Accueil
Envoyer à un ami
Version imprimable
Partager

SNCM :Senza Noi, Corsica si ne More ?

È torna à Vignale! Un attentatu contru à a posta? Un pippol à Via Notte? Una fiumara in Aiacciu? Innò, ghjè solu una greva di a Cunsulta di i Grevisti Tramaturi.



cgt, corse, corsica, sncm, piazzetta, logo, stc
cgt, corse, corsica, sncm, piazzetta, logo, stc
Perchè?

À dilla franca, ùn vi puderebbe mancu spiegà u perchè cumu di a so greva. Hè una vera ciambatta u mutivu. À ciò ch'aghju capitu, serianu in zerga per via di l'attribuzione à una gattiva sucetà taliana d'un terminale nant'à u santuariu di u portu di Marseglia. Rivendicazione suciale dunque, intinta d'un naziunalisimu anticognu contru à l'Europa è a libertà di u marcatu.

Ùn si sà ancu s'ella hà da durà assai sta greva. Soca dipenderà di u tempu o di l'estru di tale o tale sindicalista? Ma al di là di sta greva, hè a quistione di i trasporti chì si pone, à sicutera, senza mai sbuccà nant'à una suluzione.

Difende a Corsica o una curpurazione?

Bellu aspessu, i puteri publichi cercanu a pace suciale à cortu andà è suddisface rivendicazione di tutte e mamme. Vistu u prezzu di i trasporti, a saperemu quantu impieghi ùn si ponu creà in Corsica? A vi pensate voi chì serà megliu à tichjà i marinari incù i soldi publichi chè à impiegà sti soldi da curà è sustene l'iniziu d'un sviluppu ecunomicu isulanu?

L'uffiziu di i trasporti, serà in Aiacciu o in Marseglia?

Quessa a scelta l'eletti Corsi ùn l'anu ancu fatta. S'elli sò quasi tutti d'accunsentu nant'à l'analisi, ùn ci hè nimu chì hà u curagiu puliticu di difende l'idea di u sviluppu isulanu contr'à l'arrubecciu di soldi publichi fattu ogni annu da a SNCM. Eppuru, ùn vale à sturzulà, quessa a scelta, ci volerà à fà la. I citadini ùn accetteranu tantu chì una manata d'impiegati, ancu puru marinari è sindicalizati assai ci imponinu e so scelte è i so prezzi...

u 5 di Ghjugnu 2008
Sbanditu



1.mandatu da Jean Paul is real ? u 05/06/2008 17:53
Avà, ci n'hè una techja :

SNCM : Simu Narpie, sCrucconi, è Marsegliesi

2.mandatu da Quill'altru u 05/06/2008 19:36
serianu in zerga per via di l'attribuzione à una gattiva sucetà taliana d'un terminale nant'à u santuariu di u portu di Marseglia. Rivendicazione suciale dunque, intinta d'un naziunalisimu anticognu contru à l'Europa è a libertà di u marcatu.


Aghju intesu dì dinù ch'elli t'avianu sempre una cultella à mezu à i denti è ch'elli manghjavanu i zitelli. Sarà vera ?

3.mandatu da estrimei u 05/06/2008 20:29
dumanda sincera per risposta onesta da qualchissia chi sà:
dicenu chi Israel he carcu a soldi,ch'ellu ha un "restaurant" e una grossa vittura.vuleria sapè si ,qualchissia chi sà,mi po risponde.
u 'nterressu un'he micca di mette una calumnia, he di sapè a VERITA

4.mandatu da Petru-Anghjulu u 05/06/2008 21:21
Tichja i marinari à soldi permette a cunservazione di l'impieghi per i corsi e una manu-messu nantu à u trafficu ma di manera vane da e cumpagnie. Caccia l'aiuta di u guvernu ghje dino caccia a SNCM fora di stu mercatu. He assai pussibile che l'Indiani cu a so manu d'opera di piu cumpetitiva piglianu a piazza di cumpagnie chi una volta eranu in monopoliu o guasi monopoliu. Imaginatevi un viaghju Marsiglia-Aiacciu cu u batellu "Charles de Gaulle" e manuvratu da u patrone di Mittal-Arcelor. Buffu no ?

Ci vole à accetta cu disgrazia che certani settori un sianu piu duminati da i listessi e ci vole à truva u piu prestu pussibile una strategia di ricunversione in dumanii ch'ammaestremu. O allora cambia d'idee pulitiche


6.mandatu da Mazzone u 06/06/2008 11:17
Ah, sta cicittì allora...

Novu cumentu :



Seguitateci nant'à Facebook



Abbunatevi à a newsletter

Circà nant'à A Piazzetta