A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Tutti in Aiacciu sabbatu cù Parlemu Corsu !

Sabbatu 24 in Aiacciu, u cullettivu Parlemu Corsu organizeghja una grande manifestazione pè rammintà à u statu ch'è no vulemu a cuufficialità.



Tutti in Aiacciu sabbatu cù Parlemu Corsu !
Un annu dopu à a festa rivindicativa in Corti, u cullettivu Parlemu Corsu si mubilizeghja pè ramintà à u statu chì i Corsi volenu salvà a so lingua.

Numerosi sò l'associ, gruppi culturali è organizazioni à avè rispostu à a chjama (da vede nant'à a pagina Facebook di u cullettivu è nant'à CNI).

À u prugramma :
- prima una manifestazione davant'à a prefettura (3 ore è mezu) pè rammintà à u statu ch'è no vulemu un statutu di cuufficialità (ùn si sà mai, forse si n'hè scurdatu).
- dopu ci serà una grande serata in piazza à u Diamante, cù un picculu spettàculu seguitatu d'un grande cuncertu cun più di 40 gruppi è musicanti.

Ùn avete micca scusa ! Fora di Christophe Barbier, tuttu u mondu (o guasi) hà chjamatu à esse presenti. Ci seranu naziunalisti duri, molli è mezani, ghjente di diritta è di manca, pè l'ACA è pè u Sporting, suttanacci, supranacci è di a diasporà, azezi è alegri.

È nunda ch'è quessa, hè digià una bella prova.

Noi ci seremu. È voi ? Allora fatela sapè ! È s'è vo site nant'à Facebook, spartite a pagina di l'evenimentu.

Pudete dinù fà un donu cun PayPal à u Cullettivu Parlemu Corsu, chì hà bisognu d'aiutu pè l'organizazione.

U teaser fattu da I Kongoni


Ci hè ancu una canzona chì hè stata fatta à posta pè stu ghjornu :


u 19 di Maghju 2014



1.mandatu da oscarucciu u 20/05/2014 06:54
Ghjé cume un carnavale pe a lingua corsa......hé stata vutata una muzione pe a ctc e in u mentre di a campagna eletturale di e municipale, nimu un a parlatu corsu....a chi ghjova tuttu que ?

2.mandatu da Ernestu u 20/05/2014 10:00
ci vole à esseci perchè u statu di m... ùn ci stà micca à sente, e ch'ellu ci vole à cuntinuvà à battesi

3.mandatu da acquaviva u 20/05/2014 10:57
NENZU U CORSU ERA UNA LINGUA PARLATA E MICA SCRITTA AVA HE UNE LINGUA SCRITTA E MICA PARLATA.PRIMA DI TUTTU CI VOLE A RAGIUNA DI QUALE LINGUA S'AGISCE :SE LU SI TRATTA DI A SMORFIATURA" ELABORATA" CUME DICENU I SAPIENTONI DI CORTI UN VALE A PENA:STA LINGUA HE UN COPIA DI U FRANCESE E MICA U CORSU LINGUA ITALO/RUMANA CHI PO GHJOVE A CUMMUNICA CU 60 MILLIONI DI TALIANU.STU PRUGETTU DI FA DI A NOSTRA LINGUA UNA LINGUA SCRITTA CAPACE DI PARLA DI TUTTU HE STATU SVIATU DA GHJENTE CHI SO IMPATRUNITI DI STU PRUGETTU E INCUNSCIAMENTE O CUNSCIAMENTU HANNU DECISU DI FANNE UNA LINGUA FRANCO-CUMPREENSIBILE CUN U MINIMU DI SFORZU IN ALTRE PAROLE UNA RIPRUDUZIONE DI E STRUTURE E DI U VUCABULU DI UNA LINGUA STRANIERA U FRANCESE(senza parla di e cunsonnante usate carnevalisticamente-sabbatu per esempiu-chi cambianu l'accentu tonicu o e prununzie sbagliate cume l'oramai famosu marcangeli)TUTTI SI PASSA CUME SE U FATTU DI DA UN STATUTU UFFICIALE A STA LINGUA DUVIA GUARISCE A FERITA DI A PERDITA DI STA LINGUA CUME MEZZU DI CUMUNICAZIONE E CULMA UN BISOGNU DI RIVALUTAZIONE DI U CORSU.A STRADA PERCORSA HE STATA SBAGLIATA PERCHE I PRESUPOSTI ERANU QUELLI DI U PRUGETTU CULUNIALE FRANCESE TAGLIA I LIAMI DI A CORSICA CUN L'ITALIA PRUGETTU CHI HE STATU ANCU A L'INCONSCIU DI I SO PRUMUTORI(u culuniasmu sopratuttu francese si preoccupa in primu di cambia e strutture mentale di u culunizzatu)QUELLU SEGUITU SIN'A OGHJE.UN CI SCURDEMU MAI CHI U CORSU HE STATU UN CULUNIZZATU CUME L'ALTRI E CHI IN QUESTU SISTEMA TUTTU SI PASSA A UN LIVELLU INCUNSCIENTE A L'INSAPIUTA DI A PERSONA:CRIDENDU SALVA U CORSU L'HANNU MANDATU IN FOSSA!

4.mandatu da quellu u 20/05/2014 11:15
Troppu longu.

5.mandatu da circinelludiguagnenativupeliguagnesusosanguaversatu u 20/05/2014 12:08
iè...

6.mandatu da Calvoise u 20/05/2014 12:58
Ghjè taaalmente cumplicatu di fà qualcosa in stu paese !
Critiche, cianceghji, ghjudicamenti, gattiverie...
Chì tristezza.

7.mandatu da anto u 20/05/2014 13:16
Iè Calvoise
Tante critiche e gente mai cuntenta.... Un si po fà nunda

8.mandatu da acquaviva u 20/05/2014 13:26
mica critiche un mudestu ghjudiziu anant'a cio chi he diventatu stu prugettu:pudassi si po mudifica appinuccia o simu obligati d'esse sempre d'accordu cume e pecure chi seguitanu u capu di a mansa?

9.mandatu da simu freschi u 20/05/2014 18:35
o acquaviva dumanda una piazza per tè à i sapientoni di Corti. chì chjachjarone per ùn dì nunda !

10.mandatu da pimentrouge u 20/05/2014 18:44
TUTTI IN AIACCIU SABBATU A VOSTRA BOCCA L'APRERETE QUASSÙ...

11.mandatu da acquaviva u 20/05/2014 20:17
A SIMU FRESCU.prestu dettu e mal dettu:un chjachjereghju mica dicu sopratuttu cose ch'un ti piacenu ma semai poi da i to argumenti perche eiu ti n'aghju dati parecchji.

12.mandatu da Calvoise u 20/05/2014 22:25
Acquaviva,

1) u mo messagiu ùn era SULAMENTE per voi. Vi leghju nant'à altri siti è sò aspessu d'accordu cun voi. U messagiu era per tutti quelli (quì ed in altrò) chi criticanu, ridenu... mà ùn danu mai idee per fà megliu.
2) ùn sò micca capace di ghjudicà ciò chè vo dite. Ampargu a lingua, sola sola, dapoi duie anni è ùn sò un lume, allora forse avete a ragiò. Eiu pensu chì salvà sta lingua (o una spezia di lingua culunizata, per voi) hè una manera di mantene l'Anima Corsa.
3) Ancu sì avete a ragiò st'articulu hè fattu per parlà di sta serata, di stu cullettivu, di e personne chì danu tempu è energia per stu paese ch'amate tantu. Ci vole forse a ringrazialli, eiu u facciu qui.

Vi salutu è... scusate i mo sbaglii ed u mo copié-collé di u francese, cu u tempu si migliurerà. Cumu a situazione di a Corsica è di a so lingua. U spergu in ogni casu...

13.mandatu da acquaviva u 20/05/2014 23:46
LEGHJENDUVI GUASI MI NE VOGLIU D'AVE POSTU CERTE DUMANDE NANTU A CIO CHI HE STATU PRUMOSSU DA CERTI MA AVITE RAGIONE CI VOLE PRIMA DI TUTTU RINGRAZIA QUELLI CHI VOLENU BE A A NOSTRA LINGUA E CHI HANNU MOSSU STA MANIFESTAZIONE PER A CUOFFICIALITA DI U CORSU.MI PARE CHE VO VI SBRUGLIATE BE A SCRIVE U CORSU E U VOSTRU IMPEGNU HE A PIU BELLA PROVA DI A PASSIONE PER STA LINGUA.

14.mandatu da oscarucciu u 22/05/2014 18:44
cum'ellu dicia sta mane u tippu nant'à rcfm......piantemu di parlà di u corsu.e di vutà muzione o di fà "lingua corsa pride"....e parlemula !!!!

15.mandatu da Ghjuvanluca u 22/05/2014 20:42
Lingua Corsa patrimoniu di ù mondu sanu.Custode di à Cultura di un populu, chi eu cunsidereghju vicinu e fratellu di sangue.Lingua ammirabile.....
Pè a cuufficialità ora e sempre uniti.
Un abbracciu da Cagliari

16.mandatu da acquaviva u 23/05/2014 20:55
GRAZIE PER TUTTU O FRATELLU CAGLIARITANU

17.mandatu da acquaviva u 23/05/2014 20:55
GRAZIE PER TUTTU O FRATELLU CAGLIARITANU

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city