Accueil
Envoyer à un ami
Version imprimable
Partager

10 ragioni d'ùn leghje micca i prugrammi eletturali

St'ultime settimane, s'hè di più parlatu di cumpusizione di liste ch'è di prugrammi. I candidati anu ragiò, di tutte e manere, quale i leghje ?



10 ragioni d'ùn leghje micca i prugrammi eletturali
1. U più impurtante ùn hè micca u prugramma, ma quale ci hè nant'à a lista : per quale si vota ? o piuttostu, CONTR'À quale si vota ? A vera scelta hè questa quì.

2. Perchè passà u so tempu à fà un prugramma ? Hè megliu à passà u so tempu à discorre di cumpusizione di a lista.

3. L'idee pulitiche ? Per chì fà ? Ghjente di diritta nant'à e liste di manca, ghjente di manca chì facenu una pulitica di diritta, naziunalisti chì votanu Sarkozy, eculugisti cun prumutori immubiliari è convergence per tutti. Face un pezzu chì l'idee ùn esistenu più in Corsica.

4. U prugramma ? Ok, ma quantu porti elettori ? "Eiu portu 1500 voti"... Eccu u solu argumentu di pesu ch'ellu hà avutu un candidatu per pudè esse in i 10 primi d'una lista. U peghju, hè ch'ellu hà marchjatu...

5. Di tutte manere, una volta ghjuntu à u putere, u prugramma hè messu da cantu. Iè, u peghju hè chì una volta ch'è vo site elettu à a CTC, ci vole à travaglià !

6. Troppu difficiule. Disimpiegu, precarità, cultura, educazione, eculugia, ambiu, turisimu, scelta di sviluppu, lingua, demugrafia, fundivu, identità... Hè troppu duru d'avè l'idee chjare è un prugramma.

7. Di tutte manere, l'elettori votanu quantunque. Prugramma o nò, l'elettori vuteranu quantunque. Una magiurità di Corsi eranu contrà u Padduc ? Ma vuteranu quantunque à diritta...

8. Hè megliu d'avè frigò è impieghi à distribuisce ch'è idee è prugrammi. Costanu più caru, ma dumanda menu cerbellu.

9. Ci cridite sempre ? À leghje i prugrammi di quelli chì sò eletti, a Corsica duveria esse diventata un'isula muderna, sviluppata cù a so Silicon Valley innù a Gravona è senza miseria. Cunniscite u risultatu...

10. Di tutte manere, cunniscimu u risultatu... A sapete bè, in Corsica sò sempre i listessi à vince à a fine !

10 ragioni d'ùn leghje micca i prugrammi eletturali

10 ragioni d'ùn leghje micca i prugrammi eletturali

Marti 16 Farraghju 2010
U Sgaiuffu



1.mandatu da GWM u 2010-02-16 10:41
Quistione à JCA: "chi serà a piazza di u vostru prugramma ? "
Risposta: "dite puru u prugramma di e nostre piazze"
SIC !

2.mandatu da Fiumorbu u 2010-02-16 11:26
BRAVO a piazzetta!
U peghju ghjé ch'un so micca si ci vole a pienghjene o a ridene.
Ghjé a verità si passa cusi a politica in corsica.
Un pensanu micca a un prugrammu ma a quellu chi purtera u piu voti. Parlanu un pocu di u paduc , di a lingua corsa e sopratuttu di l'altri partiti pulitichi e basta.
Allora chi fa? Anda a vuta? mi caccianu u laziu

3.mandatu da kostadinovu u 2010-02-16 11:45
st'elezzioni so un SCUMPIENTU IDEOLOGICU

i pulitichi corsi SO UNA CALAMITà, è nimu si lagna !!! s'elli passanu nant'à stu situ, sappiate che vo site una MANSA DI CATINI

for di Corsica Libera, di i cummunisti è di u padduc di l'UMP, ùn si vede è ùn si sente NUNDA

i Giacobbi, Zuccarelli, Simeoni, Renucci duverianu VERGUGNASSI di presentassi à l'elezzioni.

à un mese di u scrutinu, UN ANU NUNDA à PRUPONE

4.mandatu da bucchinamoni u 2010-02-16 11:58
I soli à prupone u prugramma sò i cumunisti è Corsica libera per tutti l'altri ùn hè chè calculi di piazza è d'alleanza per avè una piazza à l'esecutivu

5.mandatu da anto u 2010-02-16 14:11
So séguli ch'ella dura e so sempre i stessi chi so a u cumandu r a empiesi e stacche ,e torna sta volta serranu életti i manghjoni ch'ognunu cunosce .FORA !
http://anto.over-blog.org

6.mandatu da Fiumorbu u 2010-02-16 15:00
Ma anu da riesce a fa chi da qui 20 ani si parlera che francese in una isula betunizata, a vi dicu!

7.mandatu da estrimei u 2010-02-16 15:24
o ghjente , i capizzoni facenu cum'ella li pare , ma a capra he a nostra e tocca a noi , l'ellettori , di sapè so che no' vulimmu .
perche vulete ch'elli faccinu e pruposte?
a u mio parè , ha da dispiece, ma a vogliu dì quantunque:
ci so i naziunalisti corsi chi piglianu in contu u Populu corsu (micca a "communauté de destin") e chi ha una pruposta (corsica 21)- he Corsica Libera-
c'he a manca frencese chi volle difende in priurità tutti i disgraziati chi ha a so pruposta -he u "Front De Gauche"-
ci so tuttu l'astri chi intrapulleghjanu di tutte e manere ma chi hanu una solla pulitica : quella di u sollu e di a riescita ( qualsiasi a manera )persunale, e so in maggiurità.

8.mandatu da Fiumorbu u 2010-02-16 16:56
Cume l'hai detta estritoiu tocca a noi a sape so che no vulemu.
ma mi pare che a maio parte di di corsi un a sanu micca

9.mandatu da Shaunu Micaelli u 2010-02-16 17:15
Aghju truvatu incu u Net un novu giocu: EMILE ZUCCARELLI ELEZZIONE 2010:

http://static.mygamecover.com/images/ps3/e/m/ps3-3203-emile.jpg

10.mandatu da Marcucciu u 2010-02-16 17:45
eccu i risultati di st'elezzioni :
1 tornu

UMP: 24.5
Giacobbi: 14.5
Femu a corsica: 14
Zuccarelli:11.5
Renucci:7
Bucchini: >7
_________
CL:

11.mandatu da marboeuf u 2010-02-16 17:59
Ci vulerebbe da fà schjattà un bellu pachettu carcu di bullò' è di lame di rasoghju in pienn'assemblea, si vederà dopu, tutti di carne macinata, senza bracci ne anche, incù e trippe fora è e cerbelle schjacciate anant'i muri, s'elli hanu sempre da fà i maligni sti porchi di collabò, tutti quant'elli sò !

12.mandatu da estrimei u 2010-02-16 18:21
o Marcu',
nu a pudie dì nenzu! chjamma a u preffettu e dillilà . li ferai piecè , !!e cusì un ha piu che a publicà i risultati. si vincerà solli e tempu !!!

13.mandatu da Per Ride u 2010-02-16 21:27
Tante cose chì sò dette quì sò vere è ghjuste (micca sante...), ma a ghjente andarà à vutà chì si ne scurdarà di e so critiche di l'eletti è di e so manere di fà.
Hè cusì...tuttu si ne và, ùn si pò parà.

Una cosa dinò.
Oghje aghju intesu l'animatori di A PIAZZETTA nantu à RCFM, aghju capitu a so andatura chì era spiigata di modu chjaru è mancu appena pratensiunutu.
Ma piccatu ch'ella sia stata detta IN FRANCESE...forse da chì tutti possinu capisce?

14.mandatu da u webmaestru u 2010-02-16 21:36
l'intervista ci hè stata in francese È in corsu...
http://www.wmaker.net/apiazzetta

15.mandatu da Per Ride u 2010-02-16 22:40
'intervista ci hè stata in francese È in corsu...
http://www.wmaker.net/apiazzetta

Quessa a m'aspittava, ma capite travagliu ancu è in corsu ùn l'aghju intesa.
È po s'ella mi piace à mè di criticà ciò chì piace à mè?!

16.mandatu da iffoppu è soffressa u 2010-02-17 14:15
attenti o estrimei, eccu i risultati curretti. I ti mandu nanzu di cumunicalli à i prefetti è à i cerbelloni corsi:
UMP: 30 %
Femu a Corsica: 15 %
Giacobbi: 13 %
Zucarelli: 10 %
Renucci: 8 %
Bucchini: 6,5 %
Talamoni: 6 %
Toma: 4,5 %
Front National: 3,5 %
Baccarelli: 2,5%
Battini: 1 %

17.mandatu da ZIU ANTO U PURCAGHIU u 2010-02-17 17:16
um'bé nant' a stu foru sité tutti accaniti contru a i nostri candidati territuriali ! !In primu logu contru a i naziunalisti.Avvété a mimoria corta! Vi ricurdaté?aleria,bastia,u pignu ,sulizara,speroné,é diceraghiu ancu clavier.Ancu seza prugramma,nuda ché per tutti sti fatti ci tocca di vuta per i nostri cumpagni,per quelli chi cunoscenu sti fatti.

Eccu i risultatti

simeoni 36%
talamoni 12,5%
giacobi 11%

zuccarelli 5,50%

L'attri un' li contu mancu ! ! !
A smintegu rocca serra 6,8%


BONNA SERA

18.mandatu da estrimei u 2010-02-17 18:48
o iffoppu è soffressa ,
eccu i mei:
Battini: 15 %
Femu a Corsica: 20 %
Giacobbi: 13 %
UMP: 8 %
Zucarelli: 10 %
Renucci: 8 %
Bucchini: 6,5 %
Talamoni: 6 %
Toma: 4,5 %
Front National: 3,5 %
Baccarelli: 2,5%

quale femu presidente?

19.mandatu da luigi Arrissu u 2010-02-17 19:23
Estrimei, iffoppu è soffressa è u purcaghju si sbaglianu. I sundasgi ci vole à falli à u "contouar" in paese u sabatu sera. Eccu quellu di sabatu scorsu, in qualchì locu di a Corsica muntagnola

UMP: 48 %
Femu a Corsica: 25 %
Giacobbi: 11 %
Talamoni: 8 %
Bucchini: 4 %
Front National: 3 %
Toma: 1 %
Renucci: 0 %
Baccarelli: 0%
Battini: 0 %
Zucarelli: 0 %

20.mandatu da jacob u 2010-02-18 00:29
è di BALTHAZAR, ne parlemu ?

21.mandatu da Accanitu u 2010-02-19 01:11
Mirraculu ghjuvan'cri sorte un prugrammu! Per e nostre casce rifemu a corsica ! Vechju cu novu ò novu cun vechji ....

22.mandatu da badabumu u 2010-02-19 19:29
Eiu sò Accanitu, ma micca troppu. Ghjustu per dì à l'accaniti chì ùn capisca micca a so prosa. Chì vole dì "per e nostre casce "?

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter