A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Lingua è Populu, avanzemu ?

I quaterni di Ben in corsu... Bona nutizia ? Mercantilisimu ? O gattivu segnu ?



Lingua è Populu, avanzemu ?
Cume per i cummenti di l'ultimu derby avemu avutu à aspettà un frusteru per permette à i sculari corsi di cumprà si un materiale stampigliatu in lingua corsa.

Ci vole à sapè chì da parechj’anni, l’almanachi, i quaterni, i classori, i stucci… Ben (di Benjamin Vautier, artistu francese chì campa in Nizza), scritti in biancu nantu à un fondu neru facenu un scempiu in i scoli !

Circhendu un pocu, pudemu vede dinù chì l’idea hè stata aduprata per d’altre lingue reggiunale cume u britonu è u catalanu. Ancu megliu, à parte si da u situ ufficiale è seguitentu « ethnisme peuples et langues » ghjunghjite in dui clicchi à nantu à u situ di Corsica Nazione !

Allora chì pensà d’issu librettu ?
- mette u populu corsu è a lingua à liveddu di u (i) britonu(i) hè segnu chì simu lecchi è a frasa « morta a lingua mortu u populu » vole dì tuttu ?
- hè ghjustu u fattu d’un artistu passiunatu per e lingue chì po fà piacè à i ghjovani corsi?
- Hè segnu chì avanzemu, chì e mentalità cambianu ?
- Ci vole à cumprà lu o andà à brusgià e cartulerie chì u vendenu ?

Lingua è Populu, avanzemu ?

Lingua è Populu, avanzemu ?

u 19 di Ghjenaghju 2013
L’Acellu Ben è Dettu



1.mandatu da François Berlingro u 19/01/2013 15:25
CI VOLE A DALLI A L'ELEVI DI BERLINGHI E A I PRUFESSORI DI U SNES CHI SO ARRABBIATI CONTRU A CUFFICCIALITA !!!

2.mandatu da Campagnolu u 19/01/2013 15:54
Ùn hè micca quessa chì ha da cambià qualcosa, ùn hè micca in scrivendu duie frase in corsu a nant´a una cartina o un quaternu ch´a da fà piglià cunscenza à i giovani chì ci vole à parlà corsu.
Avà po esse chì l'autore sia toccu da u sughjettu, è chì vede chì una lingua smarice è li face pena ma pensu ch´ellu hè piuttostu cummerciu !

3.mandatu da Pseudonimu u 19/01/2013 16:02
Salvà a lingua di siguru di nò. Ma hè segnu chi e mentalità cambianu.

Hè pusitivu !

4.mandatu da Cazzu Marinu u 19/01/2013 16:11
Ne bonu ne gattivu segnu, hè ghjustu da fassi i soldi.
http://ucazzumarinu.wordpress.com

5.mandatu da Campagnolu u 19/01/2013 17:04
Sicura chì è mantalità cambianu, ma cambianu in gattivu sensu…

6.mandatu da Ubabbu u 19/01/2013 17:43 (da un teleffuninu)
Hè perchè no, piglemu tuttu per a lingua, sculari di u mondu aduniscite vi!

7.mandatu da Mr Pipo u 19/01/2013 22:26
Tutte l'azzione chì vanu in un boń sensu sò bone à piglià, e più maiò cum´è e più minute. Capita ch´ùn hà da micca à scambià assai cose ma cuntribuisce à modu soiu. Vale à dì chì pian pianinu a tellatica si stende. Zittu, à populu fattu .......... !

8.mandatu da Ben sherman u 19/01/2013 23:06
I quaterni seranu difesi da l'insignanti di a CFR, di u SNES è di u SNUIPP

9.mandatu da Indria u 20/01/2013 12:04
Pè salvà a lingua : l'ufficialità.

Basta. U restu hè bucia.

10.mandatu da ANTO u 20/01/2013 13:13
Hè sicuramente megliu che nunda ,ma perche sse cose un so micca fatte da corsi ? Tuttu cio chi face parla di u prublèmu di a lingua hè bonu ,ma si po fa megliu .
http://www.blog-anto.be

11.mandatu da henry smart u 20/01/2013 14:01
E vera ghje una bona ci vole à multiplicalla sta robba ! quelli chi anu zitelli capisceranu u perche ! ci vole à esse prisente dapertuttu, è un materiale sculare chi piace à i zitelli è in più scrittu in corsu, un po ch'aiuta quelli chi anu fattu o chi feranu a scelta d'alleva i so figlioli in corsu ! ci vole à fa a cuncurenza a hello kitty !!!
un he mancu appena bugia indria !!! l'ufficialità he capita, ma un basterà !

12.mandatu da Anne u 21/01/2013 10:33
Secondu voi quantu sò i sculari chi anu compru stu quaternu ? Pocu è micca d'appressu à mè. Ci vuleria à sapè quantu giovani corsi sò fieri d'avè stu materiale qui. E quantu anu sceltu più facilmente un quaternu incu una marca à a moda. U più tristu hè chi Ben fessi quaterni cusi o chi i giovani si n'impipanu di a lingua corsa ? Qualessu hè u segnu più forte chi tuttu si ne va à Canterbury

13.mandatu da Anne u 21/01/2013 10:34
À caternu ! iPhone di merda !

14.mandatu da Geoffrey Chaucer u 21/01/2013 11:31
Perchè ò Anna?
'Un ci hè micca nunda di male à andà à Canterbury...

15.mandatu da Anne u 21/01/2013 13:42
Hè vera ! Certi volti saria ancu megliu !

16.mandatu da Napuliò u 22/01/2013 19:53
Beatu tempu d'oghje, semu assaltati è amantati da una mansa di nutizie bone ( è ùn vogliu sente un zittu da nimu, masimu i criticoni di sottu scala) :

- U Giru di Francia pà a prima volta in Corsica, era ora.

- u Premiu Goncourt à un corsu, Angelo Rinaldi rode l'agli.

- un Naziunalistu cù l'Ordre du Mérite Français et la Légion d'Honneur, semu infine ricunnisciuti.

- Ben chì scrive in corsu, u corsu hè una lingua à a moda.

- u Figliolu di u tintu di François Giacobbi chì ghjè pà una riforma stituziunale, a volpe argentata hà persu pelu è pella, a s'hà chjappa Paul Emploi.

- l'Arresti Miot rivindicati cum'è un drittu è una tradizione corsa, eccu a prova ch'è no ùn semu razzisti è ch'è no integremu i frusteri (Miot primu corsu di a "communauté de destin").




17.mandatu da henry smart u 22/01/2013 21:59
micca male o napulio !

osinno, Induve si compra stu quaternu ?

18.mandatu da GIACOMONI u 23/01/2013 09:31
Morta a Lingua, mortu u Populu.

Ben Dettu

19.mandatu da Anne u 24/01/2013 12:50
Henry, l'aghju vistu in Aiacciu in dui lochi : un "tabac presse" è un magazenu di materiale di scagnu. Ma era di sittembre...

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city