Qualchì tempu fà, avia fattu parlà d’ellu un certu Augustin Legrand, à u capu di u cullettivu Les enfants de Don Quichotte. Era diventatu u porta voce di tanti disgraziati chì campavanu fora, sottu à una tenda nantu à e ripe di a Seine.
In Corsica, sò I fratelli di a strada è Eric Ravera chì a li provanu à aiutà i SDF.
Venneri u quattru di nuvembre, trenta trè persone senza dumiciliu fissu, frà i quali vinti trè Rumeni, sò state spulsate da l’anzianu cullegiu di u Finusellu induv’elli avianu pussutu truvà un tettu di furtuna per ùn dorme in carrughju. Patrick Strzoda, u prefettu di Corsica, hà precisatu chì sti strangeri in situazione irregulare avianu accettatu d’esse ricundutti à a fruntiera è ch’elli avianu accettatu senza ch’ellu ci fussi misura cuercitiva. Sia cum’ella sia, eranu cuntunque centu cinquanta flicchi chì anu dettu à stu zitellettu : « Futti mi u cane di quì ! Ùn ci ai da fà nunda ! »
Sò state poche e voce à sustene l’azzione di I Fratelli di a Strada. Nè i riprisententi di i diritti di l’omu, nè l’intelletuali, nè i culturali chì anu po sempre u so ritrattu in i media.
Simon Renucci, a cuscenza tranquilla di l’elettu di manca, hà dichjaratu senza trimà ch’ella s’era fatta l’espulsione in cuncertazione cù i servizii di u Statu è ch’elli avianu avutu à core di trattà la cù a più grande umanità. Ùn pò lascià a sucetà sta ghjente in bordu di strada, insistia bè Renucci.
Claude Guéant hà avutu u so quota è pò ringrazià cum’ellu si deve l’iniziativa di u deputatu merre d’Aiacciu, mastuchendu sempre i nobili cuncetti di sulidarità è di fraternità trà di l’omi. Ch’ellu sia onoratu per a so cuuperazione ! Ch’ellu sippi glurificatu ancu per a so cullaburazione !
Ma à esse à lagnà, ùn hè solu ellu.
Nantu à u situ internet di Corse Matin, à a quistione : A truvate ghjustificata l’evacuazione da e forze di l’ordine di u squat di Finusellu stu quattru di nuvembre in Aiacciu ? rispondenu iè à ottanta per centu i Corsi. Eccu dunque cum’ella si cumporta a sucetà corsa di pettu à un’altra minurità : cù disprezzu.
È seranu forse belli numerosi sti Corsi chì anu rispostu à stu votu à avè lettu « Indignate vi » di Stéphane Hessel.
Ottanta per centu di sti Corsi indignati chì si piattanu daretu à i CRS (chì elli sò propiu quì in casa soia) per dì « Fora o muccicò» à stu zitellu.
Belli numerosi sti Corsi indignati à ingunfià u pettu per ripete ch’ella ùn hà cunnisciutu pogroms a Corsica è chì nisunu ghjudeu ùn hè mai statu datu à a milizia.
Accettanu solu sti Corsi indignati i strangeri chì li compranu e so prupietà è e so case lampenda a muneta nantu à u tavulinu. Quessi sì chì ùn li facenu micca a paura i furisteri.
Ma, avà chì ci pensu, possu forse ramentà à i Corsi, indignati o nò, ch’ellu hè mortu trenta anni fà Georges Brassens.
Brassens chì avia scrittu in 1955 Chanson pour l’Auvergnat…
In Corsica, sò I fratelli di a strada è Eric Ravera chì a li provanu à aiutà i SDF.
Venneri u quattru di nuvembre, trenta trè persone senza dumiciliu fissu, frà i quali vinti trè Rumeni, sò state spulsate da l’anzianu cullegiu di u Finusellu induv’elli avianu pussutu truvà un tettu di furtuna per ùn dorme in carrughju. Patrick Strzoda, u prefettu di Corsica, hà precisatu chì sti strangeri in situazione irregulare avianu accettatu d’esse ricundutti à a fruntiera è ch’elli avianu accettatu senza ch’ellu ci fussi misura cuercitiva. Sia cum’ella sia, eranu cuntunque centu cinquanta flicchi chì anu dettu à stu zitellettu : « Futti mi u cane di quì ! Ùn ci ai da fà nunda ! »
Sò state poche e voce à sustene l’azzione di I Fratelli di a Strada. Nè i riprisententi di i diritti di l’omu, nè l’intelletuali, nè i culturali chì anu po sempre u so ritrattu in i media.
Simon Renucci, a cuscenza tranquilla di l’elettu di manca, hà dichjaratu senza trimà ch’ella s’era fatta l’espulsione in cuncertazione cù i servizii di u Statu è ch’elli avianu avutu à core di trattà la cù a più grande umanità. Ùn pò lascià a sucetà sta ghjente in bordu di strada, insistia bè Renucci.
Claude Guéant hà avutu u so quota è pò ringrazià cum’ellu si deve l’iniziativa di u deputatu merre d’Aiacciu, mastuchendu sempre i nobili cuncetti di sulidarità è di fraternità trà di l’omi. Ch’ellu sia onoratu per a so cuuperazione ! Ch’ellu sippi glurificatu ancu per a so cullaburazione !
Ma à esse à lagnà, ùn hè solu ellu.
Nantu à u situ internet di Corse Matin, à a quistione : A truvate ghjustificata l’evacuazione da e forze di l’ordine di u squat di Finusellu stu quattru di nuvembre in Aiacciu ? rispondenu iè à ottanta per centu i Corsi. Eccu dunque cum’ella si cumporta a sucetà corsa di pettu à un’altra minurità : cù disprezzu.
È seranu forse belli numerosi sti Corsi chì anu rispostu à stu votu à avè lettu « Indignate vi » di Stéphane Hessel.
Ottanta per centu di sti Corsi indignati chì si piattanu daretu à i CRS (chì elli sò propiu quì in casa soia) per dì « Fora o muccicò» à stu zitellu.
Belli numerosi sti Corsi indignati à ingunfià u pettu per ripete ch’ella ùn hà cunnisciutu pogroms a Corsica è chì nisunu ghjudeu ùn hè mai statu datu à a milizia.
Accettanu solu sti Corsi indignati i strangeri chì li compranu e so prupietà è e so case lampenda a muneta nantu à u tavulinu. Quessi sì chì ùn li facenu micca a paura i furisteri.
Ma, avà chì ci pensu, possu forse ramentà à i Corsi, indignati o nò, ch’ellu hè mortu trenta anni fà Georges Brassens.
Brassens chì avia scrittu in 1955 Chanson pour l’Auvergnat…
L'insignamentu bislingu, basta !
