Accueil
Envoyer à un ami
Version imprimable
Partager

Corsica, tamanta miseria !

A miseria serìa menu penibule à u sole, dicia Aznavour. A Corsica hè a più forte pè a puvertà è pè a vita cara. Per avà a mubilizazione di quelli chì strazianu è chì anu i spini tronchi hè debbule. Sin'à quandu ?



I primi pè a puvertà

A Corsica hè a regione di Francia induve a puvertà tocca u più mondu : circa 20% di a pupulazione. U record di Francia tocca a zona di Ghisunaccia è Aleria (25%).

Corsica, tamanta miseria !

Fonte : INSEE

I rivenuti i più bassi

A Corsica hè una di e regione induve i rivenuti sò i più bassi, cù u Nord-Pas-de-Calais è u
Languedoc-Roussillon (in u 2012).

Fonte : INSEE

L'isula di l'inegualità

In più di quessa, a Corsica hè dinù una di e regione induve u scartu trà i più poveri è i più ricchi hè a più forte. In u 2012, i 10% i più ricchi avianu rivenuti 3,8 volte di più forte ch'è i più poveri.
A media francese in pruvincia era di 3,3.

Fonte : INSEE
Corsica, tamanta miseria !

I prezzi più cari

A vita hè più cara ch'è in cuntinente. D'appressu à l'Insee, i prezzi di l'alimentazione sò più alti di 8,7% in Corsica. È hè cusì per d'altri prudutti è servizii.

Invece, pè e sigarette è l'alcool, i prezzi sò menu alti. U cancaru hè di rigalu.

Fonte : INSEE

È l'essenza dinù...

I trasporti in cumunu sò pocu sviluppati è a dipendenza à a vittura difficiule à evità. Casca bè, u prezzu di l'essenza hè più forte in Corsica.


U populu di u straziu

Mentre chì certi Corsi ci la facenu à prufittà bè di u sistema, sò numerosi quelli à strazià. Per avà si sò intesi pocu. Cumu serà ? Pesu d'una sucetà cunservatrice ? Paura di fassi rimarcà, di fassi vede male ? "Les gilets jaunes c'est pour les gaulois et les pumataghj" ?

Sin'à quì, tuttu và bè.

u 6 di Dicembre 2018
U Webmaestru


Novu cumentu :