Accueil
Envoyer à un ami
Version imprimable
Partager

Ciccolini lampatu fora, u Sporting perde torna appena di a so anima corsa

U famosu "choc psychologique" hà dunque custatu a so piazza à u coach di Bastia, Francescu Ciccolini. U Sporting perde torna una cria d'anima corsa...



È cosa pudia fà di più u poveru Ciccolini in sta stagione nera ? A tredecesima scunfitta di l'annu contr'à Angers hè stata l'ultima partita di Cicco nant'à u bancu di Bastia.

U club perde un omu di stintu, attaccatu assai à u Sporting è à u so paese. I sustenidori sanu bè chì di travaglià ind'è ste cundizione era difficiule è ùn vulteremu micca nant'à l'errori fatti à u livellu di a gestione di u Sporting.

Era un veru piacè di sentelu sempre dì qualchì parolla in corsu à a fine di e partite. U so parlatu cuzzanincu ci mancherà. In un futbol mudernu sempre di più luntanu da i valori storichi di u Sporting, induve l'identità di i clubs sò sguassate è a ghjente allisciate, l'intrenore corsu era siguramente qualchissia chì sdicìa.

À prestu o Ciccò, meritave megliu, è meritave siguramente una più bella squadra.

Ne prufittemu per dì bon curagiu à Rui Almeida chì ghjunghje.


Nant'à Twitter ci sò stati parechji missaghji di sustegnu...







u 27 di Farraghju 2017



1.mandatu da giacomoni u 28/02/2017 19:18
è i dirigenti quale hè chì l'anu da lampà fora ? serebbe ora nò ?

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta