Accueil
Envoyer à un ami
Version imprimable
Partager

Pè Jérôme Polverini, ùn ci hè micca abbastanza vechji in Corsica

Ma si tratta di u "vechju marinu", u nome corsu di u "phoque moine".



Dui vechji
Dui vechji
Hè un'idea à l'iniziativa di Jérôme Polverini, presidente di l'Uffiziu di l'Ambiante di a CTC. U vechju marinu, in francese phoque moine hè smaritu in Corsica in l'anni 70, vittima di i piscadori chì u caccighjavanu.

L'ultima volta ch'ellu s'hè vistu un vechju marinu in Corsica era in u 73.

Jérôme Polverini vole dunque intruduce st'animale smaritu è esiste un prugettu cù a fundazione Albert II di Monaco.

Perchè micca ? U vechju marinu hè un animale in traccia di smarisce è hè unu di i più minacciati nant'à u nostru pianeta. Ma ci vulerà à fanne vene da Grecia o... d'Hawaï. Cusì almenu a CTC s'arricoglierà une pochi di Miles d'Air France.

Ma à un mumentu induve a CTC vole ghjustu à puntu sviluppà u turisimu liturale, custruisce di più nant'à un bor'di mare chì hè digià più ch'è troppu frequentatu l'estate, chì hè l'interessu di fà vene un animale chì hè vittima di a presenza umana ?

L'interesserà veramente, à stu poveru animale, di passà a stagione in Palombaghja trà La paillotte à Jean-Chri è a casa di Clavier ?

u 24 di Nuvembre 2008
u webmaestru



1.mandatu da machja u 24/11/2008 10:47
Hè quantunque piu simpaticu su vecchju marinu, che su c..... marinu di polverini.

2.mandatu da Blaccu Bloccu u 24/11/2008 11:11
Eiu prupongu unu scambiu .

Rimpatrià u vechju marinu espostu à u museu di Monacu (tumbu da u Prince Rainier III 'nu 1947 'na grotta Palazzu in Scandola), è mandali à Ghjilormu "bip bip" in iscambiu...vivu !!
U nosciu vechju marinu impagliatu à mez'à quidd'altri di l'esecutivu..."ni vu ni connu", è u vechju zinu di Pianottuli sopra locu di a "désenctuarisation". Eccu!

3.mandatu da u pastore arrabiatu u 24/11/2008 14:18
Certi, un' sannu piu chi fà pè fassi leghje...

4.mandatu da Culomba u 24/11/2008 21:27

O Blaccu, ùn pò marchjà a to idea di scambiu. Ci vuleria à pacà per ch'elli si pigliessinu à Poverinu!!

5.mandatu da filimondu u 26/11/2008 00:00
ai a ragiò o culomba ci vulerà à pacà è caru ancu

Novu cumentu :