Accueil
Envoyer à un ami
Version imprimable
Partager

Sporting, annu zeru

Passà da l'OM è u PSG nant'à Canal+ à ghjucà in dumenica dopumeziornu à u stadiu "Jacky Santucci" di Prupià. Oramai, serà quessu u cutitianu di u Sporting Club di Bastia. È u peghju, è ch'ellu ci serà sempre u mondu pè sustene i turchini...



Passà da a prima à a quinta divisione in trè mesi, ùn s'era mai vista in a storia di u campiunatu di Francia. U Sporting hè entratu à a so manera in a storia (è quessa senza l'aiutu di Thiriez, d'Aulas o a DNCG, e respunsabilità sò in Corsica).

Dop'à sta trafalata storica, hè dunque venuta l'ora di a ripresa. U primu episodiu di a rinascita principiava in Prupià, à u stadiu Jacky Santucci per u terzu giru di a cuppa di Francia.

Quist'annu serà quessu u cutitianu di i sustenidori di u Sporting, è ci vulerà à abituassi...


Sporting, annu zeru. Eccu a squadra :

È purtantu, puru à u livellu amatore, stu club ùn hè micca cum'è l'altri. I sustenidori sò venuti numerosi.


È sò stati numerosi dinù (più di 1700...) à seguità a partita nant'à a pagina Facebook di u club.

U risultatu finale hè di 3 à 0 per Bastia. Ma fidighjate bè ste fiure. Si tratta bè di a partita trà Prupià è u Sporting.




U SCB riceve ancu l'incuragimenti di u CAP.


Hè ghjunta l'ora di scrive a storia di a ricullata !

l'11 di Sittembre 2017



1.mandatu da Ghjuvanluca u 15/09/2017 09:37
Forza e coraggiu ......Forza Bastia!!!!!

Novu cumentu :