Accueil
Envoyer à un ami
Version imprimable
Partager

Chì vutate à l'elezzioni auropee ?

Si vota dumenica è tuttu u mondu si n'impippa.



Chì vutate à l'elezzioni auropee ?
Avete fattu a vostra scelta per dumenica ? Piaghja ? Muntagna ? Paese ? Jet-ski ? Pesca ? L'integrale di i Feux de l'Amour in DVD ?

S'è vo ùn sapete chì fà, sappiate ch'è vo pudete dinù andà à vutà per l'elezzioni à u parlamentu auropeanu.

Ma forse fate parte di a maiò parte di a pupulazione chì si n'impippa è pensa piuttostu à l'apertura di l'Acapulco ?

Peccatu, hè purtantu in Strasburgu è Brusselle ch'ellu si ghjoca di più in più u nostru avvene. Più di 60% di e lege aduttate in Francia venenu in fatti da direttive auropeane pigliate da u parlamentu.

Parechji canditati corsi seranu presenti nant'à e liste. Appena da per tuttu, facenu a figurazione :

Ritruvemu à Christiane Leccia-Cianfarani è Claude Flori nant'à a lista MODEM di Bennahmias. Nant'à a lista PS di Vincent Peillon ci hè Emmanuelle de Gentili. Pè l'UMP ci hè Karine Fenocchi. Cun Le Pen si ritrova Olivier Martinelli. Nant'à quella di u Front de Gauche truvemu à Dominique Bucchini.

I naziunalisti ci anderanu cun François Alfonsi è Norbert Laredo nant'à a lista ecologista di Michèle Rivasi. Alain Mosconi ci và cù u NPA di Besancenot.

U nostru Jean-François Baccarelli naziunale s'hè trovu à Francis Lalanne cum'è capimachja. Un antru umoristu, Dieudonné, ùn hà ancu trovu sustegni in Corsica.

Per avà dunque, sta campagna interessa poca ghjente. Ci hè poca sperenza per chì a frebba eletturale infiaressi a Corsica. L'urne ùn seranu micca empiute à rioccu à colpi di falsi elettori è di froda.

I soli à scatinassi parenu esse François Bayrou è Daniel Cohn-Bendit chì s'insultanu in diretta à a tv à colpi di "minable" è di "ignoble". Iè hè magru, ma hè tuttu ciò ch'ellu si trova...

Allora, avete fattu a vostra scelta ?

u 5 di Ghjugnu 2009
u webmaestru


Da u più recente à u più anzianu | Da u più anzianu à u più recente

1.mandatu da estrimei u 05/06/2009 07:01
ch'o simu citadini francesi (micca naziunalisti) ci he imposta e ch'o a voglimu o nò , ci ne imponnenu e so legge.
cume citadinu ,secondu mè, un ci'ole micca a lagga passà un elezzione per dinunzià sta puliticaccia francese e auropéa (he a listessa ) ;
anderaghju a vutà contr'a stu liberalisimu chi suttumette , a piu pudè , tutti quelli chi si stantanu u so pezzu di pane, e per cio , aghju sceltu Besancenot, ch'o votu dipoi ch'ell'he canditatu a e presidentiale.
cume naziunalistu corsu , Mosconi , mi pare un militenti sinceru e generosu di a nostra lotta e he per quessa ch'o vuteraghju vulenteri sta lista.

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta