Accueil
Envoyer à un ami
Version imprimable
Partager

Tutti in Sardegna in hyperloop

Passà da a Corsica à a Sardegna in qualchì segonda ? Serà forse pussibule un ghjornu. U prugettu chì hè purtatu da unepochi di Corsi hè statu selezziunatu da a sucetà americana.



Ma cosa hè hyperloop ?

Hè un prugettu americanu purtatu da un miliardariu, Elon Musk. Hà imaginatu una tecnulugia di treni à altissima vitezza. U scopu hè di cullà à 1200 chilòmetri à l'ora (chì tanti TGV).

Stu sistema prumette di rivuluziunà i modi di trasporti. Serà un "trenu" di capsule chì viaghja cù a levitazione magnetica in un tubu. È serà alimentatu cun energie verde.

Da leghje nant'à Courrier International : Hyperloop, des capsules supersoniques pour voyager

E prove avanzanu. Ci hè statu un test in u desertu di u Nevada.


U primu prototippu cù un passageru nentru hè previstu pè u 2019.

Imaginate un cosu cusì :

Da quì à pocu à l'Emirati Arabi Uniti

S'è vo vulete piglià l'Hyperloop ci vulerà à andà in Dubai. Hè statu firmatu l'accordu in u 2016 trà l'intrapresa americana è sì tuttu và bè serà messu in piazza da quì à quattru anni.

Da leghje nant'à Le Figaro : Avec Hyperloop, Dubaï-Abu Dhabi en 12 minutes


Perchè micca trà Corsica è Sardegna ?

È perchè a Corsica ùn saria micca un ghjornu à a punta di a tecnulugia ? Hyperloop hà selezziunatu 35 prugettu in u mondu. Ùn ci n'hè micca in Francia, ma in a short-list ci hè u prugettu di fà a leia trà e duie isule.

Ùn hè mancu una burla.

Da leghje nant'à RCFM : Hyperloop : la Corse déboule à très grande vitesse


Bon d'accordu ùn ci semu ancu. Nant'à i 35 prugetti, 12 seranu ritenuti di maghju. È ùn seranu più ch'è 3 st'estate.

Ma face prò di sunnià di tantu in tantu, nò ?

u 13 di Ghjenaghju 2017


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta