Un téléthon pè sustene à Christian Clavier

Christian Clavier, u più grande sineastu corsu di tutti i tempi, hè veramente casticatu. Dopu à l'occupazione di a so villà è l'affare Rossi, s'hè amparatu chì u nostru Jacquouille naziunale hè statu minacciatu è ch'ellu hà purtatu una lagnanza ind'è i so amichi i flicchi.

Christian Clavier averà da finisce in fondu di a so piscina ?

Dopu à e minacce ch'ellu hà ricevutu è malgradu i gendarmi chì curanu a so casa notte è ghjornu, l'omu ùn si sente più in securità in u so palazzu di "Punta d'Oro" (u veru nome hè in fatti Cala Purcina...).

U PEI pè aiutà à Clavier
Oghje avemu amparatu chì a CTC è u so amicone Camille de Rocca Serra vulia organizà una grande azzione di sustegnu à l'immensu attore. Una parte di i crediti di u PEI puderianu esse utilizati pè Christian Clavier : rinfurzà a surveglianza di a so villà, camerà videò in a so residenza...

Spiega Cameddu : "Christian est un ami de la Corse, après tout ce qu'il a fait pour que notre région reste française, il est normal que l'argent du PEI lui vienne en aide. Le film "L'Enquête Corse" équivaut à 20 ans de travail de la CFR !"

In più di quessa, u téléthon pè racoglie i soldi necessarii per a custruzzione d'una gendarmeria in "Cala d'Oro" serà organizatu prestu nant'à Via Stella, presentatu da Thierry Roland è Christophe Barbier.

u 6 d'Utrovi 2008

Sgiaccoglia

Accueil

Envoyer à un ami

Version imprimable

1.mandatu da in cauda venenum u 06/10/2008 07:41

E VIVA A PIAZZETTA OKKKKKKKKKKKKKKKKKKKKKKKKKKKKKKKKKKKK

2.mandatu da estrimei u 06/10/2008 19:18

eu so d'accunsentu per l'azzione di sustegnu , ma un ci pueraghju andà chi di sicuru un ci serà che ghjente scelta ....,chi parla francese....., chi merca bè ....., e chi campa di l'arte di u mighellazzu !
aghju un penseru a port'vec e a santini induve l'hanu a sciaccà ? a u terzu, u quartu o u quintu rangu?

3.mandatu da estrimei u 06/10/2008 21:07

aghju fiighjatu u ritratu, custi sopra, avete vistu ste facciacce tratecchje , d'apressu a voi port'vec e i so cumpagni si seranu imbriaggati a l'acqua d'Orezza ?
e forse per quessa chi in cauda venenum face a festa?

4.mandatu da Ostrogoffu u 07/10/2008 11:05

eccu u sustegnu pè sta ghjente, postu ch'elli so tratechji:

http://fr.youtube.com/watch?v=yrx-ohT9r1s

5.mandatu da squadra di u splendide u 07/10/2008 14:46

noi, emu digià purtatu u nostru sustegnu chi i gendarmi i pachemu noi, no???soca clavier ùn ne hà soldi pè paga i guardiani!!! è simu in tempu di CRISA!!!!

6.mandatu da aiaccina ! u 11/10/2008 15:32

bisogna esse amicu cù sarkozy pè sembrà strambiu ! Viva un téléthon pè Christian Clavier !!!

7.mandatu da lisandra u 12/10/2008 14:52

I tre fratelli di lotta in foto! cume elli so belli! Manca piu che Carla e a famiglia sera compia! Ci vuole aiuta u teleton per u nostru amicu chi un ha mai abastanza soldi .... u corciu!

8.mandatu da 112588 u 13/10/2008 13:48

U disgraziattu, è sicuru abisognà aiutalu à fà i soldi, un hà mai abastanza soldi...
un abisognà micca ch'ellu si sente micca in securità in u so palazzu quandu ellu vene in vacanza.... altrimente u so amicone sarkozy un sarà micca cuntentu!! Dunque date per u nostru Christian Clavier naziunale, è impurtantu!

9.mandatu da 90210 u 14/10/2008 20:24

A fattu piu gravu e che un e micca christian clavier che si e infiamatu, é u so amicu sarkozy ... un so micca sicura che a so nova villa un sera distrughje, e cusi faremu un altru teleton pa comprà un altra villa a Christian !!!

10.mandatu da Marie-Angé u 19/10/2008 10:52

Amici, st'affare hè une bonanova per noi : un dirittu di pruprieta hà da infine esse rispettatu. Dopu tutte e lagnanze ch'aghju lasciatu, u scemu chi dorme nant'à mo vittura hà da esse arristatu!
Infine, per che a leghje fussi applicata, ci vole da fà perte di l'assuciazione chrisnico induv'ellu si trova ghjente in camisgia bianca è chi anu capelli chi un si ponu pettinà.
Puderaghju dà qualcosa per u téléthon un si sa mai.

11.mandatu da 2035 u 19/10/2008 15:18

Eiu proponu pè aiutà Christian, amicu di a Corsica che pruvà a campà cui a l'usu corsu, per facilità a so integrazione, di richiama u locu "Cala Sumerina"

12.mandatu da b.s u 20/10/2008 13:43

chi scandalu sta storia

13.mandatu da Cara u 21/10/2008 17:11

un megliu per Cristianu ghje di vende a so villa e di riturna inde ellu in Francia!!! Cusi un avera piu prublemi!!!

14.mandatu da delta 320.B u 27/10/2008 11:35

penzu chè un teleton di Christian Clavier é fate para senzibilisa a gente con i prublemi di securita in Corsu . Ma es di un altra manera para compra un alta villa a Christian.

15.mandatu da eiu u 02/11/2008 22:46

A s'hè francatu, no?!!
Mi pare che si ogni ghjente chi purtanu una lagnanza, perchè accettanu certi minaccie, ottenenu certi soldi di sustene... Ogni anni, certi ghjente arrichiscerenu.
Un immensu attore chi duverà fassi chjucu...

16.mandatu da oziu u 04/11/2008 14:23

Quessu si chi hè bellu!
Ci hé da ride! Tintu Christianu!
Ma à grazia ... u so amicu "nostru Jacqouille nazional" hé prisente!
Frapocu si sente in securità in a so residenza... Nostra residenza... ;-)

17.mandatu da Cavallucciu Marinu u 04/11/2008 18:33

Oghje in Corsica si tu sì amicu di Sarkozy, se t'ai una bella casa e che tu ùn volli micca pagà l'assicurenza di a casa, dì che tu sì minacciatu è averai quattru gendarmi pè 24 ore. Induve hè a giustizia di u nostru paese??? Ghjè scandalosu st'affare...

18.mandatu da 9999 u 04/11/2008 19:00

Si da sempre soldi à elli chì anu micca bisognu. Pertantu, cì sò assai persone chì campanu in a precarietà in Corsica, aversamente à Christian Clavier chì ùn pò micca lagnassi.

19.mandatu da a bedula u 08/11/2008 15:56

U tintu ... ùn ha micca soldi ... Ci voli aiuta à Cricri !

20.mandatu da Magone u 09/11/2008 15:40

Hè una vergona... cu tutti i soldi ch'ellu ha !!!!

21.mandatu da Femina u 10/11/2008 14:44

Pecatu per u nostru amicu clavier ma un puvemu micca fa stu telethon e ancu menu da i soldi di u PEI perche a CTC s he mangiata tutti i soldi. Ringraziemu i nostri eletti!!! Ma u so amicu Camille li rigalera un pocce di piezzette! E noi pageremu l'imposi per stu signore.

22.mandatu da C-16 u 11/11/2008 19:29

U tintu cricri... s'ellu ùn hà abbastanza soldi pè aumentà a securità di a so casa, eiu possu dalu quelli ch'eiu aghju avutu pè natale... ùn manghjaraghju micca mentre un mese o dui ma hè pè una bona causa.
O sinnò po chjamà u so amicu Jean Reno perchè "Léon" un hà paura di nimu !!

23.mandatu da Diu u 11/11/2008 19:52

Mortu di ride! Bella macagna di sgiacoglia! Mà u peghju hè cio ché ^^super sarko^^ hà fattu à Rossi....

24.mandatu da christianclavier u 11/11/2008 20:51

Pensu che u telethon, a sulidarità cu mè mostranu l'amore di i corsi per mè. Anu tutti riguardà " l'enquête corse". Hè una bon'idea, quantunque aghju una prupusizione : cu i soldi di u me telethon cumprate un bungalow per mi amichi nico è carlita

25.mandatu da micca nome 2 u 12/11/2008 13:33

Clavier ha fattu tuttu una storia per nunda
risultatu : unu ha persu u so travagliu

26.mandatu da micca nome 3 u 12/11/2008 13:37

Trovu chi ghje unu scandalu di rimpiazzà un omu chi face u so travagliu par un pinsutu chi cunnosce male u funziunamentu di a Corsica.Soprattuttu per clavier ha assai soli per pagà i so "gardes du corps"! M a ghjè l'amicu di sarkozy

27.mandatu da Santu Ghjuliu u 12/11/2008 14:45

Ci vuleria fà un telethon pè paggali un viaghju à l'altra parte di mondu. Cusì, ùn si sentira mai piu parlà di elli.

28.mandatu da Ballarina u 12/11/2008 20:56

Basta i soldi pà Clavier ! Pochi i filmi ch’ell’hà fattu. Cù « l’Enquête corse » s’hè impiutu e stacche. Cù sta muneta ne hà abbastanza per pagà da per ellu a surviglianza di a so villà è ancu custruisce un « pullinaghju » è mette li à dispusizione a so piscina da ch’elli si bagninu, è cusì sia !!!

29.mandatu da Georges Brassens u 18/11/2008 16:03

T'aghju intesu chi ancu sarko avia bisognu di soldi... tandu urganizemu una chermessa in corti, u 20 di nuvembru :
UNIVERSITA DI CORSICA, A GHJURNATA SANA, SARKO IN FESTA . . . . VENITE NUMAROSI !!

30.mandatu da marcellu u 22/11/2008 19:40

U TELETHON PER CLAVIER O CLAVIER PER U TELETHON ?
Forse ci vulerebbe à dumandà à M Clavier di fà un rigalu è perchè micca una casa pagata (da u PEI o da Camellu) à u TELETHON. Pocu onore per st'omu innamuratu di a Corsica è di i so più belli lochi di dà à zitelli malati a pussibilità di vene à campassi ind'è noi. s'ellu dicia di sì serebbe di sicuru u so più bellu rolu. E cusi sia....

31.mandatu da o valisglia u 23/11/2008 19:08

Anderemu a cappià un'i poci di soldi per quelli chi l'anu u piu è pagà dinò i gendermi a fà nunda.
Piu chè un gruppu di sgronchji o di camisgiè pulite, sò un veru associu d'interessi è di putere.
Attent'a voi, un circate a Sarkozy chi face vala!

32.mandatu da Ultima u 30/11/2008 01:35

U Telethon pà jacquouille ci vuleria à faddu cù u sustenu di u so amicu u sgiò presidenti, pensu chì tandu tutti l'astutti sariani beddi larghi. Hè cusi disgraziatu, tantu tribulatu issu povaru clavier. Francamentu eddu chì ci hà fa fattu tantu rida quandu u successu ùn l'avia micca ingunfiatu u so ciarbeddu. Avà hè divintatu comu à i nostri eletti, troppu techju, troppu orgogliu.

33.mandatu da SABBATORSI MARIA CATALINA CHIAMATA LILY u 20/03/2009 09:20

ES SEMPRE CUI STU FLAVIERI UNA BOMBA EBASTA liLILINA SURELLA CORSA://[

34.mandatu da SABBATORSI MARIA CATALINA CHIAMATA LILY u 20/03/2009 09:36

JACQUOUILLE TI TENU CARU SI GOFFU MA PUTENTE

Novu cumentu :