Accueil
Envoyer à un ami
Version imprimable
Partager

Qwanta u populu corsu

Nant’à so pagina d’accolta, Qwant, u mutore di ricerca chì rispetta a vostra vita privata (sò elli chì a dicenu) annunzia u cuncertu di Canta u Populu Corsu à e Folies Bergère, u celebre teatru pariginu.



Pè l’occasione, un bellu disegnu Art Déco ci mostra i cantadori, manu à l’orechja in giru à une cantatrice glamour. Anu da cantà, l’iniziadori di u Riacquistu, Corsica Nazione o l’Alta strada incù piume è lustrine?


Dopu à Antone Ciosi chì, di nuvembre 2017, avia principiatu u so Ultimu Giru in lu music-hall pariginu, tocca à Canta u Populu Corsu di cullà nant’à a scena di e Folies Bergère (ùn ci vole micca ‘s’ ci dice Wikipedia) u 31 di marzu.

Allora s’hè vo vulete « découvrir le chant corse » (sò piuttoste canzone, nò ?) è « le modernisme des guitares électriques » cum’è dice u prugramma, riservate puru a vostra serata.

A st’ora ùn sapemu ancu qual’hè chì vincerà : u spiritu muntagnolu di a pasturella (bergère) o e scimatichere (folies) di e riviste spitturicciate chì anu resu u locu celebre in lu mondu sanu ?

Speremu un’ unione armuniosa.

Qwanta u populu corsu

u 15 di Marzu 2018
Zenbucucciu



1.mandatu da Fabrizio Albertini u 22/03/2018 10:25
Bella iniziativa ! Un salutu da Toscana a tuttu u staff di a Piazzetta.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta