Accueil
Envoyer à un ami
Version imprimable
Partager

Cumu fà cun ste dunnacce ?

Chì casticu, a parità ! Avà ch'ellu ci vole à mette e donne nant'à e liste (cumu s'ellu ùn ci n'era abbastanza !) hè un veru casticu per l'omi pulitichi... Ancu di grazia, solu e piazze "spare" (n°1, 3, 5...) anu a impurtanza.



Cumu fà cun ste dunnacce ?
Vi rendite contu ? Mette parechje donne nant'à e liste pè l'elezzioni, è micca in fondu, ma in pusizione elighjevule !

Dapoi Filitosa è Cucuruzzu, passendu pè i castelli di a feudalità, a pulitica in Corsica hè un affare d'omi, di capimachja, di sceffi di clanu.

A cumpusizione di e liste s'hè sempre fatta in funzione di i capimachja prestorichi chì sò capaci di purtà u più pussibule di voti.

Hè per quessa chì certi lonzi ùn si ritrovanu in u "top ten" di e liste pè e territuriali di marzu 2010, è almenu di lagnassi in un cummunicatu mandatu à Nice-Matin, ùn ponu fà nunda...

Ma dopu hè venutu u tempu di a parità, è i sceffi si sò resi contu chì e donne esistianu è ch'elle ùn ghjuvavanu micca solu à passà l'aspiratore è à fà a cucina.

Beatu u tempu quandu i dece primi nomi di e liste eranu tutti omi impurtanti è serii, primurosi di e cose publiche !

Allora fù u tempu di e liste "spare" (impair) : u più impurtante sò e piazze nùmeru 1, 3, 5...

Cusì, in 2004, s'hè parlatu di a lista "Talamoni-Simeoni" (tantu peghju pè a povera Rosa Prosperi, in segonda pusizione), di a lista Giacobbi-Guazzelli (quale c'era digià in n. 2 ?) o di a liste Zuccarelli-Alfonsi

Oghje, si parla di u "ticket Santini-Rocca Serra", di "liste bicéphale", di "la liste à Gilles et Jean Chri" (è Nadine allora ? prepara i sandwiches ?)...

Ma di l'impurtanza di a segonda piazza, sempre nunda.

Allora ? Ch'aspettate, donne corse, per fà sente appena a vostra nova voce in u mondu maschjile di a pulitica corsa ?

Ùn pò micca esse peghju ch'è ciò ch'elli facenu i nostri sempiterni vechji cucchi, nò

Luni 25 Ghjenaghju 2010
u webmaestru



1.mandatu da Acqualacciu u 2010-01-25 12:08
A parità un rende micca serviziu a e donne !

2.mandatu da Piratella u 2010-01-25 12:55

U peghju hè chì dopu si piglianu à u seriu, ghjunte à l'Assemblea è ch'elle TRAVAGLIANU LOL Di e volte sò guasi e sole presente in cummissione o in sessione ...

Ancu peghju, si sentenu trà di ella, passendu da sopra à i capi di e so liste respettive!!! Aiaiaiaiai

Ùn rende micca serviziu à e donne a parità ? haha quessa, hè da dimustrà, hè un dettu mascile è di donne chì sò digià in piazza è sò cuntente d'esseci sole, ma a "parità" un pocu furzata hè sempre megliu chè d'aspettà chì e cumpetenze di una donna sianu ricunnisciute à u so valore ghjustu...Si puderia aspettà i seculi torna...

Cunniscite u dettu : "a parità ci serà quandu una donna incumpetente serà numinata à un postu impurtante" (cum'ella si face dipoi seculi per l'omini)

Ebbeh, torna un sforzu, o ghjente, ci simu guasi!!! LOL

3.mandatu da Acqualacciu u 2010-01-25 15:06
Ben'intesu, e donne chì facenu a pulìtica sò cuntente. E ancu...

Quanda si face una lista, si rifflete cume ciò à fà per mette i masci à e belle piazze è dopu, si cerca e donne per cumpletà !

Ci sò i masci chì volenu esse nant'à e liste è ch'un ponu miccà è dopu, ci sò e donne ch'un volenu nunda è chì sò à a 10ima piazza...

Quandu ci sarà a parità nant'à e liste di i paesi di 25 abitanti...

4.mandatu da Eiu u 2010-01-25 16:34
Cio chi face gira stu mondu ,so i soldi e e donne e basta!

5.mandatu da JABBA u 2010-01-25 21:48
"a parità ci serà quandu una donna incumpetente serà numinata à un postu impurtante"

-> è Anne-Marie Natali ?

6.mandatu da Minutugrossu u 2010-01-25 22:52
Allora mettimu puru à Noelle Vincensini incu Anne-Marie Natali e juliette Dominici, un bellu trio : a mora, a rossa e a bionda, ùn parenu e disperate gof wifes NÒ ! ci campemu chè......... lol lol .

7.mandatu da marboeuf u 2010-01-28 02:46
Mbah... Per fà pulitica, basta da esse una putana... Allora... N'hè cunoscu unepoche chi sò pronte (è veramente pronte) per a parità... E podassi chi e tèchniche di clientelìsimu di tandu, sò oramai finite... Chi n'emu da fà di "bon d'achat' inde "But" ò una piazza di spazzinu à a merìa ? Se accantu, per un biglietinu a chjave (?) avemu prupusizione di pipe tremende, chjavate furiose, soft SM, gang-bang, DA, A2M, bukkake, etc. Chi tanti "passage en terrain coonstructible" è "le petit ça lui plairait de rentrer chez les forêstiers ?" pruponi da vechjacci panzonni...
Se di l'altra banda, ghjunghennu amazone incù tacchi di 20 centìmetri, vestute di coghju è di latex, incù un stafile, sussurendu "Alors vilain... C'est qui, qui va voter pour Maîtresse ?"

8.mandatu da J G u 2011-05-06 05:54
a parità in a vita , davanti a a legge , davanti a l'impiegui , davanti a a paga ,e micca solu in pulitica ! ! !
o marboeuf , perche boeuf ? mi pari piutostu un berre ! e piglii e donne pe lovie ! ! !
chi t'hanu fattu se donnace ? ci sô dinù e donnacce a sapimu , e omacci un ci n'hé micca soga ! ! !

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter