25 anni...

A so storia hè bella cunnisciuta dà tutti i sustenitori bastiacci, è ancu da parechji appassiunati di ballò, in Corsica, Francia o in'altrò.

Quì vulemu in un modu semplice è umile rammintà l'impurtanza di st'omu ind'a storia spurtiva è ancu suciale di a Corsica.

Attore maiò di e più belle pagine di a storia turchina, Claudiu Papi firmerà sempre cum'è u più grande ghjucatore corsu di ballo, è, a pudemu dì, cum'è unu di i più capaci à u so postu, frà tutte e squatre chì anu operatu ind'un campiunatu francese. Forse ùn hè micca diventatu cum'è si dice oghju una stella internazinuale di u ballò ma hè sempre statu fidu à i so culori e à u so paese. Participò à u Mundial argentinu incù a Francia ma u Sporting fù a so sola è unica famiglia spurtiva.

Omu truverà chì stu tippu d'omàggiu pò esse cosa usuale, ma ùn pudiamu micca scurdacci di salutà a memoria di stu persunagiu esemplariu.




e leie :
u so palmares è a so biografia nant'à Wikipedia
a so fiscia nant'à u situ Bastia78
una piccula videò di u scontru Bastia - Torino è u but di Claudiu Papi
un antru omàggiu
si ne parla dinù nant'à sportvox