Accueil
Envoyer à un ami
Version imprimable
Partager

Pédophiles, consanguins, assassins : benvenuti in Casabianda

Esiste u paradisu di i pedoffili : a "prigiò" di Casabianda. I "prigiuneri" sò in meza libertà, anu a chjave di a so "stanza" è ùn ci hè nè muri nè mirador. Ancu megliu : anu a so propia marina riservata induv'elli vanu à bagnassi è fà i so barbecue. 70% di i "prigiuneri" sò deliquenti sessuali periculosi, spessu pedoffili, in fine di pena. Emile Louis ellu, si campa.



Eccu dunque cum'ellu hè ricumpensatu u peghju mullizzu di l'umanità. Casabianda hè un duminiu di a piaghja aleriana di 1.900 èttare è chì appartiene à u ministeru di a Ghjustizia.

A feccia di l'umanità in un club-med
Stu penitenziariu hè unicu in Francia è s'entra cum'è innù e grande scole : nant'à "dossier". E piazze sò care è riservate à ciò chì l'umanu face di peghju : assassini, viulatori è pedoffili.

Casabianda hà l'onore di vede un invitatu di marca : Emile Louis, u mostru di l'Yonne, cundannatu una prima volta per avè torturatu è viulatu a so figliola è a so moglia è una segonda per avè viulatu è tombu sette povere zitelle malate mentali.

Ancu u golf
A specificità di u penitenziariu : i "prigiuneri" sò in meza libertà. Travaglianu a matina in u duminiu agrìculu, à u sole è à l'aria pura. Quì ùn ci hè nè muru nè mirador, nè mancu prublema di suprapupulazione carcerale : e cèllule sò grande è spaziose. U dopu meziornu si divertiscenu : spassighjata in a magnifica furesta, dui corti di tennis è di volley, ponu ancu fà planche à voile è golf.

U parloir hè quì illimitatu a dumenicata. Per infurmazione, in Fresnes hè limitatu à 20 minuti à mese.

È u più bellu hè ch'ella esiste ancu una piaghja riservata à i prigiuneri ! Da dumandassi s'ellu si parla veramente d'un penitenziariu. Mancu in i sogni di Séguéla ùn si trova affare sìmule !

Hè cusì chì l'amministrazione cuncepisce a Corsica : una terra d'esiliu pè i peghju assassini di l'umanità chì ci campanu cum'è rè. In l'Antichità Roma avia digià mandatu ghjente in esiliu, cum'è Sèneca. Ma dipoi, e cundizioni di vità si sò megliurate è si battenu per esse trasferiti in stu vituperiu di Casabianda.

Prison Break pè Emile Louis ?
Una volta a pena compia, ùn si sà nunda nant'à ciò chì sti prigiuneri di club-med diventanu. Si dice chì certi si sarianu stallati in Corsica. Ma infurmazioni ùn ci n'hè.

Ma l'incidenti sò stati pochi. L'ultimu era in u 1977, quandu un prigiuneriu hà tombu un guardianu.

Ah, ultimu affare. Venimu d'amparà chì un prigiuneru si n'hè fughjitu: in permissione, s'hè "scurdatu" di vultà in a so stanza.



u 28 di Maghju 2008
U Sgaiuffu



1.mandatu da u cuccu u 28/05/2008 11:19
Séguéla ùn la vulerà micca custruisce quallà a so casaccia?

2.mandatu da GWM u 28/05/2008 12:00
s'è què ùn hè micca una struttura culuniale, ùn dicu più nunda...U Statu francese alluntana i so pessimi criminali ind'è noi, perchè, a sapete, ind'è noi, a prigione, ghjè u paese stessu, incù i so abitanti primitivi è periculosi...forse l'amministrazione penitenziaria spera chi in casu di fughjita di un prigiuneru, quellu si ferà piglià à fucilate dà l'autottoni lampati in battuta daretu à ellu...

3.mandatu da un tippu u 28/05/2008 12:01
tuttu a MERDA si a sucetà francesa a CI MANDANU IND'E NOI !!!!!

eccu cum'elli ci RISPETTA U STATU FRANCESE

4.mandatu da Yvanuterribule u 28/05/2008 16:13
BACCALA PE CORSICA!!!

5.mandatu da ribella u 28/05/2008 17:38
CI VOLE una reazzione furtissima di a pupulazione , c'hè veramente da inchjetassi ..., ci so stati digia i prublemi gravissimi... In più iss' altra nutiziaccia ind'u giurnale...
Ma u peghju hé sempre pè è vittime !
Ch'elli si tenghinu i soii
CASABIANDA DEVE ESSE RESA A A CORSICA !

6.mandatu da info u 29/05/2008 20:28
Emile Louis hè statu in Casabianda parecchji mesi. Erta incaricatu di pourtà e zitelle di u parsunale a a scola in Bastia.

7.mandatu da Pe' u 15/01/2010 18:25
Ch'elli sianu crep...tutti sta razzaccia !
N'annu nunda da fa in de noi ... Fora di Corsica !


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta