Accueil
Envoyer à un ami
Version imprimable
Partager

Corsi in Parigi : "No go zone" on tour

Quandu i Corsi collanu in Parigi, hè peghju ch'è a "horde sauvage", i vàndali è i Gremlins reuniti.



Avete intesu parlà di l'incidenti di u sabbatu dopumeziornu in Parigi, in u quartieru di e Halles ? A prefettura hà parlatu "d'incidents sérieux" fendu quindeci feriti (tutti pulizzeri).

Nant'à u net si pò leghje : Les supporters de Bastia ravagent Paris.

Iè iè, i Corsi anu arruvinatu à Parigi, messu in pezzi a piràmida di u Louvre, plasticatu l'Hôtel de Ville, rasatu l'opéra Bastille, fattu saltà i Champs Elysées, è piantatu a bandera corsa in cima di a Tour Eiffel.

Solu Disneyland hè statu risparmiatu.

Corsi in Parigi : "No go zone" on tour

Nant'à iTélé si parla di "commerçants saccagés" è "sous le choc".

Da vede quì : Incidents à Paris avant la rencontre PSG-Bastia


"Sous le choc"... ma di chè ?

Hè stata publicata nant'à Facebook un filmettu induve si vede u famosu cummerciante di bombò chì avia dettu "je me suis vu mourir".

Iè, ma hè perchè hà avutu paura di i gaz di i CRS. A dice in un filmettu chì hè statu publicatu nant'à Facebook :


S'ella ùn viaghja micca, fidighjate quì :


Ma u premiu Pulitzer hè pè st'articulu di u JDD chì parla d'una... vittura brusgiata da i Bastiacci, in un locu (u XIVu) induve i sustenidori bastiacci ùn sò purtantu micca passati.

Ben allora ? Quale hè u bruttu chì và à zingà u focu à e vitture in Parigi ? Ùn site veramente micca simpàtichi.
Corsi in Parigi : "No go zone" on tour

Allora serà statu tuttu negativu ?

Ma nò, per Le Parisien ci sò stati menu incidenti ch'è prevista. Per l'ambianza :

"Si une finale devait se gagner aux bruits de ses supporteurs, alors Bastia aurait un des palmarès les plus fournis de France. Hier, le peuple corse a dominé Paris dans le match très anecdotique des tribunes."



Aneddoticu ? Micca siguru. U prìncipe pò cumprassi i ghjucadori i più boni di u mondu, ùn puderà mai cumprassi un publicu è una storia. A nostra vittoria hè stata di mustrà ch'è no semu sempre quì malgradu e bastunate è chì a Corsica hè dinù una terra di resistenza per u futbol pupulare chì a LFP vole vede smarrisce. Trasfurmà i sustenidori in un publicu di cunsumatori hè u so unicu scopu.

u 13 d'Aprile 2015



1.mandatu da estrimei u 13/04/2015 07:35
dicenu chi i corsi anu brusgiatu una vittura, dicenu chi corsi anu fattu un vituperiu; ùn hè vera ?
ma chi ci entre ,custì , a veritai ?
a ogni colpu, firmate tutti stunati !
se no' aprìamu l'ochji , saperiamu chi :
- i frencesi - hè capita , micca tutti ,ma a maiò perte , i "bien-pensants" - `ùn ci volenu!
elli ci caccianu a , a ogni colpu , e noi simu sempre custì a infrugnacci .
-secondu puntu , i "media" frencesi , di a veritai , si ne impippanu! elli ùn facenu micca infurmazione ,a so natura hè di fà a prupacanda.

sti fatti , ùn sò micca i primi , ci ne serà d'astri , assai astri . e quandu leghju "a Corsica hè dinù una terra di resistenza per u futbol pupulare chì a LFP vole vede smarrisce." mi pensu , chi ancu noi simu avezzi a piglià i colpi e circhemu tutte e scuse per ghjustificà a nostra voglia di tambate .
o serà u bisognu d'esse frencesi cume l'astri ?
alle , ci simu guasi , torna ùn sfurzatellu , e pò seremu ancu noi "integrés" ,

2.mandatu da sardu u 13/04/2015 08:10 (da un teleffuninu)
Cus'é ...vulianu incidenti pé sparà merda su i còrsi!!!??

3.mandatu da circinelludiguagnénativupeliguagnesusosanguaversatu u 13/04/2015 08:15 (da un teleffuninu)
"a Corsica hè dinù una terra di resistenza per u futbol pupulare chì a LFP vole vede smarrisce."
Piombu ! Diventemu i diffenditori francesi di una Lega spurtiva...Tamanta ambizioni :(

4.mandatu da Paulu u 13/04/2015 09:16
L'unione di i Corsi, à l'occasione di i scontri di football hè una bella cosa.
Ma saria ancu megliu sì st'unione è sta putenza era messa dinò à u serviziu di a Corsica per difendela da i rapaci furtunati chì ùn piattanu mancu più ch'elli volenu a cabbia senza l'acelli.

5.mandatu da ACAB u 13/04/2015 09:52
Iè, u futbol pupulare da per tuttu u volenu ammazzà

In Inghilterra, patria di u pallò, l'anu tombu. Da per tuttu piazze à 300€, è soldi a buzeffu. ancu à Anfield Road ùn ci hè più ambianza. da pienghje

In Parigi, à u Parc ci hè da pienghje

In Italia si ne morre pianu pianu

chi resta in Francia ? St Etienne e Bastia.

6.mandatu da luntanu u 13/04/2015 13:06
15 ferriti = punti per una bella ritirata "à taux bien plein"

7.mandatu da estrimei u 13/04/2015 17:55
scusate di vultà a dà u mio parè, eu , chi per tuttu ciò chi tocca a u "sport" ùn ci capiscu tantu .
ammentate tutti u ghjocu a ballò pupulare , ma u ghjocu à ballò pupulare ùn pò micca esse quellu chi impieca , chi pagga , i ghjucatori .
u ghjocu a ballò pupulare duveria esse quellu induv'ellu si ghjoca, micca per vince , ma per ghjucà . se vo ci mettite a passione , chi subbitu diventa rabbia, nascenu e cumblicculle , e 'nù e cumblicculle so sempre i più onesti e i più disgraziati chi perdenu .

8.mandatu da tir hiez u 13/04/2015 20:31
à zlatane ùn li ferma più chè à prinsentà si à a presidenza di republica francese; ghjoca à ballò ma hè dinù "arbitre" ghjè ellu chì hà cumandatu tuttu u macciu...à veramente ragiò : PAYS DE MERDE

9.mandatu da culu pestu u 13/04/2015 20:51
dop'à un prefettu, ci paghemu Parigi, chì armata ch'è n'avemu !! à prussima volta pruvemu "la maison blanche" o le dalmatien russe... chì sà ? s'e no ùn pigliemu l'indipendenza cù què ùn la pigliemu mai più...

Novu cumentu :



Seguitateci nant'à Facebook



Abbunatevi à a newsletter

Circà nant'à A Piazzetta