napuleone, napuleò, buonaparte, bonaparte, generale, capurale, imperatore, empereur, francia, france, francesi, français, corsica, corse, corsu,
Napulione figliolu di Marbeuf ?
Ghjè un bloggu brittonu chì lampa u puttachju ! U « grand’omu » saria natu per Sainte-Sève in u Finistère (U Compiutarra ?), più pricisamente in u castellu di Pen ar Vern, prupietà di l’infame Marbeuf. Da crede ciò ch’elle contanu e vechje di u locu, Letizia Buonaparte si tinia cù stu porcu chì saria statu u babbu di Napulione.
Hè cusì chì sarianu smariti i registri di battesimu di Sainte-Sève è d’Aiacciu di u 15 d’Agostu di u 1769, o ancu chì Charles Buonaparte schisarà Napuleone di u so tistamentu.
Eu ch’avia intesu dì ch’un pocu di più nascia in Lozzi nanzu ch’elli rifalessinu per Aiacciu, mi sbagliavu : ghjè chì a sanu longa sti brittoni !
Omancu spiecaria u so attitudine ver’di a Corsica in u mentre di u so regnu…
Ma s'assumigliava quantunque à i so fratelli... Sarà un puttachju, o Letizia una ligera ?...
I razzisti si ne vanu à cantà ind’è l’arabbi !
U cutidiannu algerianu El Watan c’ampara chì u gruppu corsu Manât hà incantatu u publicu di Ghazaouet. U ghjurnalistu parla d’una « musica straurdinaria chì s’assumiglia à a musica tradiziunale algeriana. […] Ancu s’omu ùn capisce un’acca di Corsu, a muscia parla à u core, ti dà u tremulu è a brama di ballà. »
Kébé ùn simu micca razzisti : a prova...
Cungressu 5+5 : Corsica tarra d’accolta eppò basta ?
I 15 è 16 di maghju scorsi eranu dunque prisenti in Aiacciu 10 ministri mediterranei di u turisimu. Si scrivanu sti raprisintenti di i guverni di sti paesi di u supranu è di u suttanu di u circondu nostru innu u filu di u « prucessu di Barcelone : Unione per u Mare Tarraniu » chì vole mette in ballu un spaziu di scambiu trà e duie sponde di u locu.
Ma a Corsica si n’hè firmata à u rollu di tarra d’accolta di stu cungressu chì fora di e dichjarazione di u ministru francese à i media corsi nantu à e putenzialità di l’isula, a voce nostra hè stata quella di a Francia. Sò stati difesi l’intaressi di u statu francese di manera glubbale, è a Corsica cum’è l’altre isule di u mediterraniu ch’ùn sò indipendente sò state à l’infora di u cungressu, è di sicuru fora di l’Unione Mediterranea chì si custruisce ?
È in u listessu tempu a chjucarella Malta pò fà valè u so parè à mezu à i grandi stati praputenti.
A diffarenza ? L’indipendenza…
A sapete dinù chì per via di stu cullochiu hè statu ripurtatu per a sicondu volta u prucessu di l’urganizadori di a manifestazione di u 12 di ghjennaghju in Aiacciu ? U Cumitatu Contru à a Ripressione prutestava u ghjornu stessu per informe sti ministri di a situazione di rimessa in causa di i diritti di l’omi è di e libertà fundamintale in tarra corsa.
A Corsica per 1 €uro !
Innò, ùn hè micca una campagna lanciata da u publicitariu Jacques Séguéla per dì chì u liturale corsu hè da vende ma un’ufferta di a Corsica Ferries à partesi da u 15 di ghjunghju.
Ma attenti, ùn vi francate e tasse per a vostra vittura è u prezzu di u bigliettu ! Infatti vi rigalanu solu una parte di u viaghju di a vittura : sò forti sti publicitarii quantunque !
Ghjè un bloggu brittonu chì lampa u puttachju ! U « grand’omu » saria natu per Sainte-Sève in u Finistère (U Compiutarra ?), più pricisamente in u castellu di Pen ar Vern, prupietà di l’infame Marbeuf. Da crede ciò ch’elle contanu e vechje di u locu, Letizia Buonaparte si tinia cù stu porcu chì saria statu u babbu di Napulione.
Hè cusì chì sarianu smariti i registri di battesimu di Sainte-Sève è d’Aiacciu di u 15 d’Agostu di u 1769, o ancu chì Charles Buonaparte schisarà Napuleone di u so tistamentu.
Eu ch’avia intesu dì ch’un pocu di più nascia in Lozzi nanzu ch’elli rifalessinu per Aiacciu, mi sbagliavu : ghjè chì a sanu longa sti brittoni !
Omancu spiecaria u so attitudine ver’di a Corsica in u mentre di u so regnu…
Ma s'assumigliava quantunque à i so fratelli... Sarà un puttachju, o Letizia una ligera ?...
I razzisti si ne vanu à cantà ind’è l’arabbi !
U cutidiannu algerianu El Watan c’ampara chì u gruppu corsu Manât hà incantatu u publicu di Ghazaouet. U ghjurnalistu parla d’una « musica straurdinaria chì s’assumiglia à a musica tradiziunale algeriana. […] Ancu s’omu ùn capisce un’acca di Corsu, a muscia parla à u core, ti dà u tremulu è a brama di ballà. »
Kébé ùn simu micca razzisti : a prova...
Cungressu 5+5 : Corsica tarra d’accolta eppò basta ?
I 15 è 16 di maghju scorsi eranu dunque prisenti in Aiacciu 10 ministri mediterranei di u turisimu. Si scrivanu sti raprisintenti di i guverni di sti paesi di u supranu è di u suttanu di u circondu nostru innu u filu di u « prucessu di Barcelone : Unione per u Mare Tarraniu » chì vole mette in ballu un spaziu di scambiu trà e duie sponde di u locu.
Ma a Corsica si n’hè firmata à u rollu di tarra d’accolta di stu cungressu chì fora di e dichjarazione di u ministru francese à i media corsi nantu à e putenzialità di l’isula, a voce nostra hè stata quella di a Francia. Sò stati difesi l’intaressi di u statu francese di manera glubbale, è a Corsica cum’è l’altre isule di u mediterraniu ch’ùn sò indipendente sò state à l’infora di u cungressu, è di sicuru fora di l’Unione Mediterranea chì si custruisce ?
È in u listessu tempu a chjucarella Malta pò fà valè u so parè à mezu à i grandi stati praputenti.
A diffarenza ? L’indipendenza…
A sapete dinù chì per via di stu cullochiu hè statu ripurtatu per a sicondu volta u prucessu di l’urganizadori di a manifestazione di u 12 di ghjennaghju in Aiacciu ? U Cumitatu Contru à a Ripressione prutestava u ghjornu stessu per informe sti ministri di a situazione di rimessa in causa di i diritti di l’omi è di e libertà fundamintale in tarra corsa.
A Corsica per 1 €uro !
Innò, ùn hè micca una campagna lanciata da u publicitariu Jacques Séguéla per dì chì u liturale corsu hè da vende ma un’ufferta di a Corsica Ferries à partesi da u 15 di ghjunghju.
Ma attenti, ùn vi francate e tasse per a vostra vittura è u prezzu di u bigliettu ! Infatti vi rigalanu solu una parte di u viaghju di a vittura : sò forti sti publicitarii quantunque !
A Corsica dice à vedeci à Edmond
