Ci vole à salvà A Piazzetta ?

A Piazzetta hè dinù un giurnale gràtisi stampatu à 12.000 esemplarii. Dopu à un annu è sei nùmeri, pudete aiutacci per cuntinuvà !

U primu nùmeru hè statu lanciatu di ferraghju 2009 (pudete caricà tutti i pdf). U premiu Ghjovani in mossa, l'aiutu di l'Università è di a Corsica Ferries ci anu permessu di sorte 6 nùmeri. Oghje, hè finanzatu solu da e publicità.

Semu tutti benevulenti ancu sì cuncepisce è distribuisce un giurnale ci costa assai tempu è energia. Eh nò, quelli di A Piazzetta "ne se gavent pas" cum'è no l'avemu intesa...

U mudellu di u gràtisi permette di siguru una difusione più larga (12.000 esemplarii in u rughjone di Bastia, in Piaghja, Balagna è Corti) è a lingua corsa si trova in tutte e mani. Hè a prima volta chì un giurnale scrittu sanu in corsu hè distribuitu in sta quantità.

Ma di siguru stampà un giurnale costa caru è ci volenu i soldi. Hè per quessa chì s'è vo vulete aiutacci à cuntinuvà, site i benvenuti !

Lampemu dunque una chjama à l'intraprese chì ci puderianu piglià una publicità in u giurnale. S'è vo site interessati, pudete cuntattacci per vede i prezzi (a pubba a più chjuca costa 90 euro).

U prussimu nùmeru escerà di ghjugnu.

Per sapene di più, scrivite à apiazzetta@free.fr

à prestu !

u 9 di Maghju 2010

U Staffu

Accueil

Envoyer à un ami

Version imprimable

1.mandatu da altore u 09/05/2010 16:29

u fattu d'accettà a publicità ùn risicheghja micca di favvi calà u capu davant'à certi capizzoni..? esmpiu: u giratoghju vendasi ch'hà da diventà sè a SNC vi piglia una grossa publicità?

2.mandatu da Seguelà.... u 09/05/2010 16:37

E po certu pub date dà i pinzutti o altri coloni saranu accetatte..???? Di quale averette u curagiu di ricusà, avete una "carta" d'etica patriottica.....???

3.mandatu da Seguelà.... u 09/05/2010 16:38

* Certe pub Vulia di..

4.mandatu da u webmaestru u 09/05/2010 16:41

Hè vera !

A quistione si punerà quandu Vendasi o "altri coloni" ci vuleranu piglià una pubba, per avà ùn ci anu micca chjamatu dunque...

Ma dopu hè una scelta, s'è no vulemu cuntinuvà u giurnalettu, ci volenu e publicità. à quale accettemu è à quale dimu di nò ? Videremu quandu a quistione si punerà.

http://www.wmaker.net/apiazzetta

5.mandatu da Racket..... u 09/05/2010 16:46

E una cuntribuzioni ubbligatoria.....pè tutti l'imprese straniere stallate in Corsica, ùn sarebbe megliu....?!?

6.mandatu da altore u 09/05/2010 16:47

eccu un'idea!

7.mandatu da Milanista delusu.. u 09/05/2010 16:52

O amicu di a piazzetta....un'aiutu di Berlusconi, un farebbe u vostru (e u nostru) affare...pensu dinù a u Sporting chi n'averà bisognu.........

8.mandatu da u webmaestru u 09/05/2010 17:08

Di siguru o Milanesta... sì ancu tù ai appena di soldi à spende, mettili puru in u sporting... :-/

http://www.wmaker.net/apiazzetta

9.mandatu da estrimei u 09/05/2010 17:30

a u "staffu",
e staffe un bastanu , hanu da ci'vullè i sproni !
postu a ctc, i dui dipartimenti , e camere di cummerciu , e camere d'agricultura e di i mistieri facenu e so publicità , mi pare ch'ellu ci vuleria a fà una dumanda.(ancu s'ellu mi pare chi i solli publichi serianu piu ghjuvevulli in astrò)
eu prupongu ch'omu scrivi a tutte l'imprese e chi a so lista sie publicata .
secondu a risposta e si l'impresi a i solli , puveremu , noi astri i fiati di a piazzetta , cumprà a so robba o nò

10.mandatu da estrimei u 09/05/2010 17:32

...i l'impresi "a" i solli...=> .....i l'impresa ha i solli....

11.mandatu da Seguelà u 09/05/2010 17:39

Eccu, bunissima idea o "Estrimei" ci vole ad amparà a cumpurtassi in Lobby....

12.mandatu da Léoni Dass u 09/05/2010 17:52

E un prestu à L'UE à 5 % senza sapè s'ellu si puderà rimbursà....Cume i grechi....?!

13.mandatu da baraccu u 09/05/2010 17:54

sì siguru o estrimè ? ùn pensi micca chì accettà una publicità di a CTC o i cunsiglii generali ùn hè micca una manera di fassi cumprà per esse tranquilli ?

à sceglie, hè forse megliu di piglià i soldi privati, nò ?

bunissima idea di fà un lobby nustrale ! u cumbattu hè dinù ecunomicu.

14.mandatu da Wall Street.. u 09/05/2010 18:05

Un Lobby corsu.....Cume u Lobby Ghjudeiu....eccu u Corsican Power..

15.mandatu da Linguaccia.. u 09/05/2010 18:08

Ci si po dinù andà a chere denari à i" Fratelli-Massoni" ellu si chi l'hanu i soldi....e po certi cume JCA o Gilles di Lozzi puderebbinu dà una parulla pè noi.....

16.mandatu da Milanista delusu.. u 09/05/2010 18:12

Iè o Webmaestru, ci vole andà à vede à Madoff.....:))

17.mandatu da Ligatoghju u 09/05/2010 18:30

In Corsica, pè u Sporting è a Piazzetta, ci si manca un omu cume Jérome Kerviel, quessu si chi ghjé un pistellu....à noi altri a Francia ci manda stu Zingaru di Pacou..
Noi u pigliemu a u Credit Agricole cusi nè puderemu fà a Prima Banca D'affari d'agrucultori di u mondu............

18.mandatu da estrimei u 09/05/2010 18:37

attenti o ghjente, so ch'elli chjammanu un " lobby " he di mette a e strette l'omi pulitichi - spessu(?) in cumprendulli - per ch'elli sviinu i solli publichi , chielli un servenu a piu l'interressu generale , ma l'interressi piatti di l'impresa chi pagga (es: a lettera di Veolia a i meri pè i maggina ventu)

19.mandatu da kerviellu u 09/05/2010 18:38

vai chi l'avemu i nostri Kerviel !

Alain Orsoni, a Brise, quelli di u Valincu, u Petit Bar, i pastori di Casinca...

elli i soldi i sanu manighjà è i so affari i facenu, ùn t'inchietà !

20.mandatu da estrimei u 09/05/2010 19:17

......chielli un servenu a piu l'interressu generale , ma l'interressi piatti di l'impresa chi pagga .....
......ch' elli un servinu piu l'interressu generale , ma l'interressi piatti di l'impresa chi pagga .....
o ghjente , scusate quandu leghju i mio scritti , mi ghjunghjenu i fantiglioli. quant 'a mè imbabuliscu!

21.mandatu da Managhja.. u 09/05/2010 19:53

O Estrimei, i Lobby ci so ancu in Corsica, facenu un travagliu in secretu, dipoi anni e anni......E ci ghjunghjenu, à fà pocu à pocu u populu corsu incu l'aiutu cunscente o no di certi Patriotti...!!

22.mandatu da Managhja.. u 09/05/2010 19:54

Vulia di "ci ghjunghjenu à fà smarisce U populu Corsu"...

23.mandatu da Milanista delusu.. u 09/05/2010 20:09

E u "10 Downing Street" senza nimu pè direge, mandemu puru à JM Mondoloni...no ??

24.mandatu da ARC u 09/05/2010 22:54

Dumandemu à u FMI, duii tre milliardi d'Euro...

25.mandatu da estrimei u 10/05/2010 07:33

o Managhja ,
hai scrittu:incu l'aiutu cunscente o no di certi Patriotti...!!
ti pare chi u termine di patriottu he ghjustificatu?
mi pare ch'ellu seria ora chi u Populu apri l'occhji e ch'ellu dinunzii i sbaglii (o e cumblicculle ) di i s'eletti , quand'ellu li pare ch'elli i facenu.
aspettà a fine di u mandatu un ghjova a nunda.
l'eletti devenu avè una delegazione, micca a chjave di a casa e u pusessu di tuttu so ch'ellu c'he nentru.

26.mandatu da FONZY u 10/05/2010 11:53

25 cummenti è manc'unu chi si prupone di dà qualcosa à A Piazzetta !!!

MANSA DI RANCICHI ! avete da dicci ancu voi chi "ghjé a crisa" ???

site capicursini ?

27.mandatu da Denaru u 10/05/2010 12:11

Un simu "Money Makers" peccatu, i Corsi so un populu d'assisttidi....micca di Ricchi, peccatu murtale...!!

28.mandatu da miccaèbastiaciuinizza u 10/05/2010 13:06

un idea cum'un altra : appughjendusi nant'a i legami storichi Corsica-Venuzuela (Raoul Leoni chi ghje statu presidente..) pruva a "tucca" a Chavez, hannu i "petrodollar" pè issi lochi...

29.mandatu da marboeuf u 10/05/2010 14:16

O Fonzy, a ragiò hè toia, i Capicursini sò rancichi !
Mà chi voli fà ? Ghjè cusì ch'elli hanu custruitu palazzi d'Americani magnifichi ; mentre chi, ind'u listessu tempu, e nerpie muntagnole cuntavanu i so pidochji è inculavanu e so pecure inde stazzi e pagliaghji fracichi è puzzinenti...

30.mandatu da machja u 10/05/2010 16:01

Oghje un ci hè piu nulla di gratissi, venditelu vostru ghjurnale, n'avete u dirittu, benevulenti un ci ne piu, e sopratuttu un aspitatte nulla di i corsi, l'avemu vistu per a pulitica, a lingua, i prighjuneri.....quandu c'hè qualcosa a piglia tandu so numarosi,ma un dumandate nulla,fatelu pagà e tandu u cumpreremu vulinteru.

31.mandatu da ARC u 10/05/2010 19:13

Femu fà un sceccu, à Israel.... pè ricurdà i Ghjudei chi so stati salvati dà corsi...e dumandemu a S Spielberg di fà un film, incu "Royalties" pè a piazzetta e dinù qualcusella pè Gilles Simeoni....

32.mandatu da Rocku Feller u 10/05/2010 19:17

I soldi l'avianu a "Brise" e u Patrignu di Pila-Canale, mà so stati criticatti, avà ùn ci so più ci mancanu...una latru mezu si mettera in piazza forse ancu peghju chi questu, e forse ancu più stanieru e periculosu...

33.mandatu da Rocku Feller u 10/05/2010 19:26

vilia scrive "un'altru mezu"....

34.mandatu da a cibolla u 10/05/2010 19:46

@ marbeuf : iè, i Capicursini anu fattu i sbacconi fendu i so affari cù i genuvesi è i francesi e dopu si so fatti e so case "d'americani" per dimustrà ch'elli avianu a muneta.

è avà ? pienghjenu d'ùn avè nè "plages", nè strada è so custretti à vende a so rubaccia à i poveri turisti chi si so persi per ste stradacce di capicorsu. tristu destinu...

35.mandatu da Rocku Feller u 10/05/2010 20:31

I Capicursini so appena prutetti dà u turisimu..... ghjè megliu cusi no o Cipolla...!!!

36.mandatu da Küg u 11/05/2010 09:43

c'hè entratu lu soldu...

37.mandatu da Ben Lazezu u 12/05/2010 12:35

Fèmuci piuttostu una grossa serata incù buttiglie è tappini. Andate chì custì anu da entre i soldi per cuntinuà di stampà (!) a piazzetta.

Chì ne dite ?

38.mandatu da Ahmed Zavìa u 22/05/2010 16:16

Hè vera chi serìa veramente un peccatu di vede smarisce stu ghjurnale cusì agradevule...
In più di quèssa, si pò dì ch'ellu ghjove assai à a lingua e a cultura Corsa...
Mi ne stò in Corsica Suttana ma sò prontu, 'cù i miò picculi mezi, à mandàvvi uni pochi soldi ogni mese s'elli ponu aiutàvvi...
Ùn vi possu mancu cumprà un spaziu publicitariu, ch'ùn aghju ne impresa ne associu spurtivu da mette in lume...

Novu cumentu :