Accueil
Envoyer à un ami
Version imprimable
Partager

I dinosauri anti-lingua corsa sò di ritornu

A lingua corsa, tuttu u mondu a difende... fin'tantu chì nimu a parla.



"non mais tu comprends moi je suis pour la langue corse, mais seulement si on l'entend pas"
"non mais tu comprends moi je suis pour la langue corse, mais seulement si on l'entend pas"
In India, à u Canadà, in Belgica, à u Lussemburgu, in Spagna è in più di 90 paesi di u mondu u multilinguisimu hè officiale. Face un pezzu chì parlà è insignà parechje lingue hè vistu cum'è un'apertura, una ricchezza.

In Francia, l'eredi di l'Abbé Grégoire, quellu chì vulia "stirpà i patois" à a Rivuluzione si movenu sempre. Per sti dinosauri, a parolla "cuufficialità" hè assuciata à a parolla "danger". Da leghje : Langue corse : les enseignants du SNUIPP dénoncent un projet " dangereux .

L'antica rabbia anti-lingua corsa hè sempre viva. À l'orìgine di a surtita di a so letargia di st'iguanodon ostili à a pluralità linguistica, un prugettu di a CTC (chì ùn hà nunda d'officiale) chì prevede di mette in piazza una forma di cuufficialità.

Purtantu, si pudia pensà ch'ellu c'era un consensus per admette chì a lingua corsa hè un patrimoniu in perìculu ch'ellu ci vole à difende. In u 2005, a CTC vutava à l'unanimità un pianu di sviluppu di a lingua corsa. A nostra lingua ùn hè nè di manca, nè di diritta, nè di i naziunalisti, hè un patrimoniu cumunu ch'ellu ùn ci vole micca à lascià more.

Ci vole à sapè chì oghje, u sistema attuale d'insignamentu di a lingua corsa ùn pò micca dà sudisfazione. Per mancanza di sustegnu di l'istituzioni, e filere bislingue si sfiatanu. Prugressi sò stati fatti, ma ci vole à andà più luntanu è hè urgente di passà à un prugettu novu. Da quì à dece anni, serà troppu tardi.

Ciò chì sembra fà paura à sta ghjente è chì l'insignanti sianu in l'obligu d'avè u livellu B2 à capu di cinque anni. Vale à dì capisce un testu è dì duie frase. Ciò ch'ellu si dumanda à... un scularu di terza. Serà cusì difficiule ? Veramente ?!?

Hè dinù stranu l'articulu di Corse-Matin chì piglia a difesa di stu sindicatu è chì dice chì Les esprits étroits pourraient taxer le syndicat d'antilangue corse... Purtantu hè di què ch'ellu si tratta. A lingua corsa và bè cinque minuti, ma ùn ci vole micca à deccunà non più.

Stunante dinù sta cunclusione : la langue corse mérite la concertation plutôt que le passage en catimini. Forse ci vole à rammintalli u Pianu di sviluppu di a lingua corsa, dibattutu è vutatu à a CTC in u 2007 ? Di u Fogliu di strada presentatu da Pierre Ghionga di lugliu 2011 ?

U prezzu di a salvezza di a lingua corsa (a lingua corsa face parte di e lingue "en danger" da l'UNESCO) passa pè custì. Oghje, sia franchemu un livellu superiore (obligazione d'insignamentu, cuufficialità) o arrestemu tuttu. Ùn ghjova à nunda à dì "nous parlons le corse, c'est une richesse" è "je suis pour la langue corse" s'ellu s'hè contr'à l'insignamentu obligatoriu è a messa in piazza d'una vera sucetà bislingua.

Ma e vechjissime idee arcaiche d'opposizione sistematica à l'insignamentu di u corsu esistenu sempre. I dinosauri sò sempre vivi, l'aghju visti in Corse-Matin.

u 3 di Ghjugnu 2012
U Webmaestru


Da u più recente à u più anzianu | Da u più anzianu à u più recente

55.mandatu da Luca u 17/01/2015 22:59
A me mi scumoda u fattu chi l inglese sia ubbligatoriu e chi nisunu si lagna e d un''altru latu a ghjente si lagna di vede a so lingua diventà ubbligatoria o zitelli u livellu B2 in corsu equivale a pute compra u so pane o a pute fà una ragiunata semplice in lingua nustrale ùn vole micca di impedì a ghjente di parlà francese o di forza l usu maggioritariu di u corsu ma si tratta solu di dà a scelta a tutti e i mezzi per ghjunge a ssa scelta passanu sicondu me per una formazione in lingua corsa a a scola vistu chi ùn è più tramadata in casa eiu pensu chi a cuniscenza di u corsu sia una forza per amparà l altre lingue cume u talianu chi d altronde e vicinu a u corsu pensu dinù chi per ciò chi riguarda u talianu a ghjente ferebbe megliu di vede i punti chi ci adduniscenu invece di concentrasi anant'a cio chi ci spicca

54.mandatu da Marco Bucciarelli (Siena) u 08/06/2012 07:32
Ogni piccola lingua rappresenta un patrimonio inestimabile da salvaguardare!
Ho messo un link verso quest’ articolo nella mia pagina facebook
“Toscanità, identità toscana”
Grazie!

53.mandatu da neandertalianu di manca u 06/06/2012 00:56
eccu, avà sò cappiati i brontosaures di u SNES

52.mandatu da qu'un sang impur u 06/06/2012 00:51
"le niveau B2 c'est un niveau qui est assez élevé... beaucoup d'enseignants auront du mal à le posséder"

François Berlinghi, di u SNES-FSU à Corsica Sera.

O figlioli, u livellu B2 si dumanda à un cullegiante di terza...

seranu baulli à stu puntu à u SNES ? ci vole à crede. ci hè da trimà per l'elevi di sti prufessori.

felicitazione à sti sindicati pro-francesi di pulitizà u dibattitu. felicitazione à sti manghjoni di subventions chi si so tichjati grazia à a lingua corsa.

populu di merda chi face tuttu pè scurdassi di a so lingua...

51.mandatu da rinucciu u 05/06/2012 23:48
Quali l'hà presa in ostagiu ? Parenu foli certi diceni cà u corsu hè a lingua di l'esclusioni, chi quandu si parla corsu sè devi essa una zucca in matematica ? Aio l'omu corsu diventa peghju cà u bobo parigginu i cuddiò l'hà persi in altu mari. A quistioni di a lingua hè pulitica o s'hè a pro di a lingua è di u bislinguisme è ci voli piddà misuri istituziunali o s'hè contru è s'aspetta cà a lingua sparisce pianu pianu senza di nunda "soyons bobo et poliquement correct" femula a vigliachina cusi pirdaremu a noscia lingua a nosc'anima è i pantaloni cù u nosciu onori...è di chi certi so morti pà senta sprupositi simuli...ci voli a battasi puntu è basta è vince ! L'affari ùn ani micca da casca da u celu stendu zitti è muti u catzu mezz'a i cosci di paura d'intimuri un so a quali !

50.mandatu da U Vagabondu u 05/06/2012 23:15
Facenu bè di stà bassi per avà.
Lasciemu passà l'elezzioni. Ùn aspettanu chè quessa per mughjà à a recuperazione pulitica. È u populu di capre, preferiscerà seguità u so canditatu è u so partitu piuttostu chè a lingua.
A lingua, l'avemu digià piagliata in ostagiu, ùn ricumincemu sempre e listesse cunnerie.

49.mandatu da francescu u 05/06/2012 18:17
Pe a lingua corsa ci vole a fa cumé hanu fattu in francesi quand'elli so ghjunti in corsica ,français obligatoire ,allora corsu ubligatoriu ,osinno dumane a lingua corsa sera morta ,campa a picculu focu.
Quelli chi si danu u male per a lingua corsa devenu esse appughjati da veru .

48.mandatu da Claude E. u 05/06/2012 09:22 (da un teleffuninu)
E vera o rinucciu chi faccinu veramente? So veramente a paghjolu . In piena campagna un dicenu nunda ma devenu ave troppu affare a fa(una partita di carte?) ...

47.mandatu da henry smart u 05/06/2012 07:59
snuippemu preferiscu un discorsu cusi.
Un ricusu micca u dibbattitu . Mi pare chi l'aghju fattu capi ind'e i mo post. Emu bisognu di stu dibbattitu nant'à a messa in piazza di a cooficialita. Micca per esse muderatu o "pondere" ma chi e misure ideale un esistenu micca.
Per u discorsu nant'à u cuncorsu specificu. un so micca d'accunsentu. l'aghju intesu parechje volte. ma so bugie. sí Po crítica a logica di u cuncorsu ma micca lascia crede que. passanu un cuncorsu cu una disciplina...in più. punta è basta. so menu numerosi à passallu . s'anu da micca scusa per que !!
E Po se tu mi dici, chi un anu micca abbastanza cumpetenze chi a furmazione he debbule allora va be. Ma Ghje valevule per i dui cuncorsi chi so tremidui regiunali ! E Po un mai statu stu cuncorsu chi face a qualità di u insignamentu.

46.mandatu da Mi ne vò è mi ne ridu u 05/06/2012 02:07
À fà barba à i sumeri, si perde savone è tempu.

Lasciemu i dinosauri in a so luntana preistoria è guardemu in avanti

45.mandatu da capellineri u 04/06/2012 22:57
ùn aspettate reazzione da a parte di pulitichi chì u snupp cerca a pulemica in campagna eletturale. U votu di a CTC hè statu arrigistratu. Quì si tratta di Tatti chì scontra i sindicati francesi è chì cerca à distabilizà a magiurità di Giacobbi. A risposta si ferà di lugliu à l'assemblea di Corsica. ùn ci hè bisognu di sbattulà avà...

44.mandatu da snuippemu u 04/06/2012 22:47
Caru Henry,
Primu un so ne insignate, ne a u SNU...
Dopu, cosa mi parli di "diritta strema" e di diffamazione, mi pare chi a piazzeta si dice un blog scherzosu, puliticamete scurettu... A ghjente chi fughjenu u dibattitu chjamanu sempre a u fascisimu... hé qué u famosu puntu godwin.
Pa contu meiu, aghju da alliscià un pocu u me discorsu chi si vulia un pocu troppu una pruvucazione, hé chi un micca u me paré da veru; un pensu micca che tutti i stitutori "bislingui" sianu zucche, ma malorosamente, aghju vistu assai studienti chi un ghjunghjianu micca a ottene u cuncorsu che chjamaraghju "nurmale" e chi ne eranu luntanu e chi anu avutu u "bislingue", pigliendusi cu l'asgiu... Eccu un processus chi un valuriseghja micca l'insignamente e l'amparera di i zitelli.
Eiu un pensu micca che a salvezza di a lingua corsa si fera cusi, cun sistemi clientelisti messi in piazza da ghjente ch'un si sentenu micca quandu per esempiu un impresa corsa hé cundannata a caccià un billetu di l'anpe per avé dumandatu un candidatu corsofonu....
A prestu

43.mandatu da snuippemu u 04/06/2012 22:47
Caru Henry,
Primu un so ne insignate, ne a u SNU...
Dopu, cosa mi parli di "diritta strema" e di diffamazione, mi pare chi a piazzeta si dice un blog scherzosu, puliticamete scurettu... A ghjente chi fughjenu u dibattitu chjamanu sempre a u fascisimu... hé qué u famosu puntu godwin.
Pa contu meiu, aghju da alliscià un pocu u me discorsu chi si vulia un pocu troppu una pruvucazione, hé chi un micca u me paré da veru; un pensu micca che tutti i stitutori "bislingui" sianu zucche, ma malorosamente, aghju vistu assai studienti chi un ghjunghjianu micca a ottene u cuncorsu che chjamaraghju "nurmale" e chi ne eranu luntanu e chi anu avutu u "bislingue", pigliendusi cu l'asgiu... Eccu un processus chi un valuriseghja micca l'insignamente e l'amparera di i zitelli.
Eiu un pensu micca che a salvezza di a lingua corsa si fera cusi, cun sistemi clientelisti messi in piazza da ghjente ch'un si sentenu micca quandu per esempiu un impresa corsa hé cundannata a caccià un billetu di l'anpe per avé dumandatu un candidatu corsofonu....
A prestu

42.mandatu da rinucciu u 04/06/2012 22:29
Ie chi facci u stc è i muvimenti naziunalisti ? So in campagna ?
Se hè intesu un reazzioni à l'attentatu ma quissu l'attentatu nunda ?
Allora ie c'hè una guerra contra i giacubini quiddi da Dunkerque à Tamanrasset i Tati i Zuccarelli i Mineo , l'alfonsi è i Bartoli o a fetti o vi chjineti a vigliachinu cù beddi scusi chi i scusi so sempri beddi...inno ci voli a aspittà un ci voli micca a dali a corda...demmu u nosciu culu tandu sarà meddu autantu piaciarà a certi allora o merda o baretta rossa o sè a pro di a lingua corsa o s'hè contru o omu si batti o tradicci è và a leccà ùn so chè.
Aliveddu di i flussi migratorii a lingua avarà sparitu da qui a vint'anni alora "soyons pondérés" comu dicini certi eu diciariu "sighimu vighliacchi" è aspittemu a sparizioni di u nosciu essa.
Basta issa cumedia di l'aspira ci voli a batasi avà pà a cuuficialità.
E quiddi ch'un volini ci voli a lampali i mari cù i "pondérés" chi si sconfiani
cume l'aria marina.

41.mandatu da henry smart u 04/06/2012 22:03
E Po stitutore un so...stc po esse !

40.mandatu da henry smart u 04/06/2012 22:02
O amicu alto, a guerra si vince nant'a u fondu e dinu nant'à forma !
E per cunvince certe persone ci vole arrizzassi à bon'ora, a ti dicu ! E po più va e più credu à u valore di l'esempiu ! So sicuru chi per risponde à u portavoce di u snu in CM (un mi piace tantu à mintuva i nomi ) truveremu sempre à carchissia , ma addunisce 4 o 5 militanti per purta un prugettu que he più difficiule. Ma un dicu che tu ai tortu . Ma dichjarendu a guerra , una armata vincera, a lingua un a so !
E po una sola risposta ava è dopu so e vacanze. à chi ghjuvera ? he megliu à risponde parechje volte nant'à un tempu longu .
A più Bella risposta per ava ghjera in savaghju sabbatu cu l'esempiu di i baschi, catalani, brittoni ecc...

39.mandatu da henry smart u 04/06/2012 21:29
fissu un so micca ! mancu stampa ! ma he vera ch'ellu mi face scimisce quandu vecu chi una mansa di ghjente cu i so difetti è qualità, impegnata di manera diversa ind'a sucieta sia cundannatu da una frasa cum'è "una catena ecolo bobbo" chi n'ha mai avutu a pretensione di fa a revoluzione d'altronde.
inquant'à u cusi dettu discorsu ottimistu di "parlemu corsu " , mi pare che tu ti sbagli. Dipoi u principiu cercanu à stuzzica u vespaghju ...
ma bon un he micca u sugettu...oghje ne aghju appressu à e pusizione di u snu !!!

38.mandatu da altore u 04/06/2012 21:05
o henry ùn serebbi micca stitutore tù? à u stc? serebbe forse ora è tempu di risponde à u nostru amicu mineo (mi ne vò?) nò? perchè hè bella è bona di dì "ci vole à agisce nant'à u fondu è lacali rachjà" ma a battaglia (è forse a guerra) si vince dinù in corse matin chì ci vole à scunvince a ghjente chè n'avemu a ragiò... è per u mumentu ne simu luntanu... è sè no i lachemu fà cusì anu da esse sempre di più quelli chì pensanu chì u corsu hè una lingua in più nant'à sta terra...

37.mandatu da Claude E. u 04/06/2012 20:41
o henry mi pare che tu si assai fissu nantu a to posizione tu dinno non?

perche, per me anu fattu piu i ghjovanni qualchi anni fa, che tutta sta manza di reaziunarii bobo ecolo... "anu fattu parechji affarii" e un si mancu vergugnosu di di que aio lasciami ride.
laghju dighja dettu, u riassuntu di sta squadra per sti 5anni, pare quellu di u prifettu in fin' d'annata " tuttu si passa bè"...

va a cunta fole a un' altra persona


36.mandatu da Buvone u 04/06/2012 20:21
Rispondi puru ...
Che un bellu paese .

35.mandatu da henry smart u 04/06/2012 20:12
Ie o claude e. si digia nustalgicu è reazzunariu . Piglia puru a to carta à u snu. Quelli chi anu fattu a catena ecolo bobbo cum'e tu dici anu fattu parechji affari dipoi 5 anni (un azzione per mese) è so elli (cu altri) chi anu rimessu u cuncettu d'immersione à u centru di u dibbattitu !
E Po chi Ghjurnata tremenda sabbatu in Savaghju !

34.mandatu da henry smart u 04/06/2012 19:23
bo ! vulia risponde...ma no ...torna à vignale.

33.mandatu da Buvone u 04/06/2012 16:40
Ma ghjustu una quistione noi chi parlemu e scrivemu u corsu l avemu amparatu induve ??
Nantu i banci di l universita ?
Si digia e persone, chi sanu u corsu, feccianu u sforzu di u parlà in casa !!
E po un che micca Unu Corsu, dite mi si i ballanini vanu amparà u corsu chi si parla in castagniccia ! o in bonifaziu !
Da cui a poccu i zitelli piglieranu a "méthode Assimil"

32.mandatu da henry smart u 04/06/2012 15:20
E po ghje diffamazione !!! no ma quale si tu per parla cusi ?

31.mandatu da henry smart u 04/06/2012 12:29
snuippemu he grave ciò che tu dici. Se tu si insignante e a u snu e che tu parli cusi, vedimu be chi u dibbattitu un he micca pussibbule cun voi !!!!
Fala puru in carrughju per difende a scola è a furmazione à u locu di da un pare populistu chi s'assumiglia à certi elettori di Sarko e le pen !!
Di fa crede chi quelli chi sortenu da u cuncorsu specificu so più baulli che l'altri ...sente a diritta strema !!

30.mandatu da Claude E. u 04/06/2012 12:23 (da un teleffuninu)
Ma un e micca facendu una catena umana a l''usu bobo ecolo che l''affare anu da cambia...
Menu di 30 anni e so dighja nustalgicu, face a paura

29.mandatu da Claude E. u 04/06/2012 12:22 (da un teleffuninu)
Ma un e micca facendu una catena umana a l'usu bobo ecolo che l'affare anu da cambia...

28.mandatu da ANTO u 04/06/2012 12:07
Si po sempre spéra ch'ella ghjunghjera un ghjornu sta cuuficialita ,ma chi vive sperendu more c.......u !

27.mandatu da hans u 04/06/2012 11:11
50 anni chè no sentimu sempre i listessi discorsi... "et la langue corse attention c'est dangereux... où va t-on... étroit d'esprit...." un cornu !

in chè dirangia sta ghjente ch'ellu ci sia 2 lingue nant'à sta terra ?!?

26.mandatu da Grossu panzutu u 04/06/2012 10:50
O zitelli ghjè bè appena d'opposizione CFRista ci ramenta che n'avemu raggio di scumbate!!!

25.mandatu da Claude E. u 04/06/2012 10:46
" Les esprits étroits pourraient taxer le syndicat d'antilangue corse"

eiu mi sentu veramente in sta categuria, quella di a ghjente 'cu "l'esprit étroit" ... alora so d'accunsentu ^^

ci campemu...

24.mandatu da snuippemu u 04/06/2012 09:52
Ci so stali l'insignenti di e classe "bislingue" cu un cuncorsu a un nivellu rigiunale, risultatu : una manza di zucche (micca tutti ma micca luntanu) ch'insegnanu a i nostri zitelli...
S'ellu si passa stessu pa i culleghji e i licei ! Simu lecchi

23.mandatu da Derricku u 04/06/2012 03:14
Bravu Henry. Bellu travagliu di destruzzione di l'argumentariu calamitosu di i catafalchi di u SNUIPP.

22.mandatu da henry smart u 03/06/2012 23:59
un antra scimita quand'elli parlanu di a scola immersiva :
" vi rindite contu , u francese serebbe introduttu solu à partesi da u CE1. i zitelli amparebbenu u corsu cum'una lingua strangera"
prima un vecu micca u francese diventa una lingua strangera dumane in Corsica ! u francese he un oceanu duve à mezu c'he u isulottu : a lingua corsa.
E po s'agisce d'introduce a lingua prima di i zitelli dopu à 4 anni d'immersione in lingua siconda. issu sistema ha fattu e so prove. Sustene u sistema immersivu un he mancu appena una pusizione ideologica ma piuttostu pedagogica ! ( sustenuta da vere valore di manca d'altronde) allora chi ghjuchemu qui torna cu e paure à colpi di pusizione ideologiche ! Ma pensu chi c'he una scunniscenza impurtante dinu . A rombu di vede a lingua cum'è un periculu per a so "clientela" sí ghjunghje à di n'importa que.
Ma a ripetu u testu di a ctc un he da piglia l'ochji chjosi senza riflette è dibbatte . Ma un sera faciule vistu e prime pusizione.

21.mandatu da henry smart u 03/06/2012 23:38
Attenti à e caricature dinu ! un a so s'elli volenu da veru una Corsica micca corsa. Prima, anu pocu primura di a lingua cum'e a maiurita di a populazione è dinu di assai militanti naziunalisti chi facenu pocu sforzi per piglia a parolla in corsu o per trasmette a lingua à i so figlioli . Aspettanu tuttu da u sistema educativu francese, quellu chi ha messu un'energia tremenda per stirpa e lingue "regiunale" !

20.mandatu da Drobnjacku u 03/06/2012 23:38
D'accunsentu cun Henry Smart. micca siguru chi risponde à ste glosce sia a bona suluzione

ùn aspettanu chè quessa, ùn anu nunda à prupone, ùn pone esiste chè in u cunflittu anti-corsu

ci vole à sapè à quale avemu in faccia, ci vole à dinunzialli... ma a sola cosa ch'elli volenu hè chi i naziunalisti li caschinu à dossu

Mineo, un sindicalistu addisperatu "en mal d'existence" vole diventà un eroe, un martiriu di u cumbattu anti-corsu

si vole fà minà per dì : "vous avez eu comme ils sont méchants et intolérants"

ALLORA CHI L'INTULLERENTI SO ELLI

ma cumè Tatti è Zuccarelli, so omi di u passatu. ùn sò micca dinosauri, sò zombies.

19.mandatu da a lingua fora u 03/06/2012 23:32
A FCPE, Tatti, Zuccarelli, u SNUIPP, Nicolas Alfonsi... ma dinù una grande parte di a diritta è di u FN

tutti volenu a morte di a lingua corsa è l'avenimentu d'una Corsica ch'ùn saria più corsa

ci vuleria à cunsiglialli u libru d'Albert Memmi : Portrait du colonisé

18.mandatu da henry smart u 03/06/2012 23:26
O Rinucciu un so micca cunvintu chi di fa quellu chi mughja u più forte fussi ghjuvativu per stu cumbattu.
Mi pare chi certi un aspettanu che que ! E Po risponde à certi argumenti serebbe cum'è risponde à ghjente chi ti dicenu chi u mondu he pianu !
D'altronde u testu di a ctc un he manca appena officiale per ava !

17.mandatu da henry smart u 03/06/2012 23:19
Ava he vera chi ci so priorità chi si ponu fa subitu subitu senza parla di u trasferimentu di i persunali. Qui un capiscu u metudu sceltu !? he vera chi per divide un c'era megliu ! soprattuttu cu u curpuratisimu di certi sindicati !
prima parlemu di sucieta bislingua , femu u sforzu maio per e ciucciaghje è e scole materne cu priorità data à l'immersione e dopu custruimu u restu pianu pianu senza stuzzica u vespaghju per nunda ! Per una volta cumincemu da u principiu chi un antru fiascu cum'e quellu chi s'annunzia per e filiere bislingue serebbe murtale per a lingua. E per quelli interessati da veru ind'u sviluppu d'una sucieta bislingua, ch'elli mettinu a so energia à pro di prugetti per a lingua è micca solu ind'e l'assalti contr'à u snu ( un parlu micca di a piazzetta/ l'aspettava issu sugettu) o campagne elletturale. Chi mi pare chi ognunu scieglie u so campu ma a muntagnu di l'impegnu reale ferma à attippa !!

16.mandatu da rinucciu u 03/06/2012 23:15
Evviva la "goche" républicaine et française, una mansa di furdani chi ci vularia a impicali à a prima fica vinuta , eccu u cusi dettu "consensus" nant'à a lingua certi manghjani preti è cacanu diavulli so a favori di a lingua corsa puri chi da sparisci . Ma fora di l'APC aspitemu a riazzioni di u STC o di i muvimenti naziunalisti.

15.mandatu da henry smart u 03/06/2012 23:02
Ie he vera Bastiacciu ! u titulu un he micca male. E Po aldilà di i insignanti ch'un so micca snu, so sicuru chi a prisentazione fatta un he stata per vede s'ellu c'era carcosa di pusitivu da ritene à issu testu !

14.mandatu da henry smart u 03/06/2012 23:02
Ie he vera Bastiacciu ! u titulu un he micca male. E Po aldilà di i insignanti ch'un so micca snu, so sicuru chi a prisentazione fatta un he stata per vede s'ellu c'era carcosa di pusitivu da ritene à issu testu !

13.mandatu da henry smart u 03/06/2012 22:56
Una di isse scimita :
"la langue corse va devenir eliminatoire au bac ! ..mais ou va-t-on ? " he vera chi vergogna !!!! sta lingua di i pastori chi un ghjova à nunda !! allora se no mettimu in piazza un sistema capace per a generalizazione di u bislinguisimu aduprendu e tenniche di l'immersione serebbe un'eresia di dumanda à i zitelli d'ave u livellu B2 in fine di percorsu ? aio aio ! E perche piazzassi sempre ind'a logica di u fiascu. U rollu di u snu serebbe piuttostu di fa casu chi i mezi seranu bastanti per suddisfa sta bella ambizione per a nostra sucieta.
Ava un dicu micca chi u testu di ctc sia a bibbia ma se u snu avissi dettu : "va be simu per una sucieta bislingua , dumanda di fa sforzi è di scambia a custituzione ma ci vole a esse attenti a i "garde fous", un ci vole micca chi i insignanti perdinu acquisti suciali ecc ecc...
ma no facenu esattamente ciò ch'elli rimpruveghjanu à u testu : "on divise la societe" dixit u portavoce.
Ava aspettemu e reazzione di l'altri sindicati

12.mandatu da Mare nostrum u 03/06/2012 22:43
Quandu sara morta a lingua anu da dí " on fera quelque chose non ? "

11.mandatu da Bastiacciu u 03/06/2012 22:33
E u titulu di l'articulu di Ch. Laurent un hé micca male : LES ENSEIGNANTS indignés... Tutti l'insignenti averianu a so carta a u SNUIPP ? U SNUIPP puderebbe parla per esempiu à u nomme di l'insignenti di u STC ? E di quelli chì ùn sò micca sindicati dinù ? E certi si dicenu ghjurnalisti...

10.mandatu da henry smart u 03/06/2012 20:36
o Snuippemu, chi PG sia incaricatu di l'impiegu di i prufessori nimu a vulera. un ci sera un insignante ancu puru accanitu per una sucieta bislingua chi difenderà que ! Allora un ghjucate cu e paure !!! mi face pensa à une poche di campagne eletturale !!
D'altronde durante 5 anni avemu avutu à Sarko rispunsevule di u sistema educativu francese ! A vai puru !
Inquant'à e resistenze à u pudere Sarko, un pudemu micca di chi u snuipp he statu un oppunente di prima trinca ! Ah era Bella a resistenza per u primu sindicatu di Francia ! Ma per fa paura à a sucieta per raportu à a lingua corsa, qui si chi vo site accaniti !
Apre un dibbattitu per sape s'ellu ci vole o micca trasferisce i persunali à a ctc a possu capì , ma quandu vecu e bestialità ch'aghju vistu ind'e l'articulu di CM è intese ind'e i media ...ohimella ! he più chi ora di ristabilisce a furmazione pe i insignanti !!
una meza pagina di CM chi s'assumiglia à quelle di u rettore Barat : mischjemu u veru cu u falzu, interugazione capiscitoghje è scimita d'un antru tempu, scunniscenza di ciò ch'ellu he l'insignamentu immersivu è affirmazione generale "a lingua corsa deve firma una leia suciale" !
un pocu di sale in zucca sí !

9.mandatu da henry smart u 03/06/2012 19:54
Quessu u sugettu c'emu da campa !!!
Nanzu di cumencia, serebbe be chi quelli chi difendenu a lingua a fessi in lingua corsa ! no ?
serebbe megliu mi pare !

8.mandatu da Di tutti i tribulati u 03/06/2012 19:54
diceremu : i snuippers anu tiratu...

7.mandatu da i corsi fora u 03/06/2012 18:58
la frange la plus conservatrice et réactionnaire de la gauche est toujours là, bien orchestrée par Tatti et Zuccarelli

SNUIPP, FCPE...

ceux là s'ils pouvaient détruire la langue corse ne s'en priveraient pas

EVVIVA A CFR

6.mandatu da antone u 03/06/2012 18:30
@snuippemu : a quistione di u trasferimentu di l'insignanti à a CTC hè una cosa, a quistione di a lingua hè un altra cosa.

i sindicati s'anu da piattà in daretu à u trasferimentu à a CTC, ma so tutti ARRABBIATI contr'à a cuuficialità è a difesa di a lingua corsa, tuttu u mondu a sà

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta