Accueil
Envoyer à un ami
Version imprimable
Partager

Keskoné bien en Keurse ? Bof.

L'hà detta l'OCDE in un raportu st'estate : "La Corse est la région française où il fait le moins bon vivre". Rivenuti, servizii, insecurità, impieghi, dicenu chì s'è no femu u contu u risultatu ùn hè micca terribule.



Keskoné bien en Keurse ? Bof.
Hè dunque a grande OCDE (organisation de coopération et de développement économiques) chì a dice, in Corsica si stà male.

L'organìsimu hà studiatu ottu criterii : i rivenuti, l'accessu à a salute, a securità, l'accessu à i servizii, l'ingagiamentu cìvicu, l'educazione, l'impieghi, l'ambiu.

U risultatu averà di chè fà paura i nostri amichi "les amis de la Corse" : a nota nant'à 10 hè di 5,66, a più bassa di e 22 regione di Francia.

Avete mancatu l'infurmazione ? Corse-Matin è France 3 n'anu parlatu. U studiu sanu si pò truvà quì, nant'à u situ di l'OCDE.

Per l'insecurità si tratta unicamente di l'assassinii. Hè quessa chì face calà a nota di a Corsica. Cù un percentuale di 7,3 assassinii per 100.000 abitanti, semu à u listessu livellu ch'è a regione di Detroit per esempiu.

Pè riassume, l'OCDE dice à u livellu internaziunale : "ùn ci andate micca, hè periculosu". Ùn manca più ch'è "hè goffu", "piove tuttu u tempu", "cunducenu cum'è scemi" è "sò antipatichi".

Bon và bè, si pò discorre di l'indicatori scelti. Ma per una volta chì un studiu internaziunale dice "ùn andate micca à stallavvi in Corsica", ùn ci lagneremu micca.

u 16 di Sittembre 2014



1.mandatu da barbier u connu u 16/09/2014 12:25
à mè ste cacciate mi piacenu, cusì si stanu ind'elli....

2.mandatu da ghjuvan'paulu u 16/09/2014 22:25
À me mi pare che ancu s'ellu si sta male in Corsica, i pinzuti sianu sempre più numerosi ... per a nostra sfurtuna !

3.mandatu da Cyril Cattana u 18/09/2014 18:35
Bella gamba, stu OCDE !!

entra mi in c..., associu di scrucconi !

Vinti dui pé a bitunizazzione é u turismu di mazza : allora va bé ! Bonanova !

Novu cumentu :