Accueil
Envoyer à un ami
Version imprimable
Partager

A maledizzione di a "plus belle pelouse d'Europe"

Ma chì si passa in Bastia ? Dopu à ondeci partite à filu fora di casa è guasi trè mesi senza partita in Furiani, u Sporting s'appronta à ritruvà u so stadiu, cù a pressione di a suspensione, una pelouse digià fràgica... è a CAB chì hà mandatu osceri di ghjustizia. Benvenuti in a Quarta dimensione.



A maledizzione di a "plus belle pelouse d'Europe"
Ma perchè nunda si passa mai di manera normale in Bastia ? Dopu à dui mesi è mezu è ondeci partite senza u so publicu, u Sporting s'approntanu à ritruvà Furiani in una ambianza appena speziale.

Prima chì u club hà u pesu d'una sanzione s'elli ci sò incidenti novi, è si sà chì nunda li serà pardunatu. Survegliati è strasurvegliati, a LFP ùn lascerà passà nunda. In più, u ritornu in casa si face contr'à Nizza, u nemicu di sempre.

Un ghjucadore nizzardu si ne ride ancu di i sustenidori bastiacci nant'à u so contu Twitter, cumu per dì chì à elli, ùn li dirangia micca ch'ellu si passi qualcosa per chì Bastia sia sanziunatu (nanzu di sfassà tuttu).

Dopu, ci hè l'affare di a "plus belle pelouse d'Europe" chì ùn ne finisce più. Picculu rammentu :

- Lugliu 2012, a pelouse hè rifatta è l'intrapresa spagnola chì l'hè messa ci dice ch'ella serà una di e più belle d'Auropa
- Nuvembre 2012 : Dui mesi dopu, hè digià in pistìcciuli è di nuvembre si riface tuttu.
- Dicembre 2012 : In Bastia avemu inventatu a "pelouse à usage unique" è dopu à una partita, u terrenu hè un puzzicheghju. Ci vole dunque à rifalla pè a terza volta... è ùn hè micca finita.

Allora chì Frédéric Hantz avia prugrammatu un intrenamentu nant'à a "terza nova pelouse", in a settimana, a Cummunità d'Aglomerazione di Bastia hà mandatu un... osceru di ghjustizia pè custatà chì u club utilizava u terrenu.

A CAB rimpruvereghja à u Sporting d'intrenassi custì, à trè ghjorni d'una partita in campiunatu. Purtantu, avia autorizatu l'altru club di Bastia à ghjucà nant'à sta pelouse u 24 di ghjennaghju, contr'à Brest.

In zerga, u Sporting hà reagitu è ci dice chì : À ce jour, nous sommes en mesure d’annoncer à 2 jours du match Bastia-Nice, (mais 45 jours après la rénovation de la pelouse) que le terrain de Furiani est à 70% non-enraciné, qu’il est gorgé d’eau à 90% et que l’arrivée des beaux jours verra la propagation massive de champignons.

Dui anni fà, Emile Zuccarelli spiegava purtantu chì : "Nous aimons le SCB et entendons l’aider au mieux". Tempi è tempi...

S'è vo ci capite qualcosa, fateci segnu.

u 15 di Farraghju 2013
U Webmaestru



1.mandatu da Casalta u 15/02/2013 18:43
Zuccarelli hè scimitu... hè bonu pè Sant'Ornellu

2.mandatu da scrucone u 16/02/2013 10:56
va be l arba di furiani ava ne avemu una tecchja parlemu un pocu di sti scruconi di u cg2b;mi pare chi n avete che per zucarelli quant a me tucchete anche voi qualche subvenzione

3.mandatu da U Webmaestru u 16/02/2013 11:09
Nò, tucchemu solu "la prime à la vache".

4.mandatu da o fransoua u 16/02/2013 13:57
u più bellu di l'affare hè chi a zucca ch'ha datu u mercatu à a famosa intrapresa, l'hà in culu, postu chi questa qui hè in liquidazione finanziaria, sempre a zucca ùn si hè assicurata di nunda è avà vultemu à u semperternu slogan: "MILOU, RENDS LES SOUS"

5.mandatu da ANTO u 16/02/2013 16:32
Pè l'erba Milou ghjè peghju che Attila !Porca miseria purtantu a chi nasce pasce !

6.mandatu da aiotuttifratelli u 18/02/2013 09:34
una bella squadra di sgiotte contr'a nizza.....6 ore di strade pa vede 11 sgiotte paurose ghjuccà! grazie scb

7.mandatu da Junky u 18/02/2013 09:53
Aaaaaaaaaaaahhh !!!

8.mandatu da Clint Oris u 18/02/2013 10:11
Furiani, Sporting, e ci rumpite, ci assuffucate, ci ingunfiate. Ùn sapimu fà nunda senza avè e storie è fà ci rimercà.

9.mandatu da Paulu G u 18/02/2013 10:18
Ai a ragiò o Clint ùn sapimu fà nunda cum´è l'altri, mai indè a norma mai in a lege sempre à pienghje è lagnà ci. Ùn hé micca cù i vezzi ch´ellu si pò custruì per avanzà. À populu fattu bisognu à pienghjulà !

10.mandatu da STRANPALATU u 18/02/2013 17:00
ohohohohoho ma ci vuleria a capiacci uni pocchi di purceddi in cu si grugni cusi tamanti
cusi su purcilé firmera vultatu per piatacci pommi é fasgioli per si gjiucadori i puveracci!!!!

11.mandatu da Antò Fil u 18/02/2013 17:18
Alò alò basta, chì ghjè bella a nostra PILOSA

12.mandatu da Antò Fil u 18/02/2013 17:21
A PILOSA hè bella quand´elĺ hè TOSA

13.mandatu da Capicursinu rancicu u 19/02/2013 09:07
@aiotuttifratelli. 6 ore di strada ?! D'induve si venutu ?!

14.mandatu da aiotuttifratelli u 19/02/2013 09:24
di u taravu....3 ore /3 ore so sempre annarbatu ava !!!!3 ghjorni dopu

15.mandatu da aiotuttifratelli u 19/02/2013 09:24
3+3=6 ;)

16.mandatu da Capicursinu rancicu u 19/02/2013 09:43
Aaah capiscu megliu ! Ahè sigura simu tutti stumacati, hè megliu a stà in paese nò ?

17.mandatu da aiotuttifratelli u 19/02/2013 14:43
mi sentu sempre "cocu" ....ie hè megliu di stà in paese di sicuru! stu modeste un lu possu piu pate

18.mandatu da Capicursinu rancicu u 19/02/2013 19:55
Quessu ghjoca marchjendu, eppò tutti quelli chì dicenu, "iè mà quist´annu n'ha messu 9 !" Eh iè nant´a quantu tiri ?!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta