Accueil
Envoyer à un ami
Version imprimable
Partager

I Chinesi à a cunquista di a Corsica

L'imbasciadore chinese in Francia hà da vene in Bastia, è certi s'inchietanu.



Tempi fà, l'anzianu presidente di l'assemblea di Corsica Dumenicu Bucchini avia dettu in un'intervista à Alta Frequenza ch'ellu saria bè di vede i Russii investisce in Corsica, è una pulemica seguitava.

In Corse-Matin di l'ondeci ferraghju, s'ampara chì l'imbasciadore di China hà da passà dui ghjorni in Bastia :


Ma sta volta ùn v'inchietate, ùn ci hè nunda di male. Si parla pè u più di scambii culturali. Uff ! Tuttu và bè dunque.

Eppuru, u giurnale ci dice chì in a delegazione chinese, ùn si parlerà micca solu di cucina è di puesia, postu chì a presenza d'un bussinessman hè assigurata. È e parolle di u merre di Bastia ci rassigureghjanu :

"Shiwei Wu, un homme d'affaire sera aussi présent. Même si la partie économique est toujours liée au politique, nous n'allons pas vendre la Corse à la Chine !"

Evviva ! A chinesizazione di a Corsica ùn hè ancu in marchja. Puru sì i Chinesi investiscenu in ogni locu è ch'elli si compranu mezu mondu, ind'è noi i nostri eletti ùn si lasceranu fà !

D'altronde, l'articulu finisce cusì :

De quoi laisser de belles perspectives selon Pierre Savelli : "ce pays est en plein boom économique. Ils sont intéressés par beaucoup de choses. Il y a un projet autour d'un port dans le grand Bastia. Peut-être que des investisseurs chinois peuvent aussi se positionner..."

Ah ? Ùn hè micca difesa di pensà chì forse, un ghjornu, ci seranu Chinesi chì anu da investisce in Corsica ?

Ci vole à dì ch'elli sò presenti in ogni locu, puru in Auropa :


Cunnoscenu a strada di a Sardegna. È i Sardi anu avutu a furtuna di riceve u presidente Xi Jinping in persona. Di chè rende ghjelosu u merre di Bastia...


Casca bè, s'interessanu dinù à e terre agrìcule :



Ma micca solu e terre. In Grecia, sò i porti chì interessanu i Chinesi :





A nutizia di Corse-Matin hà fattu tirà i salti à u Rinnovu :


E gattive lingue dicenu digià ch'elli seranu i Chinesi à custruisce u futuru portu di a Carbonite.

Ma in fine di contu, serà veramente impurtante ? E nostre care bandere corse sò digià made in China. Allora appena più appena menu...

I Chinesi à a cunquista di a Corsica

u 13 di Farraghju 2017



1.mandatu da antonu u 13/02/2017 11:54
certi naziunalisti si seranu cunvertiti a u capitalismu u più salvaticu e distruttore ?

cumu dice u francese: "affaire a suivre"

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta