Accueil
Envoyer à un ami
Version imprimable
Partager

À Camille de Rocca Serra, li piace a suppa...

Innò, ùn hè micca una nutizia di Closer o di Gala, hè un cummunicatu ufficiale chì a dice...



U 3 fratelli è u PADDUC, un filmacciu di Camille de Rocca Serra...
U 3 fratelli è u PADDUC, un filmacciu di Camille de Rocca Serra...
A suppa chì piace u più à Camellu hà una sosula appena speciale... A vi la ricumandu chì a puderete tastà solu in Corsica, hè una spezialità nustrale, una specificità identitaria valurizata da u Statu è u santissimu Sarkozy...

1/ Mettite ci un suppulellu di Munarchisimu (Hè figliolu è figliulinu di diputatu, u solu di l'Assemblea naziunale incù Paul Giacobbi...)

2/ Cuprite stu spiritu munarchicu d'un suchju di Pulitica (Diputatu, Anzianu mere, Presidente di l'Assemblea di Corsica, più nunda nò?)

3/ Ficcate ci dinù un Patrimoniu Fundiariu tremendu fattu di tocche di pruprietà vicinu à u mare...

4/ Rivucate ci l'Amicizie di Sarko, Clavier è d'altri amichi... Chì hà soldi è amicizia torce u nasu à a ghjustizia, dice u pruverbiu...

5/ Imbulighjate u tuttu... Fate coce sott'à u focu di i naziunalisti... È vi manghjate a rubaccia di Camellu...

Da retu à u so impegnu puliticu publicu, certi piattanu i so interessi ecunomichi privati. Quandu hè l'interessu privatu chì pesa nant'à l'idee pulitiche (PADDUC, Désanctuarisation...) vi ritruvate in bor di mare, in Palumbaghja, luntanu da Pifano, è vi muntate a sega incù ghjente bè, i vostri amichi pippoli...

Cum'ellu a dice Camellu : "Ceux qui ne respectent pas la démocratie prouvent tous les jours leur volonté manifeste de créer les conditions du désordre, du trouble, voire de diviser les Corses pour servir leurs propres intérêts"... Cù cacciate tamant'à u casone di Christian Clavier, ci campemu quantunque... Ùn ci hè chè in Corsica chì a pulitica ci face tantu ride...

Eccu a suppaccia chì piace à u sgiò Camille de Rocca Serra... Ùn v'avvicinate micca chì vi dà u schifu è a voglia di rende...

Per sapè ne di più, v'invitu à leghje què è què è sopratuttu, per fà vi a vostra propria upinione : u PADDUC


u 3 di Sittembre 2008
Sbanditu



1.mandatu da mortecouille u 04/09/2008 15:01
S 'assumiglianu tutt'e quatru quant'ame so stati fatti cu u listessu piscu

2.mandatu da estrimei u 04/09/2008 15:17
postu ch'ell'un ci he nimu per scrive nant'a sta pagina , vi pruponggu una lettura, he in frencese,ma piu ne sà, piu n'adopri :
http://forums.france2.fr/france2/Election-presidentielle-2007/sarkozy-pasqua-devedjian-sujet_26843_1.htm

3.mandatu da Tristughjornu u 04/09/2008 22:31
Tante suppaccie ch'elli vulerianu bè fà ci beghjè! Ne feremu figatelli di sti munarchi!

4.mandatu da estrimei u 06/09/2008 12:23
vengu di fiighjà a fiura, e m'avveggu cho un so micca d'accunsentu 'ncu u tittullu.
o Sbandi, ai scrittu:" i 3 fratelli ", dici e pazzie , un so micca " i 3 fratelli ",so "i 2 fratelli e u lecca cullu ". d'altronde se tu fieghji tutte e fiure e sempre daretu a circà a infrugnassi; s'ell' era statu apenna cunsideratu seria ommanccu ministru, ma u cap'amicu, cumm'amici , sceglie quelli chi anu un chji chji di valore

5.mandatu da estrimei u 06/09/2008 12:25
vulia scrive: .....e fiure ,he sempre...

6.mandatu da RESISTENTE u 09/09/2008 18:50
e statu eletu da i corsi cume ZUCARELLI e GIACOBBI ;Si spartenu a corsica di poi i seculi e tutti l' imbecili stanu a boca aperta .

Novu cumentu :