Hè natu u primu mutore di ricerca in lingua corsa

Forse saria ora di sorte da u "tuttu-Google" (più di 90% di e ricerche in Auropa). U mutore di ricerca Qwant si presenta cum'è un'alternativa.

Apparagunatu à u gigante americanu, ùn hè nunda. Ma prupone un'altra via, differente.

À u mumentu induve si parla assai di rispettu di a vita privata, di "big data", chì ùn si sà troppu ciò chì i "dati persunali" diventanu (chì facenu Apple, Facebook è Google di tuttu ciò ch'elli sanu nant'à voi ?), i rispunsèvuli di Qwant si piazzanu in u campu di u rispettu di a vita privata :

Da leghje : Jean Manuel Rozan : "Qwant refuse de tracer les internautes"

In più di l'èttica, Qwant prupone una versione... tutta in corsu di u so mutore di ricerca :

Dop'à a traduzzione cullaburativa di Facebook st'inguernu (ma chì ùn hè compia...), eccu dunque un'altra intrapresa chì s'hè messa à parlà corsu (bon d'accordu u direttore generale, Eric Leandri, hè corsu).

Allora perchè micca pruvà à Qwant ?

Sò i picculi ghjargali chì facenu i fiumi...