Padamalgame

L'Aiaccini anu dunque finitu per vutà vulenteri à Marcangeli, à una magiurità impurtante. Avemu capitu ch'elli eranu stufi di Tonton Simon, chì u putere usa. Ùn anu micca tenutu contu di e storie di cumbrincule, di false precure. Invece chì di e storie di parkings, sì.

A demucrazia hà parlatu, i citatini anu fattu a so scelta è ùn ci hè nunda à dì.

Ma ci hè un ritrattu chì hà suscitatu l'incumprensione è assai interrugazione :

Parechji anu cridutu à un muntagiu Photoshop, ma nò. Stu ritrattu hè statu publicatu nant'à u contu twitter di France 3 Via Stella :

Si ritrovanu i dui striscioni in prima pagina di Corse-Matin :

Bon, digià, forse chì l'allusione à "Simu Charlie" hè appena esagerata. Ch'è no sappiamu, nimu hà mitragliatu a permanenza di Laurent Marcangeli à colpi di kalash.

Ma chì pensà di stu striscione chì face riferenza à a seria tv "Plus belle la vie" ?

U ritrattu vene da u contu Twitter di F3 Via Stella

Ma ùn imbulighjemu micca tuttu. L'Aiaccini ùn sò micca tutti accaniti di "Plus belle la vie". Pensemu forte à quelli chì preferiscenu Breaking Bad, Gomorra, Magnum, A Famiglia Pastasciù è puru Derrick.