A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > ATTUALITÀ CORSA

U statu vole discorre di tuttu, ma sopr'à tuttu di nunda

Marylise Lebranchu, ministra di a funzione publica è di a decentralizazione, hà fischjatu a fine di a partita.

Ci vole à crede ch'ellu ci hè veramente un prublema di porte chjose à u PS, è micca solu in Bastia.

In l'emissione Cuntrastu, a ministra di a decentralizazione Marylise Lebranchu hà fattu u puntu nant'à u cusì dettu "dossier corse".

Dop'à i voti à a CTC nant'à a cuufficialità è a riforma custituziunale, era nata una piccula luce di speranza in Corsica.

Ma Lebranchu hà calmatu à tuttu u mondu.

A lingua corsa ? "Aujourd'hui, la coofficialité n'est pas possible. Restons raisonnables. Travaillons pour trouver une autre solution".

U statutu di residente ? "C'est un vrai sujet, mais le statut de résident est totalement anticonstitutionnel".

U dialogu hè apertu dunque, è cummencia propiu bè. U statu hè prontu à parlà di tuttu, ma in fatti di nunda.

È di siguru Lebranchu ci dice chì "tout est possible. Et en Corse plus qu'ailleurs"

Tuttu hè pussibule, sopr'à tuttu u peghju.

u 17 di Dicembre 2013

Accueil

Envoyer à un ami

Version imprimable

1.mandatu da débranché u 17/12/2013 12:38

nò u peghju ùn hè ancu à vene!!!

2.mandatu da anto u 17/12/2013 15:19

Unu piu buggiardu che l'altru a cumincia pè i nostri eletti chi ci portanu di fole in canzone .

http://www/blog-anto.be

3.mandatu da babbò u 17/12/2013 15:52

INCONSTITUTIONNEL ! eccu hè lampata a parula,ma di quale custituzione parlanu ? a custituzione francese,una custituzione stranghjera, chi ci rispondi dipoi piu di 200 anni per ogni dumande "INCONSTITUTIONNEL".
Alora oghje pensu chi i nostri eletti,di diritta, di manca e ancu naziunalisti,averanu capitu che issa custituzione francese un cambiera mai.
Ricuniscenza di u Populu Corsu,Lingua Corsa,statutu di residentu e ancu cuuficialita un ponu entre inde a custituzione francese, INCONSTITUTIONNEL,un c'hè piu nulla a di.
A soluzione mi vene subitu a mente,cambiemu di pulitica,femu una custituzione nustrale, Corsa, vutata per tutti i Corsi,induve u primu articulu sara a ricuniscenza di u nostru Populu et a Lingua Corsa cume lingua Naziunale.
Per quessu avemu i mezzi cu a Cunsulta Naziunale,un ci manca piu che a voglia per strappà e catene.

4.mandatu da ghjuva u 17/12/2013 16:16

bravu...ma quandu averemu capitu che ste ghjente ripresentenu a francia chi ci culuniseghja dapoi piu di 200 anni..
e i nostri eletti naziunalisti (u parlu micca di lautonomisti chi elli volenu sta frencesi) parenu sempre surpresi di tuttu sti discorsi!!

5.mandatu da Vitriolu u 17/12/2013 18:48

Un vulenu fa mancu un sforzu, parchi un credenu micca chi simu capace di pidà (micca di dumandà) a nostra indipendenza.
Piu impurtante chi a cuufficialita, c'hè un statutu di residente. E sè un hè micca u statutu di risidente, sara l'indipendenza.

6.mandatu da ghjuva u 17/12/2013 20:04

indipendenza SOLA sperenza e sola suluzione

7.mandatu da Spiegatemi per piacè u 17/12/2013 23:42

Cumu si face à "piglia" l'indipendenza quand'omu hè minuritariu nant'à a so terra cù un'armata installata inde i lochi ?

8.mandatu da ghjuva u 18/12/2013 05:09

questione di vulinta pigliemu esempiu inde tutte sti muvimenti sparpasi inde u mondu u populu sellu volle po fa scambia e cose...falemu inde i carughji cume in catalogna..cume in tunisia...e ava inde i paesi di l ESte...e tanti altri

9.mandatu da Spiegatemi per piacè u 18/12/2013 13:30

O Ghjuva, cio che tu dici hè vera... ma solamente inde sti paesi pupulati di "naziunali". Ùn hè micca listessa affare quì in Corsica... Serebbe un'addunita, una dimustrazione senza lindumane, o, sì c'è un muvimentu appena viulente, una strage... Forse ci vole à circà in altrò ?

10.mandatu da bonna aventura u 18/12/2013 18:26

O ghjuva ma i corsi falanu in carughju ,quelli di sncm , quelli di l'offiziu di l'ambiente ,quelli di l'ospitale di bunifaziu ,,i transporti ,i capi d'intreprese chi volenu fa avanza i PLU ,,quelli chi so contra a i "rythmes scolaires" quelli chi si tazzanu nanta a corse matin per esse eletti, ,quelli di l'offiziu di l'acqua ,tutta a corsica si move per una volta.

11.mandatu da ghjuva u 18/12/2013 18:46

que o amigu so rasgiine suciale..

12.mandatu da babbò u 18/12/2013 19:37

Se vo vulete piu di spiegazione andate puru nant'u situ di a Cunsulta Naziunale

13.mandatu da bonna aventura u 18/12/2013 19:40

Ghjust'apuntu o ghjuva ,simu fritti.

14.mandatu da ghjuva u 18/12/2013 19:49

fritti cume i pesci...mdr

15.mandatu da ... per piacè u 18/12/2013 22:19

iè Babbò grazie

16.mandatu da Ghjuvanluca u 19/12/2013 10:14

L'affare in veru è : .......I corsi quantu sò determinati a vulè a cuufficialità di a lingua Corsa?iPerchè è quellu chi a Francia (pare a me) vuleria misurà ,nant'à issa questione.E' chiara a vuluntà di tumballu istu prughjettu.
Tocca a dimustalli chi ùn sarà facile micca. A parolla,le idee,u vostru vulè,un so micca materiali e per questu sò LIBERE di viaghjà. Si vi neghenu a parola....parlate,si vi neganu i pinseri...pinsate. Pacificamente,Civilmente ma cù corasgiu e costanza.E' solu u principiu ,nudda è regalatu.

17.mandatu da babbò u 19/12/2013 12:19

Simu un populu di scemi,vulemu parlà corsu,campà corsu e vutemu per eletti francesi,per legge francese,falemu in carrughju per diffende i diritti francese, a fiancu a i sindicati francesi dinò,e i francesi si ne ridenu di noi.
Cume dicia un omu neru "aghju fattu un soniu" ma mi socu prestu discitatu.

18.mandatu da ghjuva u 19/12/2013 19:46

o babbo..ci vole sempre a sunia..

19.mandatu da misgiacciagavignaninca u 21/12/2013 21:10

O zitelli da qui a pocu di marzu pudederemu fa cambia a cose chicha !!!!

20.mandatu da misgiacciagavignaninca u 21/12/2013 21:10

O zitelli da qui a pocu di marzu pudederemu fa cambia a cose chicha !!!!

21.mandatu da babbò u 21/12/2013 22:10

Chi voli cambià ? l'elezione di marzu seranu sempre elezione francese

22.mandatu da ghjuva u 23/12/2013 13:06

bravu babbo...ancu se Simeoni piglia u pudere in bastia..cosa scambia per lavene di u nostru populu..nunda! o alora ci vole tutte e merie naziunaliste e dopu piglia a nostra liberta

23.mandatu da O CORSU RIFLETTI u 23/12/2013 14:18

Risposta à Ghjuvà :

À chì vole troppu, nunda hà.

24.mandatu da babbò u 23/12/2013 14:30

Ghjè quessa a trappula, o Ghjuva,Simeoni e tutti l'altri naziunalisti,s'elli piglianu u pudere si metaranu quantunque nant'u petu u stracciu francese.
Ma un fate casu di me,socu un vecchju conu, cume dicenu i ghjovani e so elli i maestri di i lindumani novi di u nostru paese
Li prega bona furtuna

25.mandatu da ghjuva u 23/12/2013 18:12

spergu selli so eletti chi ricuseranu a bandra frencese..ci volle micca ch elli si scurdessi quantuque chi so ghjente Naziunalisti chi vodenu per elli.

26.mandatu da Indria u 23/12/2013 19:17

Nelson Mandela, anch'ellu, era incustituziunale.
Ma hà vintu.

27.mandatu da Spiegatemi per piacè u 23/12/2013 20:39

Ai ragione Babbò, ùn sì micca un vechju conu, tutti sti partiti è cunsulte sò trappule. U pudere u deve piglià u populu, ognunu deve participà. Ma per questu ci vole à urganizà una vera strategia di resistenza. Ci vole à crede, à cunvince, è à fà cresce a speranza. Ci vole à...

28.mandatu da babbò u 24/12/2013 13:58

Iè, Spiegami, ci si vole a cunvinsce,ma quandu i céchi un volenu vede ....eiu un socu piu astutu che l'altri e aghju capitu,per participà,per urganizà una resitenza ci si vole quantunque a pena di vulunta di cambiamentu,e issa voglia oghje in corsica ci n'hè pocu e mica,so tutti abbagliulati per u soldu chi tombà tutt'e sperenze.
Bon Natale a tutti

29.mandatu da Spiegatemi u 24/12/2013 15:21

Bon'Natale à tè è à i to cari o Babbò.
Bon'Natale à tutti i Corsi.
Un pinseru per quelli chì soffrenu.

30.mandatu da ghjuva u 24/12/2013 18:52

bon Natale a tutti i Naziunalisti perche simu i soli a vulu spera torna a salva u nostru populu.
bon natale a i patriotti incarcerati

Novu cumentu :