Accueil
Envoyer à un ami
Version imprimable
Partager

U Sporting hè in National 3, è avemu da campacci

Falà direttamente da a prima à a quinta divisione hè ùn affare chì ùn s'era mai vista in a storia di u futbol francese. Ma piuttostu ch'è d'entre in depressione nera, eccu perchè ci hè di chè ralegrassi.



Perchè penseremu à altri affari u sabatu sera !

U Sporting ghjucherà dunque a dumenica u dopu meziornu. Cacciate puru à beIN Sports è Canal+, quist'annu hè à u multiplex di RCFM ch'è vo serete abunatu. In quant'à u sabatu sera, prufittatene per cullà in paese, cantà, sunà o amparà un strumentu di musica, leghje o lanciassi in u militantisimu assuciativu.

È perchè micca ?

Perchè hè megliu di riparte da zeru

Chì s'hè veramente passatu à u Sporting ? À quantu colla u muntame di e debite di u club ? Di quantu serà u chjodu messu à l'intraprese ?


L'ultime stagione di u Sporting sò state un viacruci. Claude Makelele, Djibril Cissé, Brandao, Apodi, Lindsay Rose, "y a pas d'attaquants sur le marché", cuntestazione di i sustenidori, lite in tribune, stadiu chì si viota, investiscidori di u Paraguay...

Quand'ellu hè cusì, hè forse megliu di riparte da zeru.

Perchè ci vole à fà cunfidenza à i giovani

Avà, tocca à elli di scrive una pagina di a storia di u Sporting.


10 derbies

In u gruppu di u Sporting, ci hè :

U Gallia Lucciana
U FB Isula Rossa
A riserva di l'ACA
A riserva di u FC Bastia Borgu
L'Etoile Filtante Bastiaise

Ci serà dunque dece "derbies" in a stagione. Hà da esse stranu di spiazzassi in i stadii François Monti di Biguglia è Paul Antoniotti di U Borgu. A ricullata passa per quì !
Ritrattu : pagina facebook di l'EFB
Ritrattu : pagina facebook di l'EFB

Perchè i sustenidori ci seranu

4.500 "socios" (à u 29 d'agostu) pronti à seguità u Sporting, puru in quinta divisione. Quantu clubs di u campiunatu di Francia sò capaci di fà quessa ?

Ritrattu : Alta Frequenza
U Sporting hè in National 3, è avemu da campacci

Perchè poi diventà azziunariu di u Sporting

Entre in u capitale di u club ? U sonniu di tanti sustenidori hè oramai pussibule.


Ghjucà contr'à Gémenos, Aubagne, Endoume...

Tantu, st'ultimi anni, Furiani ùn facia mancu più u pienu pè l'OM è Monaco...


Per scopre stadii mitichi

Quì, u stadiu Francis Di Giovanni, induve riceve u club di l'US Endoume.

È da quì à parechji anni ne parlerete sempre.
U Sporting hè in National 3, è avemu da campacci

Per u piacè di dì "et vous étiez où quand on était en National 3" ?

Quandu u Sporting serà turnatu à diventà un club di L1 è chì Furiani serà pienu, è cun piacè ch'è vo mughjerete quelli chì ùn c'eranu micca in N3.

Perchè "a nostra passione ùn cunnosce divisiò"

È hè vera. Ci semu campati in "National" cun Mathieu Robail, David Suarez, Gaël Angoula è Salim Moizini.

Arricurdatevi di u but d'Idrissa Sylla à l'utlima segonda contr'à Créteil.

Allora perchè micca in N3 ?


Perchè ùn avemu più nunda à fà in stu mondu fragicu di u foot business

Ùn ci hè nunda da aspettà da stu mondu induve u soldu hè rè è ch'ellu arruvina tuttu. Bastia hà pigliatu a falata in listessu tempu chì Neymar ghjunghjia à u PSG, cum'è un sìmbulu...
U Sporting hè in National 3, è avemu da campacci

Perchè u Sporting ùn hà auvutu bisognu nè di Thiriez, nè d'Aulas, nè di Ménès per smarrisce...

Avemu passatu e nostre dumenicate à ughjulà contr'à l'arbitri, a LFP, a DNCG, Thiriez, Ménès, Barbier, Téléfoot, Aulas, Canal+, L'Equipe è ancu Thierry Roland.

In fine di contu, u Sporting ùn hà avutu bisognu di nimu per distrugesi. Invece di circà e scuse in altrò, è sopr'à tuttu in Parigi, forse chì u fiascu di Sporting ci aiuterà à apre l'ochji nant'à d'altri danni chì toccanu a Corsica...
U Sporting hè in National 3, è avemu da campacci

Per fà cum'è a Fiorentina ?

Fiurenza, estate 2002. U club miticu di a Fiorentina hè sbaiuccatu è hè custrettu à a bancarotta. Perde tuttu : u so nomi, i so culori, i so trufei. Hè morta a Fiorentina, nasce a "Florentia Viola" chì hà u dirittu di ghjucà u campiunatu di serie C2, sia a quarta divisione.
U Sporting hè in National 3, è avemu da campacci

In Fiurenza c'eranu 20.000 persone à ogni partita, è à ogni partita fora di casa eranu 5.000 tifosi à fà u spiazzamentu. Ma a stagione ùn hè stata semplice. Spiega l'intrenore Alberto Cavasin à So Foot :

"les adversaires jouent le match de leur vie et y pensent une semaine complète. C'était souvent des victoires 1-0 et des matchs à couteaux tirés. On aurait dit qu'on jouait une finale de Champions League tous les dimanches. Certes, on avait le meilleur effectif, mais il fallait tout donner."

È sò stati 40.000 à festighjà a cullata in serie C1 in fine di stagione contr'à Savona :


u 29 d'Aostu 2017



1.mandatu da Niculaiu u 01/09/2017 08:54
Salute à tutti. Quale hè chi mi traduce a parodda "spamperu" è chi mi dice s'iddu ci hè un accentu tonicu ? A ringraziavvi. Forza Bastia (aca GAULOIS) !!

2.mandatu da estrimei u 03/09/2017 07:26
"À quantu colla u muntame di e debite di u club ?" ????
per stà 'nù u solcu di a nostra lingua scriveria :di quantu hè u debitu?

mi piece stu scrittu ancu s'ell'un tratta di tutti i solli publichi chi so stati ghjittati in stu tufonne ch'ellu era u Sporting per l'interessu elletturale .
forse si pueria ammentà , dinnù , a colpa di tutti quelli chi si sò lagati vultullià u cerbellu per ghjunghjene à pensà chi u Sporting era a Corsica ? sò anc'elli còmplici di sta manghjeria vergugnosa ch'ella era - dipoi tant'anni - l'impresa PRIVATA Sporting .

Novu cumentu :