Accueil
Envoyer à un ami
Version imprimable
Partager

Scàndalu : u braquage à u cunventu ùn raporta guasi nunda

U braquage à u cunventu sartinese d'un frate di 84 anni hà rapurtatu pocu : solu 2000 euro pè trè maffiuselli. Prussimu ogettivu pè i picculi Tony Montana : e sore, i vechji di a MAPAD è i Restos du coeur.



Scàndalu : u braquage à u cunventu ùn raporta guasi nunda
À troppu fidighjà Scarface è Spaggiari à a televisiò, si finisce per francà u passu.

Ind'i tempi, un braquage à u cunventu u lindumane di a Settimana Santa era cuccagna : c'era almenu di chè cumprassi una vittura è flambà parechji mesi.

U hold-up di u cunventu San Còsimu è Damianu di Sartè l'ondeci d'aprile scorsu face piuttostu pietà : solu 2000 euro.

Spartuti à trè, face pocu. Semu luntani di u "Casse du siècle".

Solu di chè pagassi qualchì dosa di coccaìna, appena di shit, una buttiglia di Johnnie in una buatta minchjò, u pienu d'essenza per a 205 è un paghju di Nike.

I picculi Tony Montana sartinesi ponu esse dillusi.

Purtantu, Corse-Matin di u 5 marzu scorsu a dicia chì a Chjesa di Corsica hè fusciata : Les comptes de l'Église dans le rouge prevenia u giurnale.

Allora cunsiglieremu d'altri braquages chì ponu rapurtà di più è chì sò cusì periculosi ch'è di braccà un frate di 84 anni : u cunventu di e sore, i vechji di a MAPAD, i Restos di u core, i myopathes di u Téléthon, i SDF, l'associu di sustegnu à Haïti, quelli di l'Eveil.

Iè, a Corsica, và megliu.

u 13 d'Aprile 2010
U Sgaiuffu



1.mandatu da miccaèbastiacciuinizza u 13/04/2010 13:30
chi vergogna!

2.mandatu da anto u 13/04/2010 15:29
In quant'a mè quand'ell'eranu giovani so stati un pocu troppu a u cataghismu e cu tutti st'affari chi si sentènu hanu svilupatu un "complexe " anti-preti .

3.mandatu da saveriu u 13/04/2010 18:01
cùcculu di piola e basta.

4.mandatu da Carghjisanu u 13/04/2010 23:14
Eccu un bel' esempiu di curraghju e di salute in cappu, doppu à u panatteru e a posta pà "flambà" in e seratine cuccainate, ci facenu ghjesgia... Qualcosa un viaghja più da veru in corsica oghje ghjornu.

5.mandatu da Partinellincu u 14/04/2010 01:44
È perchè micca i neri chi vendenu e caccauette nant'a a piaghja?? Ahù!

O figlioli, un'averete mancu rispettu per l'omi di fede??

6.mandatu da U Bastiacciu u 14/04/2010 04:31
Una vergogna pè u populu corsu ... So stumagatu ... Mi dumandu induve u senzu murale ........

7.mandatu da circinellu u 14/04/2010 14:24
A listessu tempu, a ghjesa a sempri campatu arrubendu a povera ghjenta...
Avà gira a rota :)

8.mandatu da Carghjisanu u 14/04/2010 15:20
Pensa ciò chè tu voli mà Circinellu era un prete mi pare...

9.mandatu da Ahmed Zavìa u 27/04/2010 22:10
Ùn hè micca "Scarfaccia" ch'elli c'hanu ghjucatu sti furdani senza vergogna...serìa piutostu "Scaravazzi"...

Novu cumentu :