Chì dicia Mighele Castellani 40 anni fà ?

In u 1977, i naziunalisti eranu minuritarii in l'opinione publica corsa, è ùn eranu micca bobò festivi. Mighele Castellani era mustacciutu è mettia camisge à quadretti sott'à un pull rossu "Università di Corsica". Spiegava a so dimarchja nant'à stu filmettu trovu nant'à u situ di l'INA.

Per vede u filmettu sanu :

Chì dicia Mighele Castellani 40 anni fà ?

u 14 di Ghjugnu 2017

Accueil

Envoyer à un ami

Version imprimable

1.mandatu da Philippe Luciani u 15/06/2017 07:57

Serà quessa, "le renouveau des hommes et des pratiques" chì ci anu prumessu... 40 anni dopu sempre listessi.

2.mandatu da antone u 15/06/2017 11:43

40 anni e sempre u listessu discorsu. u mondu ha cambiatu, a Corsica dinù....

3.mandatu da Giacomoni u 15/06/2017 23:20

L’anni passanu, e mode passanu, s’invechja ma a voce hè sempre l’istessa è e cunvizzione dinù. Mighele (o Michele) s’hè infiaratu è infieritu per a Corsica in u 1977 cum’ellu cuntinueghja oghje. A so primura : a presa in contu di u Populu corsu, u sviluppu da fà. Duttore di scienze ecunomiche, maestru di cunferenze à l’Università di Corsica, autore di « Une montagne dans l’amer » in u 1994, attuale agiuntu à u merre di Bastia, sò tante prove di e so cumpetenze è s’ell’hè deputatu, simu cunvinti ch’ellu truverà suluzione per fà avanzà e rivindicazione corse.
In ‘ssu filmettu di u famosu Jacques o Ghjacumu Luciani, s’hè vistu tutta a mossa culturale di u 1977 in Corti è Cervioni. A Lingua corsa in chjesa di Corti cù a messa celebrata da l’arciprete Louis Vincenti è u Diu vi Salvi Regina à l’ultimu. E ghjurnate Università d’estate per azzione creatrice cù in particulare Ghjuvan Ghjacumu Albertini (l’autore di Rinforzu), u pueta indiatu Filippi cù un antru appassiunatu (nome?), altri tremendi : u pueta Bartulumeu Dolovici, Ghjuvan Francesu Bernardini cantendu cù u so babbu, Ghjuvan Paulu Poletti cù un antru (Pasquale Ottavi ?), Jean-Claude Vincensini cun Anna Rocchi è chitarristi tandu fendu parte di u gruppu Fiamma nustrale creatu da Anghjulu Salducci. In Cervioni u 4 aostu, ghjurnata di a lingua cun tutti i capizzoni di u rinnovu à mez’à altri militenti : Anton Dumenicu Monti, Ghjiseppu Leoni, Ghjacumu Fusina, Francescu Maria Perfettini, Ghjuvan Ghjacumu Albertini chì si sentenu in stu filmettu dendu u so parè nant’à a Lingua corsa. C’era in tutti i duminii a vuluntà di prumovela cun mostre o lessichi bislingui (matematica, autumobile, dizziunariu, sport, eletronica …) aduprendu un vucabulariu di riacquistu ma dinù di creazione corsa. Ghjacumu Luciani hà dinù ammentatu à Ghjuvan Ghjaseppiu Franchi per u quale l’adopru di parolle furestere (frestere) ci vole à vultulalle in corsu.

Louis / Luigi G.

Novu cumentu :