Accueil
Envoyer à un ami
Version imprimable
Partager

U cutitianu "Le Courrier Picard" esciutu in lingua picarda... è ind'è noi ?

Tutti l'anni, stu giurnale esce un'edizione in a so lingua "regiunale". Ch'ella sia a Picardìa chì ci mostri l'esempiu vi stona ?



Ùn avete siguramente mai lettu Le Courrier Picard. Stu cutitianu esce in i dipartimenti di a Somme, l'Oise è l'Aisne, è hè stampatu à più di 60.000 esemplarii.

Dapoi u 2011, stu giurnale esce una volta à l'annu una versione in lingua picarda. Ùn sò ch'è quattru pagine una volta à l'annu, ma quantunque, vale più ch'è un longu discorsu :

U cutitianu "Le Courrier Picard" esciutu in lingua picarda... è ind'è noi ?

U giurnale spiega chì cusì a lingua picarda "peut aussi se prêter à un traitement journalistique" (ancu assai !).

È serà un fiascu ? Mancu ! Spiega Le Figaro : "Et le moins que l'on puisse dire, c'est que l'opération est un succès, y compris pour les ventes, qui augmentent d'environ 5% ce jour là".

Purtantu, a lingua picarda ùn hè siguramente micca a lingua "regiunale" chì si porti u megliu in Francia.

Difficiule d'ùn fà u paragone cù a Corsica. In Corse-Matin truvemu ogni dumenica e cronache in lingua corsa di Julian Mattei è Diana Saliceti. Nanz'à elli c'eranu quelle di Pierre Ciabrini, di Ghjacumu Fusina o di Ghjiseppu Sicurani. In La Corse - Votre Hebdo c'era quella di Marcu Biancarelli.

Ma l'esempiu di u Courrier Picard puderà forse dà idee à certi.

Alè o Corse-Matin, un picculu sforzu ! Avà ti tocca à andà appena di più luntanu.


u 14 di Marzu 2015
U Sgaiuffu



1.mandatu da baroni u 14/03/2015 12:59
libertà pè a Picardia

2.mandatu da francescu u 15/03/2015 11:14
Allez Roger ! Fà un sforzu !

un si puderà micca avè, di tantu in tantu (micca 1 volta à l'annu solu...) una versione in lingua corsa di CM ? solu qualchi pagine ?

aio... ùn serà micca cusi difficile

3.mandatu da UNGHERIA 1956 u 16/03/2015 10:29
A PRUPOSITU DI CUNTINUITA TERRITURIALE DAPOI U 24 NUVEMBRE 2014 A CTC HA AFFITATU UN BATELLU IN CASU DI SCIOPERU DI I MARINARI SNCM; STU BATELLU E PAGATU 15000 EURO A GHJORNU DUNQUE E GIA CUSTATU 1 MILLIONE 500000 EUROS..DARETU A ST'AFFARE SI PARLEREBBE DI A MANU DI CERTE PERSONNE E D'INTERESSI DI U GENERU DI QUELLI CHI HANNU LASCIATU UNI POCHI INSAGUINATI NANTA U PAVIMENTU O NANTA A E STRADE DI CORSICA.OGHJE IN CORSICA SIMU A PREDA DI STU SISTEMA ALTRU CHE I MISFATTI DI A LFP!!!!

4.mandatu da drago2b u 16/03/2015 10:37
ind'e noi che u Keurs'matin...

5.mandatu da zeru u 16/03/2015 15:36
o Francè què ùn hè micca pussibule chì sò i nostri chì ùn anu micca tempu di scrive in Corsu nant'à u CM...a vuluntà Antech l'hà, simu noi chì ùn avemu più nunda, è soprattuttu micca tempu di scrive in corsu !!! manghja merda ch'è no simu...

Novu cumentu :



Seguitateci nant'à Facebook



Abbunatevi à a newsletter

Circà nant'à A Piazzetta