A Tirannia di i conni

U settimanale Marianne cunsacreghja u so ultimu numeru à "la tyrannie des minorités". D'appressu à i so corci di giurnalisti, ste minurità periculose ch'impediscenu a Francia di cunnosce prugressu è prusperità sarianu dunque (innù u disordine) : sgaiuffi di e banlieues, cunduttori di TGV, purcaghji brittoni, associ gays è di siguru... indipendentisti corsi.

È noi, ne finimu quandu cù a tirannia di a cunneria francese ?

Pocu cocktail ch'ellu ci hà preparatu Marianne sta settimana, ghjudicate da per voi cun sta cuprendula.

È dì ch'elli sò questi quì chì ci la facenu à ottene tuttu ciò ch'elli volenu è à fà piegà a magiurità silenziosa. Sò dunque elli chì sò à cummandu è ch'impediscenu à a povera Francia d'avanzà è di mudernizassi.

Jean-Guy Talamoni, Act Up, Tariq Ramadan, sgaiuffi di u 93, purcaghji brittoni... listessu cumbattu !

S'è no l'avemu tutti à tavulinu, pocu cumbugliu nò !

Hè vera chì dapoi chì u muvimentu indipendentistu corsu esiste, hà sempre ottenu tuttu ciò ch'ellu hà vulsutu da u statu francese : ùn ci hè ch'è da vede ciò chì a Corsica hè diventata.

Allora, l'averemu da suppurtà torna assai a tirannia di a cunneria ?

u 10 d'Aprile 2008

U Sgaiuffu

Accueil

Envoyer à un ami

Version imprimable

1.mandatu da estrimei u 10/04/2008 07:46

o Sgaiuffu ,
eu ,aghju decisu,dipoi 'nepochi di tempi, di un cumprà mai piu sti ghjurnali anticorsi, Marianne hé in sta mansa.
s'ella capita i leghju nant'a internet ma un li do un soldu.

2.mandatu da GWM u 10/04/2008 12:16

è certi ghjurnalisti, ùn so micca una minurità chi ci face cagà ?
aio, ùn hè micca pussibule di stampà cose cusi...ùn vole di nunda...sti disgraziati di Marianne so cum'è l'altri, facenu tituli imbecilli pè lettori imbecilli, perchè li piace u soldu.

Mà u peghju serà chi so scunvinti d'esse di quelli intelligentoni chi anu capitu tuttu...basta à fieghjà u puverettu di JF Kahn quandu s'infiara nant'i piani telé...basta basta

allora chi fà ?

3.mandatu da AK47 u 10/04/2008 13:27

"Mà u peghju serà chi so scunvinti d'esse di quelli intelligentoni chi anu capitu tuttu..."

appena cum'è A BISTUCA ?

4.mandatu da Cumpalliols u 10/04/2008 17:59

Di manera generale, mi pare chì quasi tutti i ghjurnali francesi parlanu sempre di noi senza sapè nunda, è u ghjurnale Marianne hè verammente u peghju di tutti...

http://cumpalliols-in-corsu.over-blog.com

Novu cumentu :