;;;;

Novu cumentu :