Accueil
Envoyer à un ami
Version imprimable
Partager

Trà Anne-Marie è Stéphanie, chì serà a scelta di Sarkò ?

Avemu infine a versione corsa di Desperate Housewives. Anne-Marie Natali è Stéphanie Grimaldi si disputanu per una piazza nant'à a lista UMP. Ma in pulitica e donne corse anu l'onore di battesi solu per a segonda piazza. Hè ancu di grazia, tuccherà à un omu di sceglie a so preferita...



Trà Anne-Marie è Stéphanie, chì serà a scelta di Sarkò ?
L'infurmazione hè data da Corse-Matin : Anne-Marie & Popol Natali anu appuntamentu à L'Elysée u marti 9 di ferraghju. Seranu ricevuti da Sarko himself.

Mutivu : sceglie per a segonda piazza di a lista UMP chì si ghjoca trà ella è Stéphanie Grimaldi. A meressa di U Borgu prevene : « Je serai deuxième de la liste ou bien je ne serai pas sur la liste. »

À prupositu di i nostri Bataille & Fontaine lucali, Camillou & Angie, dice : « Ils n'ont pas été francs avec moi, et je le regrette ».

Da quì pudemu induvinà a quantità d'Efferalgan pigliata da i rispunsèvuli di diritta chì anu da scumbatte cun Anne-Marie...

Digià ch'elli s'eranu intuppati i nostri dui capizzoni è ch'ellu hè Sarkozy à avè riesciutu à fà a pace, eccu chì sò e donne à mette a panicca nant'à a lista. Ma tenemu à felicitalle : elle almenu, quand'elle s'intuppanu, hè per esse segonde, mai prima.

Chì classa ch'elle anu, e nostre donne pulitiche...

L'aviamu detta nant'à A Piazzetta, a parità hè veramente un capatoghju in Corsica. À posta anu inventatu l'idea di "liste bicéphale" : sò impurtante solu e piazze nùmeru 1 è 3. Si parla di "liste Talamoni-Simeoni", "liste Zuccarelli-Alfonsi" o "liste Santini-Rocca Serra". Cusì aviamu riesciutu à ùn dà micca troppu impurtanza à e donne.

Ma eccu chì avà cummencianu à leticassi per a so cara segonda piazza...

Per ciò chì hè di u prugramma di siguru, aspettemu sempre chì qualchissia ne pruponga unu. À un mese di u primu giru, forse sarebbe ora, nò ?

Marti 9 Farraghju 2010
U Sgaiuffu



1.mandatu da Fiumorbu u 2010-02-09 08:28
Un prugrammu politicu ..? Ma per chi fa? Un c'he bisognu.
Basta a parla un pocu di u PADUC è di a lingua corsa ma in lingua francese ben'intesu...


2.mandatu da estrimei u 2010-02-09 09:55
"Un prugrammu politicu ..? " a i ghjorni d'oghje so belli schersi !
oghje si contanu i voti ! per fà l'ellezzioni ci 'olenu di voti ! e per avè i voti ci'ole a fà manghjà !
evviva a ticchjina ! quella chi arruina a Corsica , ma chi ne tratecchja nepochi.

3.mandatu da estrimei u 2010-02-09 09:57
scusate , ma vuleria aghjustà a so ch'aghju scrittu di sopra:
e i sumeri roncanu.

4.mandatu da in cauda venenum u 2010-02-09 10:15
I SUMERI RONCANU E A SOMMA PASSA

5.mandatu da estrimei u 2010-02-09 10:26
forse l'ump , mi perdunerà,?
s'avia a fà a mio scelta, eu piglieria a Anne Marie , mi pare chi 'ncu u conte di Cala Purcina facenu un bellu coppiu .
ma forse un mi steranu micca a sente ? a sapete chi a i lati di Sarkozy , c'he Charrasse , sapete , quellu chi s'infrugna in tutti i tufoni . e quessu 'ncu i Natali nu a c'ha!

6.mandatu da KÜG u 2010-02-09 14:48
ha dà finisce à colpi di pettine

7.mandatu da miccaébastiacciuinnizza u 2010-02-09 15:29
chi bella andatura cun i so speghjetti Anne Marie, ancu di grazia ci va cun Popol ad incutrà A Sarko u dunnaghju...

8.mandatu da casinca libera u 2010-02-09 21:24
francese di merda !

9.mandatu da babbu natali u 2010-02-10 00:18
AND THE WINNER IS...

« Le président nous a offert du chocolat »

La balance présidentielle a penché en faveur d'Anne-Marie Natali
Anne-Marie Natali sera la première femme de la liste conduite par Camille de Rocca Serra. C'est Nicolas Sarkozy qui le lui a confirmé, aussitôt qu'elle avait franchi le seuil de son bureau présidentiel, hier à 18 h 45. L'entrevue a duré une petite demi-heure dans une ambiance des plus conviviales, le président de la République se montrant particulièrement chaleureux à l'égard de ses deux hôtes, puisque le maire de Borgo avait effectué le déplacement de Paris avec son époux, l'ancien sénateur Paul Natali. Après avoir prononcé un grand discours sur la ruralité dans le Loir-et-Cher, Nicolas Sarkozy était, en quelque sorte dans la continuité en recevant une élue d'une des plus importantes communes rurales de Corse. On peut dire aujourd'hui de Borgo que c'est une place forte.

hè a più forte !

10.mandatu da Ghjorghju Bocca u 2010-02-10 11:08
Po chì pietà ! Chì closce e corce....

11.mandatu da miccaébastiacciuinnizza u 2010-02-10 11:15
cume mi dice un anzianu di qui : "povera francia" !

12.mandatu da marboeuf u 2010-02-10 15:34
Stu Sarko, hà a memoria corta... Unepochi anni fà, averia sceltu diferamente...

13.mandatu da Per ride u 2010-02-10 21:29
E donne ci avianu da purtà dipiù ghjudiziu in pulitica, una manera forse più umana di gestisce a sucetà, un usu più cuncretu di u putere à prò di tutti, senza manca fame è sete di putere cum'elli sò l'omi.

Mi sò pigliatu di paura, e donne sarianu po d'una ntra razza chè l'omi?

Quand'e vergu ste carnavalate mi sentu più serenu.

Semu listessi

14.mandatu da vargaglionu u 2010-02-10 22:39
In pulitica ùn basta mancu più d'essa suchjona sperta!!

15.mandatu da marboeuf u 2010-02-12 16:07
Ghjè vera, tutti sti canneloni per nunda...

16.mandatu da Mamo u 2010-03-11 16:36
Quando Sarko era ministru di l'interiore e chi sera rotu cun Cecilia ,circulava un putatjiu, che forse a Stephanie ,a si feciva cun Sarko.... Allora forse ,sera scelta ella!!

17.mandatu da 40 di febbra u 2010-03-12 14:33
Ma si dipende di ciò chi c'hanu offertu a sarko !!!
Un lava-piatti ,televisiò à screnu plattu ,frigo americanu ò una nova ROLEX ?!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter