Accueil
Envoyer à un ami
Version imprimable
Partager

È avà ?

Eccu ! S'hè compia l'elezzione cù un risultatu chjaru : a magiurità hè oramai naziunalista (56,5% di i voti è 67.000 elettori). U A campagna hè stata pocu interessante, u dibattitu s'hè purtatu solu nant'à a paura di l'indipendentisimu. Ma "passatu a festa, capulatu u santu". È avà ?



(PASCAL POCHARD CASABIANCA/AFP/Getty Images)
(PASCAL POCHARD CASABIANCA/AFP/Getty Images)
Chì serà l'attitudine di u statu ?
Sta mane u portavoce di u guvernu hà stanghittatu e porte. È s'ellu cuntinuveghja cusì, chì si face ? Chì hè u pianu ?


Chì piazza per l'opposizione ?
I naziunalisti chì sò stati minuritarii durante quaranta anni sanu bè à chì puntu ponu esse disprezzanti quelli chì sò à u putere... A demucrazia hà bisognu d'opposizione, di cunfronti. Serà accettata a critica ? Si puderà ùn esse micca d'accunsentu ?

Chì prugettu di sucetà ?
"Prima l'autonomia. U prugettu di sucetà, si viderà più tardi !" A corsa à u putere hà fattu chì u prugettu di sucetà hè spessu statu più o menu lacatu da cantu in a grande famiglia di i naziunalisti. Ma di pettu à una sucetà chì scambia in furia, à a mundializazione, à l'inegualità chì crescenu trà i più debbuli è quelli chì sanu prufittà di stu sistema, è avà ch'ellu ci vole à pensacci... A pulemica di l'Atrium ci l'hà ramintata.


A cullettività unica ?
A fusione di i cunsigli generali in a cullettiva unica ùn si ferà micca senza pena in capu per l'eletti. Tamantu capatoghju.

È sta povera lingua corsa ?
Ci la ferà a lingua corsa à esse una vera lingua, aduprata, parlata è scritta ? O serà cundannata à una piazza sìmbolica, à ùn esse ch'è una rivendicazione eletturale ?


L'astensione ?
Hè stata forte. In Bastia hè cullata sin'à 65% in certi scagni di Lupinu. Segnu di disincantu, di dillusione... Hè forse quì a sfida maiò chì aspetta a Corsica.

Cumu fà cun elli ?
A settimana scorsa, u giurnale Le Monde ci hà ramintatu chì più ch'è mai, i veri patroni sò elli.


Serà solu una moda u naziunalisimu ?
"Autrefois, les nationalistes faisaient peur. Aujourd’hui, ils sont presque hype !" si pò leghje in Libération. Quale a pò nigà ?


Ma e mode, per definizione, dura un tempu. Allora ?
È avà ?

u 12 di Dicembre 2017



1.mandatu da cazzuvittura u 13/12/2017 12:52
o zitè hè ora di mette si à u gloubiboulga, di ritruvà u casimirland di u sgiò J2M è d'esse in l'opposizione ghjustu per esse ci ....

2.mandatu da cazzerole u 14/12/2017 09:36
dopu à u gloubiboulga di JMM, u sirtaki spaziale di GS, à quandu una vera scena per u nostru grande umurista JGT ??

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta