Luni scorsu, lighjendu Le Monde, sò cascatu nant’à un bellu articulu annant’à i ghjovanni aiaccini incarciarati qualchì sittimani fà. In menti m’hè subbitu vinuta a maghjina di ‘ssu ghjovannu cù i mani impastughjati è l’ochji piattati da un stracciu... U titulu di st’articulu era « 20 ans, conscience politique zéro »
Cio chi m’hà stumacatu, hè chi a parti maiò di st’articulu parlava di cosi detti da i pulizzeri, è ancu peghju : dinò da i ghjovanni, mentri chì erani intesi da i pulizzeri !!!
Ancu u titulu hè una parolla pulizzera...
A famidda t’hà pussutu parlà, ind’è l’ultima parti di l’articulu, solu pà dì dui o trè parolli.
Allora mi dumandu - è ‘ssi qualchi parolli sò un invitiu à dumandavi dinò – ciò chì ferma d’u sicretu di a struzzioni !
L’avemu tutti capita lighjendu l’articulu, u ghjurnalistu t’avia a pussibilità di veda à certi parti di l’inchiesta (sopratuttu i P.V.), chì d’abitudini sò tinuti sicreti nanzi à u prucessu ! È a pussibilità di parlà cù quilli ch’erani incaricati di l’inchiesta !
Quali sarà u scopu allora ? Veri ghjurnalisti ùn ci n’hè abbastanza, è sò i pulizzeri chì li dani l’infurmazzioni è i tituli di l’articuli ? Ch’ani da divintà i dritti di a diffesa s’ellu ùn hè più rispittatu u sicretu di a struzzioni?
E ùn parlaremu micca di l’articulu stessu, scrittu à l’usu “ghjurnalistu parighjinu”, un pocu come Christophe HONDELATTE ind'è “Faites entrer l’accusé”.
Ma quì, i ghjovani ùn sò ancu ghjudicati...
Allora eiu mi sò dittu, o UMSS, tù dinò poi fà ghjurnalistu !!!
Aghju pighjatu u mè telefonu, è aghju chjamatu u 17.
- « Allô, ici police-secours j’écoute ? »
- Bonghjornu ! Mi pudeti dà qualcosa pà scriva un’articulu ?
- Clac ! Tuuuut tuuuut tuuuut tuuuut...
Hè bè, aghju amparatu dui cosi in dui sicondi :
- A prima, hè ch’ùn capiscini micca u corsu, a prussima volta pinsaraghju à parlà francesu.
- A siconda, hè chi ci voli à essa amichi cù elli pà pudè spirà avè un colpu di manu “pulizzeru”, a prussima volta pinsaraghju à dì ch’eiu sò un ghjurnalistu corsu chi voli travaghjà cù a pulizza francesa
Forza u veru ghjurnalisimu corsu...vargogna à elli...
U Medicu Stroppia Sani
Cio chi m’hà stumacatu, hè chi a parti maiò di st’articulu parlava di cosi detti da i pulizzeri, è ancu peghju : dinò da i ghjovanni, mentri chì erani intesi da i pulizzeri !!!
Ancu u titulu hè una parolla pulizzera...
A famidda t’hà pussutu parlà, ind’è l’ultima parti di l’articulu, solu pà dì dui o trè parolli.
Allora mi dumandu - è ‘ssi qualchi parolli sò un invitiu à dumandavi dinò – ciò chì ferma d’u sicretu di a struzzioni !
L’avemu tutti capita lighjendu l’articulu, u ghjurnalistu t’avia a pussibilità di veda à certi parti di l’inchiesta (sopratuttu i P.V.), chì d’abitudini sò tinuti sicreti nanzi à u prucessu ! È a pussibilità di parlà cù quilli ch’erani incaricati di l’inchiesta !
Quali sarà u scopu allora ? Veri ghjurnalisti ùn ci n’hè abbastanza, è sò i pulizzeri chì li dani l’infurmazzioni è i tituli di l’articuli ? Ch’ani da divintà i dritti di a diffesa s’ellu ùn hè più rispittatu u sicretu di a struzzioni?
E ùn parlaremu micca di l’articulu stessu, scrittu à l’usu “ghjurnalistu parighjinu”, un pocu come Christophe HONDELATTE ind'è “Faites entrer l’accusé”.
Ma quì, i ghjovani ùn sò ancu ghjudicati...
Allora eiu mi sò dittu, o UMSS, tù dinò poi fà ghjurnalistu !!!
Aghju pighjatu u mè telefonu, è aghju chjamatu u 17.
- « Allô, ici police-secours j’écoute ? »
- Bonghjornu ! Mi pudeti dà qualcosa pà scriva un’articulu ?
- Clac ! Tuuuut tuuuut tuuuut tuuuut...
Hè bè, aghju amparatu dui cosi in dui sicondi :
- A prima, hè ch’ùn capiscini micca u corsu, a prussima volta pinsaraghju à parlà francesu.
- A siconda, hè chi ci voli à essa amichi cù elli pà pudè spirà avè un colpu di manu “pulizzeru”, a prussima volta pinsaraghju à dì ch’eiu sò un ghjurnalistu corsu chi voli travaghjà cù a pulizza francesa
Forza u veru ghjurnalisimu corsu...vargogna à elli...
U Medicu Stroppia Sani
L'insignamentu bislingu, basta !
