Accueil
Envoyer à un ami
Version imprimable
Partager

Jean Zuccarelli II, u ritornu

A Corsica hà u so Jean Sarkozy. Un omu cumplettamente scunnisciutu, incaricatu di e ghirlande di Natale à a merria di Bastia entre à una di e piazze e più impurtante di a CTC.



Jean Zuccarelli II, u ritornu
Jean-Jean Zuccarelli hè u più forte. Induve Jean Sarkozy hà fiascatu, ellu hà da riesce. Face ancu megliu ch'è u figliolu di u presidente.

Invece di l'EPAD, entre direttamente in u top 9 di l'eletti di Corsica : una piazza in i nove posti di l'esecutivu di l'Assemblea di Corsica.

Ci vole à dì chì Jean-Jean hè un winner. A so carriera un autenticu mudellu di riescita per stu self made man à l'usu bastiacciu.

Riassuntu :

Jean II (46 anni) scopre a Corsica in 2006, annata induve sbarca in Bastia.

In u 2008, primu successu eletturale per u nostru cumbottu chì hà un rollu impurtantissimu in a campagna di Milù. Hè à a piazza nùmeru... 25.

À a merria, u so tìtulu hè "délégué aux animations commerciales et festives". A so vuluntà è u so talentu permettenu d'ottene a decurazione di Bastia pè Natale cun ghirlande nove, un bellu focu d'artifiziu per u 14 lugliu è una beach party à l'Arinella.

Forte di sta sperienza è stu successu tremendu, Jean-Jean si lancia in campagna à cant'à u so babbu in dicessettesima piazza nant'à a lista.

Cun 8,05% di i voti è malgradu a suppa di musu dop'à stu schjaffu eletturale, u nostru golden boy ùn s'addispera micca è tene bonu.

Hà ragiò : pappà impone a so piazza in l'esecutivu di a CTC à u Yalta di Venacu.

Eccu cum'è un tippu cumplettamente scunnisciutu ghjunghje à una di e piazze e più impurtante à u capu di l'Assemblea di Corsica.

Quale ci parlava di rispettu di a dimucrazia è di valori ripublicani, digià ?

Màrcuri 17 Marzu 2010
U Sgaiuffu



1.mandatu da So eiu u 2010-03-17 07:50
Hè veramente sbarcatu in bastia in 2006?

2.mandatu da estrimei u 2010-03-17 08:10
o Sgaiu' ,
cume sempre tocchi a ferita induv'ella frighje!
si Giacobbi vince (44%??), 'ncu a reggulla nova , tra eletti , eletti a l'eseccutivu, presidenti di l'offizii... quantu ci ne serrà di a so lista chi un aeranu micca postu? 5 o 6 ?
sta riforma di a legge elletturale he un inghjulia a a demucrazia

3.mandatu da benquoi u 2010-03-17 11:13
e alora !!44% !!he veramente una victoria per tutti sti capi no! e corsi si so esprimadi "en toute conscience"mdr!!

4.mandatu da GWM u 2010-03-17 11:32
u sindrome di l'acellucciu
http://www.youtube.com/watch?v=JlAUdPTr6ZI

5.mandatu da Scruccarelli u 2010-03-17 11:42
iè, rientratu in u 2006

a dice ancu JEan-Vitus :
http://ma-tvideo.france3.fr/video/iLyROoafYtFp.html

6.mandatu da Zeruffu u 2010-03-17 13:25
Stu cambiu di u modu di scrutinu, chi dà una prima gigantissima à quelli chi ghjunghjenu - à u stracciu - à a prima piazza, hè statu praticatu, in u passatu, da... Mussolini. Hè cusi ch'ellu ha pussutu accede à e rispunsabilità, cum'ellu si dice oghje. Ben intesu, u paragonu ùn u facciu, è ùn si deve fà à l'evidenza. Ma chi cio chi ghj'hè certu, hè chi issu modu di scrutinu un hè demucraticu. Perchè arrubeghja a parola d'una putentissima minurità - i naziù - è ancu d'una maiurita d'una certa manera - quelli chi ùn volenu di P.G. , vale à di naziù + dritta.

In realtà, u scopu di quessa hè di piattà u dibattitu maio è prufondu in a Corsica d'oghje : ié o no à u naziunalismu. U scopu hè d'intratene un falsu bipartismu cuntinentale chi uppone a dritta à a manca, da pudè piattà u veru dibattitu, è supratuttu impedisce l'alternanza.

Ma vi dicu cio chi ne pensu : sta manca hà da crollesi ! Hè oghje l'ultimu restu di un sistema centinariu chi si ne more. Oghje a via hè tracciata, è u restu ùn hè più chi una questione di tempu : NUNC EST VIA. Allora ben intesu, si purria esse azezi di duvè cusi aspettà ancu di più, ma vi dicu eo chi hanu da crolle, i cunclavisti di Venacu, è più che prestu ch'elli pensenu !

7.mandatu da MM u 2010-03-17 13:50
Eccu l'avemu u nostru "prugressu" tantu aspittatu da Nadine...

8.mandatu da paulu u 2010-03-17 14:15
Eiu, vuleria sapè, chjaramente, si Giacobbi hè cunsideratu da i "muderati" cum'è un prugressistu, incù quale "on a des affinités" (nanzu à u primu giru), o cum'è un clanistu "avec des méthodes d'un autre âge" (dopu à u primu giru).

9.mandatu da Zuccarelli JEAN u 2010-03-17 15:19
Messieurs , mesdames,
je ne pratiquerai pas la langue de bois, mais la langue de Molière afin de converser avec vous . Ma place fait des jaloux, je sais, mais que puis-je faire, mon grand-père, mon père et aujourd'hui c'est mon tour d'intégrer la politique par la grande porte .
Vous savez, je suis né dans la politique , et sachez mes amis, que sans vous je ne suis rien, alors ce 21 Mars 2010 , déplacez vous et votez , et faits voter autour de vous pour la seule et unique liste du .....du quoi déjà !? Ah oui, la liste de l'alternance , c'est à dire, une fois les "manghjoni"de droite , et une fois les "manghjoni" de gauche ...
hein ! ? quoi papa ? mais non j'écris un brouillon sur mon blog, de toutes façons on les as toujours pris pour des cons, pourquoi s'arrêter en si bon chemin ....
http://fr.wikihow.com/conserver-les-courges

10.mandatu da anto u 2010-03-17 16:16
Salutè o ghjente !Cum'ellu dice u pruverbiu pinzutu "i ghjatti un facenu mica cani " .E tutt'u mondu chi canta "evviva u cambiamentu !!" pocu cambiamentu no !E un n'avemu vistu nunda pè avà !U CLANISMU A DA RINASCE ANCU PIU TREMENDU !Ma simu sempre a tempu ,vutèmu contru a sta manca clanista chi ghjè contru a l'interessu di u populu di a Corsica .
http://anto.over-blog.org

11.mandatu da miccaèbastiaciuinizza u 2010-03-17 17:33
ci ha davveru una faccia da "winner" stu jean-jean !

12.mandatu da Bambulu u 2010-03-17 18:30
o mancu, ùn averemu micca i manghjoni chi so nè di manca, nè di dirita, e ancu menu patriotti...!!Evviva u culunialisismu... d'altronde i francesi ùn c'impediscenu micca d'esse allora chi circhemu...??? simu liatoghjii no ???

13.mandatu da Fabien u 2010-03-17 20:05
Petru Mari chjamava Jean Sarkozy : "Jean di Papa".
Eccu "Jean di Papa" bis.
...


http://1000ideespourlacorse.wordpress.com/

14.mandatu da entrisme u 2010-03-17 23:09
E cusi a corsica ,é i corsi ,quessa era é sera , hé i malignoti di a cunvirgenza per una mandatura aspetteranu sin'a 2014 ??? Ava s'elli un'anu micca capitu .
Face piu di 40 anni ch'ellu si sente un clanisimu hé per finisce ,ma hé sempre qui ,ava chi Giacobbi piglia l'assemblea di corsica ,hé pruntu ,ancu s'ellu smarisce u so cunsiliu generale,ava per caccia lu di qui ????

15.mandatu da So eiu u 2010-03-18 07:16
Un lu pudemu micca caccia di qui che i corsi un so micca abastanza numerosi per caccia a drita o a manca di u putere. Ancu si i nationalisti facenu 28% un bastera mai che ci so di piu francesi che corsi chi votanu in corsica.

16.mandatu da So eiu u 2010-03-18 07:21
Ava ghjughjeranu i pipullacci di manca a stallassi in corsica ,casca be per elli che lu c'hè cristian chi si ne va

17.mandatu da vladimiru u 2010-03-18 08:21
ùn bischeti più. A Corsica diventa dopu à Cubà a siconda isula cumunista di u mondu. "A fiera di u casgiu" in Venacu hà pirmissu di sparta i rolli di tutti. I naziunali sarani a forza prima di l'uppusizioni, muderati è indiavulati. Mi dispiacci pà Milù Zuccarelli chi spariscia dopu avè purtatu a lista "pour tous les corses". Valia a pena o milù ... Saria stata meddu "Tous les corses pour jean mon fils". Iè, tuttu què pà metta i soviet à u puteri cù 9,5 % di voti .... Sarani cuntenti i camalli (dokers) di Marseglia è a CGT EDF. E' baccalà pà i corsi di sanna.

18.mandatu da CFR...corsi francesi di razza.. u 2010-03-18 10:50
PCF: Partitu pè i Corsi Fora..!! Oghje, smarisce incu u Clan di a Diritta, di manca o i detti naziunalisti ùn ghjé listessa..... Si patriotti piglianu u putere a facenu pulitica ripublicana e micca naziunalista ùn sarebbe listessa.."le clanisme" un periculu dicenu tutti !! mà e sopratuttu u ripublicanisimu chi ci tombà, u clanisimu ùn hè che a manera di tene u putere..

19.mandatu da So eiu u 2010-03-18 11:10
Allora cume ci vole a fa per piglia u putere?

20.mandatu da machja u 2010-03-18 11:56
CUNSULTA NAZIUNALE !!!!!

21.mandatu da ZIU ANTO U PURCAGHIU u 2010-03-18 12:26
Ghié 40 anni queda dura quessa a cumeria!!Caciému fora si manghioni,si scruconi,si ladroni.O ghienté vuteté naziunalisti u 21 marsu é lampemuli fora !!

22.mandatu da CFR...corsi francesi di razza.. u 2010-03-18 12:49
O ziu, a mè so i Pultichi Pro francesi (Chi so in più di què manghjoni..) ch'eelu ci vole à caccià mà pe mette veri eletti "Naziunalisti" ( forse appena manghjoni mà un face nunda...) Chi efranu una vera pulitica naziunalista pè a ghjnete soia, e lutteranu pè chi a corsica un diventi una "Piccula francia" Blanc, Black. beurre e cumpagnia bella...

23.mandatu da Popolemploi u 2010-03-18 18:29
O CFR, per fà cio chè tù dici, ci vuleria à fà 51% , no? Vutate naziunalistu u 21 di marzu, Simeoni è talamoni .

24.mandatu da CFR...corsi francesi di razza.. u 2010-03-18 18:50
o Popolemploi Ancu incu 51 % è una vittoria, si sicuru chi tutti i Naziunalisti farestinu una Pulitica Naziunalista, a senteli tutti, ùn ci credu tantu, fermeranu indè u spiriru ripublicanu..

25.mandatu da Mamo u 2010-03-18 19:03
"Di babbi in figlioli" ...e u clanismu hè sempre vivu in Corsica!! "Bacalla per Corsica"!! E i manghjoni cuntinuvedianu a titiassi!! Un sbutaranu mai !!

26.mandatu da popolemploi u 2010-03-19 02:32
O CFR ch'elli fianu una pulitica per a Corsica. Mi basta largamente.

27.mandatu da Cagarella u 2010-03-19 08:53
A dice anch'ellu Camillù ch'u cumunismu e u clanismu so u periculu (si leghje in CM sta mane).

Ah, ah, ah.

28.mandatu da CFR...corsi francesi di razza.. u 2010-03-19 19:27
o popolemploi, chi vole di "pè a Corsica.." ????? Nunda !! a Corsica hè sola una realità géologica..Chi ùn ha bisognu di nunda....I Corsi si !!mà ùn n'hè i volenu più vede....volenu avale i "Citoyens" simi più francesi che i francesi certe volte...simu affulati...

29.mandatu da Sardi Niolu... u 2010-03-19 21:28
O cagarella, Evviva u cumunisimu.!!!!....Avà rivenne à a moda !! Farà piaciè a tutti i vecchji "68 tards" e altri Hippies di u 70....A quandu in Corsica un veru Muvimentu Naziunalistu chi pigliarà pratesa di i corsi e mandera a spassu quelli d'Avà basta e di a LDH chi ùn che "Barbouzes" light..mà facenu ancu di più tortu à a salvezza di a nostra nazione..

30.mandatu da Bukine u 2010-03-20 08:33
S'è vo a permettite, rispunderaghju à stu CFR chì mi pare sinceru ma chì, per contu meiu, ùn hà micca misuratu ciò ch'ellu si passa oghje in Corsica. O CFR, poca rabbia ... ùn emu mai sunniatu d'un paese chì funziunerebbi cum'è u statu nazione francese. Noi di u centralisimu ùn ne vulemu, noi di l'esaltazione di a nazione, ùn ne vulemu : vulemu "campà corsu", ma micca contru à l'altri, ma piuttostu à mezu à l'altri, cù a nostra dignità, a nostra identità muderna, cù una demucrazia reale. Tuttu què pare pocu ma u pocu è nunda hè digià u principiu di a strada maiò di a speranza. Un'isula viva, ùn hè micca quella di l'esclusione, di l'infrasate viote, d'un sognu vanu. Un basta à cappià belle cacciate cù e parole "nazione", cusì o quallà .... E teuria di u "vulè tuttu avà" ùn tenenu micca. Ma guarda sta campagna eletturale è t'accurghjerai chì a ghjente spera, è spera altrimente. Tandu chì fà ? Ricusà di vince u pocu ? Innò, avanzà, viaghjà, cuntinuà, vutà è fà vutà l'idea corsa. Iè o CFR, stu parè semplice, in amicizia, perchè pensu ch'è n'avemu listessa spera, eiu è tù ...

31.mandatu da CFR...corsi francesi di razza.. u 2010-03-20 11:19
o Bukine, ghjustu duie ligne, (mi scuserai mà vo a u paese pè vutà a Giacobbi.. ) pè di chi a Francia ùn hè una Nazione ghjé u statu chi s'hè fattu contra e Nazione, e VERE ( Corsa, Basca, britona..)chi un difende i citoyens francais (Dont nous sommes), e i francesi ùn so Naziunalisti, so ghjustu ripublicani, pè me u patriottu o un naziunalistu vole solu fà ch'ellu campi u so populu seconda a so culture, ch'ellu ùn smarisca indé a mundializazzione e ch'ellu ùn sia cuntestatu induve ellu pè tutti i coloni senza sfarenza cum'ellu hè di più in più u casu in oghje, a Demucrazia ghje solu un ideale e diciaraghju un sognu vanu..eo rispettu tutti i populu e tutte culture mà ognuna indé u so paese tandu saremu pari e bon vicini,

Allora saraghju pe tè arrabiattu??? eiu diceraghju corsu arradicatu corsu,à me ùn mi piacenu i Genocidii...mancu pè sostituzione..a prestu o Bukine.!!

32.mandatu da Balthazar Gloria a tè.!!!!!!!!!!!!!!!!!!!!!!!!!!!!!!!!!!!!!! u 2010-03-20 11:45
I veri Patriotti so i "SGAIUFFU", elli ùn rispettanu micca e legge di a ripublicanu e quandu hanu u so dà fà facenu uù dumandanu l'accordu di nimu, difendenu u so "Territoriu" e u so "Populu"..astru che i Naziunalisti..no ???????????????

EVVIVA A NAZIONE CORSA !!!

33.mandatu da orsufrancè u 2010-03-20 11:48
Ma chi demucrazia ghié quessa?? 100 anni fà si parlava Giacobbi contru a Rocca serra. 50 anni fà listessa(Rocca serra contru a Giaccobi) in 2010 listessa .Giaccobi hé Rocca serra i filiulini o i filioli .Sara pussibulé chi a gjiorni d'oghié abbiamu da cuntinuà in listessu sensu ?? Oquedda gjienté ghié u mumentu di svigliassi hé piglià u nostru destinu in manu.Femula finita in cu si gaulois,si partiti francesi e demudi una bedda lizzio di dimucrazia.......CORSA.......VUTEMU CORSI !!!!!!!

34.mandatu da Korsica Nostra... u 2010-03-20 13:24
A Demucrazia ghjè vutà....e dipoi cent'anni ùn hanu fattu colpu di statu, so stati eletti no Sti Rocca-Serra giacobbi e Zuccarelli..??.a demucrazia sarà quandu Simeoni Averà vinti ?? pocu demucratu o OrsuFrancè..!!!

35.mandatu da PAGHJONE u 2010-03-21 12:21
JEAN ,l'hanu fiuritu e ZUCCARELLI à u daretu ,allora u so cognume è "JEAN DIT FIURETU"

36.mandatu da mariuccia u 2010-03-29 09:20
zucche bionde ne avia mai vistu, ma quellu ne fa una bella!

37.mandatu da fan u 2011-12-23 15:36
Jean Zuccarelli face u buzz..... cume Kim Jong Il

si ne parla qui :

Jean Zuccarelli
Jean Zuccarelli
Jean Zuccarelli
Jean Zuccarelli
Jean Zuccarelli

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter