U merre di Bastia puderà dorme tranquillu : Big Brother hà da installà i so ochji appena da per tuttu innù a cità da quì à pocu.
Ma attenzione, micca innù i lochi forse "periculosi" : nè Lupinu, Montesoru, Carrughju Drittu o Paese Novu.
Nò, piuttostu i belli lochi di putere ch'ellu ci vole à curà è prutege : cummissariatu, merria, prefettura, è un certu casale di u fondu di a Piazza Santu Niculà.
Bastia cede dunque à a videosurveglianza, ghjè appena a moda nant'à u nostru pianeta. U milleniu chì principia serà securitariu.
Pocu à pocu ci semu abbituati : ci spièganu chì u nostru mondu hè sempre più periculosu, ch'elli ci sò tanti nimichi chì ci volenu tantu male à noi, i bravi.
Dunque ci vole à surveglià, cuntrullà, filmà, è ùn ci stona mancu più. Si sviluppanu i sistemi di surveglianza, innù a nostra vita cum'è nant'à internet induve nimu ùn hè anònimu. Semu in permanenza sott'à l'ochju di u "fratellone" : carta bancaria, teleffuninu, web... Big Brother hà u putere di sapè induve semu è ciò ch'è no femu.
Bastia hè forse a cità chì hà u più flicchi in Auropa. Fate a sperienza : ùn si pò stà più di 10 minuti senza crucià una vittura di pulizzeri chì s'annoianu, di a BAC à l'oziu, o di poveri CRS ch'ùn sanu mancu più ciò ch'ellu ci hè à surveglià.
Hè vera chì in stu cuntestu, era veramente indispensèvule di spende ùn sò quantu soldi pè l'installazione di camerà di surveglianza.
Ma quand'hè stata l'ultima volta chì a prefettura di Bastia o a merria anu fattu l'ogettu d'un attentatu ?
Ma attenzione, micca innù i lochi forse "periculosi" : nè Lupinu, Montesoru, Carrughju Drittu o Paese Novu.
Nò, piuttostu i belli lochi di putere ch'ellu ci vole à curà è prutege : cummissariatu, merria, prefettura, è un certu casale di u fondu di a Piazza Santu Niculà.
Bastia cede dunque à a videosurveglianza, ghjè appena a moda nant'à u nostru pianeta. U milleniu chì principia serà securitariu.
Pocu à pocu ci semu abbituati : ci spièganu chì u nostru mondu hè sempre più periculosu, ch'elli ci sò tanti nimichi chì ci volenu tantu male à noi, i bravi.
Dunque ci vole à surveglià, cuntrullà, filmà, è ùn ci stona mancu più. Si sviluppanu i sistemi di surveglianza, innù a nostra vita cum'è nant'à internet induve nimu ùn hè anònimu. Semu in permanenza sott'à l'ochju di u "fratellone" : carta bancaria, teleffuninu, web... Big Brother hà u putere di sapè induve semu è ciò ch'è no femu.
Bastia hè forse a cità chì hà u più flicchi in Auropa. Fate a sperienza : ùn si pò stà più di 10 minuti senza crucià una vittura di pulizzeri chì s'annoianu, di a BAC à l'oziu, o di poveri CRS ch'ùn sanu mancu più ciò ch'ellu ci hè à surveglià.
Hè vera chì in stu cuntestu, era veramente indispensèvule di spende ùn sò quantu soldi pè l'installazione di camerà di surveglianza.
Ma quand'hè stata l'ultima volta chì a prefettura di Bastia o a merria anu fattu l'ogettu d'un attentatu ?
A Corsica dice à vedeci à Edmond
