Accueil
Envoyer à un ami
Version imprimable
Partager

I Scuzzesi ringrazianu à Maradona... per avè eliminatu l'inglesi in 1986

À quandu un omagiu di i Corsi à Kostadinov ?



I Scuzzesi ringrazianu à Maradona... per avè eliminatu l'inglesi in 1986
22 anni ch'elli aspettavanu què...

U giurnale scuzzese The Daily Record hà vulsutu ricumpensà à Diego Maradona per avè marcatu duie volte (cù una di a manu...) contr'à l'Inghilterra in meza finale di a cuppa di u mondu 86.

L'infurmazione hè esciuta in a stampa francese

Era, vi n'arricurdate, a famosa "manu di Diu"... U giurnale di Glasgow hà prufittatu di u macciu Scozzia - Argentina per dà u truffeu à u novu selezziunadore argentinu.

Pocu tempu dopu à a guerra di e Maluine, sta meza finale hà traumatizatu per un bellu pezzu l'Inglesi è hè stata vissuta cum'è una rivincita di l'Argentini. In Scozzia, a scunfitta inglese hè stata più ch'è festighjata...

In quant'à noi, à A Piazzetta, vi prumittemu di ricumpensà à Emil Kostadinov è à Harald Schumacher a prussima volta ch'elli scalanu in Corsica. Anch'elli u si meriterebbinu, nò ?

u 15 di Dicembre 2008
U Sgaiuffu



1.mandatu da EIU Eiu u 15/12/2008 09:35
È s'è n'attaccavamu ringraziendu appena più à spessu à Sansonetti è à Serra per avè messu a vergogna nantu à a squadra di Francia in u 67 in terra soia à u Velodrome di Marseille ? Ùn sapianu più induve batte di capu, curciarellucci :D

2.mandatu da GWM u 15/12/2008 10:44
EMIL & HARALD: PER SEMPRE A FIANC'A NOI.

3.mandatu da omu seriu u 15/12/2008 18:42
eccu :

http://www.youtube.com/watch?v=tpwNv29XbbQ&feature=related


O chi piacè quandu mi ne arriccordu e cù sta 'video' mi campu !!!

gol gol gol gol

4.mandatu da filidatu u 15/12/2008 22:03
ringraziemu dinù à trezeguet per avè tiratu nantu à a barra in 2006
cusì grazia à ellu a ci simu francati di tutti 'ssi canti di "beaufs" "on est les champions " è cumpagnia bella

5.mandatu da scoop u 26/12/2008 16:57
EVVIVA A EMIL KOSTADINOV

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta