« Corsica non avrà mai bene » sta frasa saria stata prununziata quandu fù tombu u conte Arrigo Bel Messere. L’attualità ci mostra chì quellu chì l'hà detta avia propiu a ragiò. Simu d’ottobre è sedeci omi sò dighjà cascati sott’à e fucilate.
Trà què è l’accidenti di vittura, u corbillard hà da diventà u mezu di trasportu u più pigliatu di l’isula. Ma bò ghjè nurmale ! Micca bisognu d’inchietassi ! Pudemu campà tranquili in stu bellu paese. Per i Corsi tuttu và bè, simu in a nurmalità, ùn ci hè nisun prublema è di tutta manera « in Corsica hè sempre statu cusì, ci hè a tradizione di l’arme è ùn pudemu fà nunda ! »
Eccu ciò chì si sente sempre, in bocca di l’astutoni chì si piattanu daretu à una falsa tradizione per ghjustificà a gattiva situazione di a Corsica ! Eppo, in più, quandu u vulemu simu i più forti per scuzzulà e nostre tradizione. Ci simu spiccati di a nostra lingua è di a nostra sucetà campagnola allora perchè micca di l’arme. Isse reazzione populare surtite di discursate di caffè sò carche di sbagli è facenu propiu male à a Corsica.
Quella chì hè a più conna è chì rivene per ogni mortu mostra bè u nostru spiritacciu: ghjè a famosa frasa « se l’anu tombu avarà fattu qualcosa ». Iè perchè ci vole à sapè ch’ind’è noi e vittime diventenu sempre culpevule ! Micca bisognu d’aspettà à un prucessu ! I morti passanu in cumparuzione subbita davant’à un tribunale di ciarbelloni briachi chì anu di più di simpatia per i criminale chì per e vittime ! D’altronde m’arricordu d’issu ghjurnalistu di Corse Matin chì cuminciava u so articulu, trattendu d’un capimachja di a viulenza corsa,cusì : « indeniablement cet homme a du charisme ». È a loda avia cuntinuatu è cuntinuatu l’articulu sanu. E iss’articulu ùn avia stumacatu à nimu, nimu ùn avia dettu nunda, paria nurmale, nimu ùn s’era indignatu.
Purtantu, noi altri Corsi, simu u populu di l’indignati : simu indignati da i stranieri chì venenu à piglià ci u travagliu (Corsica terra d’accogliu !) ; simu indignati da una decina d’attentati annantu à i Leclerc (Eccu a vera viulenza !) ; simu indignati da e rilazione trà ACA è SCB (sughjettu impurtantissimu !) è u peghju ghjè chì simu indignati da a seria Mafiosa chì dà una gattiva imagina di a Corsica (a rialità hè ben più scumpientosa...).
Ùn simu micca nurmale a vi la dicu !!! Ma ùn vi ne fate ci sò quantunque punti pusitivi à campà in stu paese di scemi. Iè ne avemu trovu ! Da veru pare stranu ma asistenu !! Almenu dui. Per cummincià simu furtunati perchè, noi, ùn avemu micca bisognu di cumprà una televisiò per pudè vede « Les Experts » (ma i nostri ùn trovanu mai l’assassini). U sicondu puntu pusitivu hè chì i scempii cum’è quellu di Colombine, o quellu di l’altru scimò nurvegianu di Anders Behring Breivik ùn ponu accade ind’è noi, postu chì annantu à una centina di studienti attacati forse una trentina averianu surtitu a pistola per salvà à tuttu u mondu ! Eccu i punti pusitivi.
Allora quale sarà u prossimu ? Qual’hè chì sà ? Forse un prete innò ? Eh perchè micca ? Avemu dighjà tombu tutti i simbuli : u merre, u stitutore, u duttore, l’avucatu, a donna ecc..
Ci ferma solu u sgiò prete. Ma bò, s'elli u tombanu, avarà fattu qualcosa innò ?
Eh beh ! Gattivu ambiente chì noi avemu. Ùn saremu mai tranquili. Ci n’anderemu à campà in Culombia chì ci si pare esse un paese menu periculosu...
Ci hè un pruverbiu chì dice chì u troppu stroppia ma in Corsica u troppu tomba...
Trà què è l’accidenti di vittura, u corbillard hà da diventà u mezu di trasportu u più pigliatu di l’isula. Ma bò ghjè nurmale ! Micca bisognu d’inchietassi ! Pudemu campà tranquili in stu bellu paese. Per i Corsi tuttu và bè, simu in a nurmalità, ùn ci hè nisun prublema è di tutta manera « in Corsica hè sempre statu cusì, ci hè a tradizione di l’arme è ùn pudemu fà nunda ! »
Eccu ciò chì si sente sempre, in bocca di l’astutoni chì si piattanu daretu à una falsa tradizione per ghjustificà a gattiva situazione di a Corsica ! Eppo, in più, quandu u vulemu simu i più forti per scuzzulà e nostre tradizione. Ci simu spiccati di a nostra lingua è di a nostra sucetà campagnola allora perchè micca di l’arme. Isse reazzione populare surtite di discursate di caffè sò carche di sbagli è facenu propiu male à a Corsica.
Quella chì hè a più conna è chì rivene per ogni mortu mostra bè u nostru spiritacciu: ghjè a famosa frasa « se l’anu tombu avarà fattu qualcosa ». Iè perchè ci vole à sapè ch’ind’è noi e vittime diventenu sempre culpevule ! Micca bisognu d’aspettà à un prucessu ! I morti passanu in cumparuzione subbita davant’à un tribunale di ciarbelloni briachi chì anu di più di simpatia per i criminale chì per e vittime ! D’altronde m’arricordu d’issu ghjurnalistu di Corse Matin chì cuminciava u so articulu, trattendu d’un capimachja di a viulenza corsa,cusì : « indeniablement cet homme a du charisme ». È a loda avia cuntinuatu è cuntinuatu l’articulu sanu. E iss’articulu ùn avia stumacatu à nimu, nimu ùn avia dettu nunda, paria nurmale, nimu ùn s’era indignatu.
Purtantu, noi altri Corsi, simu u populu di l’indignati : simu indignati da i stranieri chì venenu à piglià ci u travagliu (Corsica terra d’accogliu !) ; simu indignati da una decina d’attentati annantu à i Leclerc (Eccu a vera viulenza !) ; simu indignati da e rilazione trà ACA è SCB (sughjettu impurtantissimu !) è u peghju ghjè chì simu indignati da a seria Mafiosa chì dà una gattiva imagina di a Corsica (a rialità hè ben più scumpientosa...).
Ùn simu micca nurmale a vi la dicu !!! Ma ùn vi ne fate ci sò quantunque punti pusitivi à campà in stu paese di scemi. Iè ne avemu trovu ! Da veru pare stranu ma asistenu !! Almenu dui. Per cummincià simu furtunati perchè, noi, ùn avemu micca bisognu di cumprà una televisiò per pudè vede « Les Experts » (ma i nostri ùn trovanu mai l’assassini). U sicondu puntu pusitivu hè chì i scempii cum’è quellu di Colombine, o quellu di l’altru scimò nurvegianu di Anders Behring Breivik ùn ponu accade ind’è noi, postu chì annantu à una centina di studienti attacati forse una trentina averianu surtitu a pistola per salvà à tuttu u mondu ! Eccu i punti pusitivi.
Allora quale sarà u prossimu ? Qual’hè chì sà ? Forse un prete innò ? Eh perchè micca ? Avemu dighjà tombu tutti i simbuli : u merre, u stitutore, u duttore, l’avucatu, a donna ecc..
Ci ferma solu u sgiò prete. Ma bò, s'elli u tombanu, avarà fattu qualcosa innò ?
Eh beh ! Gattivu ambiente chì noi avemu. Ùn saremu mai tranquili. Ci n’anderemu à campà in Culombia chì ci si pare esse un paese menu periculosu...
Ci hè un pruverbiu chì dice chì u troppu stroppia ma in Corsica u troppu tomba...
L'insignamentu bislingu, basta !
