A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Da Ponte Novu à Bob Sinclar...

Corse-Matin s'hè trasfurmatu in "publi-reportage" per u nostru Santu Bob Sinclar stu 20 agostu.



Da Ponte Novu à Bob Sinclar...
Surpresa, leghjendu à Corse-Matin di u 20 di lugliu. Ùn ci n'era chè per un certu Bob Sinclar : cuprèndula, ultima pagina, publicità tamanta...

Eppo, attenzione : "Le magnifique"... "messie"... ritrattu "Ghjesucristescu"... Accidenti ! U nostru giurnale preferitu hà messu u pacchettu. Ne parla cù un entusiasimu ancu più grande chè d'Ange Santini o di Sarkozy.

Ma cumu ? Ùn cunniscite micca à Bob Sinclar ?

Aiò ! Ùn sapete ancu chì Bob Sinclar hè u più famosu rapresentente di a tradizione corsa ? Voi site firmatu à l'epica di Jean-Paul Poletti è di Petru Guelfucci ? Ma face un pezzu ch'ellu hè interratu u Riacquistu !

Oghje, a ghjuventù corsa hà un novu ìdule : si chjama Bob Sinclar. Iè, u veru corsu hè scemu di Bob. Ùn ci hè ch'è da vede quand'ellu vene à Via Notte o à L'Acapulco. Pocu impreme u prezzu di l'entrata (ancu puru "senza consò"), a buatta serà piena à tappu !

D'altronde, u tippu hè corsu è n'hè fieru : « Du côté de ma mère, je suis de Monticello et depuis de nombreuses années, je viens pour m'y ressourcer »

Dunque, a cultura corsa d'oghje si trova nant'à i dance-floor. S'è vo ùn avete mai vistu à Claude Njoya, Erick Morillo o David Ghjetta mixà in buatta, site una closcia. Perchè iè, ci hè veramente un versu differente trà quellu d'un Joachim Garraud è quellu d'un Carl Cox. Nò, ùn hè micca solu musica chì face BUM BUM BUM, ùn ci capite nunda !

E nostre santissime piste di ballu di i nostri cari antenati di a Nazione Corsa ponu esse fiere di i so DJ nustrali. Evviva !

Da Ponte Novu à L'Amnesia, da Portovèk à Bob Sinclar, cuntinuveghja à spenghjesi, u populu corsu...

u 25 d'Aostu 2009
U Sgaiuffu



1.mandatu da torch'matin u 25/08/2009 21:10
u veru scandalu hè stu giurnale di merda !!! NADIA AMAR DEMISSION

2.mandatu da altore u 25/08/2009 21:43
buù hè vera! sta nadia amar l'astra volta hà fattu un articulu nant'à i corsi! ùn m'arricordu più bè u tema ma ghjera un sprepositu! sè calchissia si n'arricorda ... serebbe bè di mandalli lettere...

3.mandatu da rughjatore u 26/08/2009 02:47
ci n'hè una bedda techja di stu ghjurnalacciu ! ! ci vularia chì chalchissia lampessi una petizioni, ò qualcosa cusì ch'avali ghjè un veru scandalu ! d'estati, si trasforma in ghjurnali pè i turisti è sopratuttu pè turisti gallesi! u troppu stroppia!

4.mandatu da MM u 26/08/2009 08:17
U peghju hè chì nimu hè capace di prupone un'antru prughjettu, un ghjurnalu chì parlerebbe di a Corsica è i so castichi ò e so riescite, è micca di tutti i giandarmi,pulizzeri,turisti è altri pipulacci !!!!

Era peghju ò megliu "le Provençal" ? Omancu quandu andava à cacà avia a scelta per asciuvammi u culu a matina....

5.mandatu da circinelludiguagnenativupèliguagnesusosanguaversatu u 26/08/2009 08:41
Bon ! Avereti tutti a raggiò, d'accordu... Ma à dilla franca: cosa n'aveti à batte di stu ghjurnali ??? S'eddu ùn vi piacce (è a capiscu), ùn lu lighjiti più, è basta ! Ghjè ciò ch'è facciu eiu da pò 2 o 3 anni... u leghju quandu so chi ha da escia un articulu chi m'intaressa.

6.mandatu da u ricciu u 26/08/2009 08:59
iè o rughjatore, ci hè un gruppu nant'à Facebook anti-corse matin, digià più di 500 membri !
http://www.facebook.com/group.php?gid=115572732798

7.mandatu da filidatu u 26/08/2009 10:11
O circinelludiguagnenativupèliguagnesusosanguaversatu eo u leghju per via di i morti è pensu d'ùn essse u solu .
Per ciò chì tocca à nadia amar hà quantunque ,nù un articulu l'altru ghjornu ,traduttu "tumbà i pinzuti" da "tombez continentaux" quandu aghju lettu què mi sò dettu ùn hè solu bob sinclar à esse "magnifique"

8.mandatu da Cumpalliols u 26/08/2009 10:26
À mè, ùn mi piace, ne ellu (podasse chì hè un'bravu omu, ma ùn hè micca u sughjettu), ne a so musica, chì preferiscu a musica corsa (ancu quella muderna).
Seriu quantunque un'veru corsu ?
http://cumpalliols-in-corsu.over-blog.com

9.mandatu da Orsu Dumenicu Solechjari u 26/08/2009 10:28
È leghjite sempre stu ghjurnale di seconda zona.
Closcie Matin, Torche-Matin, Pravda-Matin (a lista di i cugnome hè aperta, s'è vo ne cunniscite d'altri)
Eiu, face un'pezzu ch'ùn leghju più ch'è quelli chì sò morti, per pudè fà e mio parte.
http://solechjari.over-blog.org

10.mandatu da rughjatore u 26/08/2009 13:51
U gruppu nant'à facc'imbuttu ci socu dighjà, ùn ha da scambià nudda...parlaiu d'una azzioni di sensibilisazioni publica à u fattu chì stu ghjurnali si n'impippa di i prubiemi ch'è no scuntremi à long'annu mà s'intaressa cùn piacè à quiss'aghjudenti ch`ùn a riisciutu à cacà sta mani, à quissa biundaccia chì vena à fassi abbrunzà a muzza in purtivechju...

ghjè veru chì ci vularia ne un altru, di ghjurnali, mà quali u pudarà fà? d'appena più capaci è di menu clientelistu?

11.mandatu da estrimei u 26/08/2009 15:25
eu u leghju tutte e mane nantu a tilatiga per vede i morti , un mi costa manc'un sollu, un leghju nunda d'astru,. chi ellu o u "provençal" so cume u mrg, l'ump e i radicali: listessa cosa .
ma di ste " buatte ", perche nimu un ne parla?tutti sti prezzi vergugnosi ,sti " quartier vip " tutti sti solli ghjittati per fà crede ch'omu he megliu che l'astri, tutte ste riaghine periculose, tutti st'accienti...
a sò , a ghjuventu un campa micca cume i vecchji, ha bisognu di sorte , di festighjà, d'imbriaggassi e di canta, ma ci sera bisognu di piglià u Porti Vecchju o u Calvi per truvassi una zichinetta, o un sigastrone?
e a dicu a i masci, attenti, se vo a vi pigliate pinzuta di a Corsica , manca u nritratti avete a vede. -se vo dubbitate di cio ch'o dicu fiighjate in giru a voi!-

12.mandatu da nuit bleue u 27/08/2009 16:40
Nant'a tilatica ?Quessu un l'avia mai intesu...
Missiavu leghjiva nant'e spale di u caprettu per Natale, ma a tilatiga po..
Ma e nutizie nant'a tilatica so scritte in corsu o in lingua ragnesca ?
C'hè da ride !!!!!

13.mandatu da estrimei u 28/08/2009 06:43
o "nuit bleue " ,
u cunosci u pruverbiu : a risa he in bocca di i scemmi
nantu a tilatiga , un l'avie mai intesa? di sicuru mancu missiavutu !
ma postu chi ava a cunosci, forse l'aduprerai .
sapiè , chi sta parulla di tilatiga un so micca eu chi l'aghju pensata, he stata pruposta dipoi nepochi di tempi, ma se tu ai una pruposta piu ghjuviziosa a fà , falla cunosce .
piu ne sà , piu n'adopri! quessu dinu he u pruverbiu

14.mandatu da nuit bleue u 28/08/2009 12:11
So piu gattivi i scèmi cume te ch'un ridanu mancu di e so stupidàghjne e si piglianu per sapientoni e volenu da lezzione a tutti.
E po si esse scèmu ghje esse differente di te, alora si, socu scèmu in capu e sottu u cappéllu.
Tanti basgi a i to ràgni !!!!

15.mandatu da estrimei u 28/08/2009 13:05
o " nuit bleue ",
aghju lettu a to risposta.
u to parè he u toiu. un cuntrasteraghju piu 'ncu tè!

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city