Accueil
Envoyer à un ami
Version imprimable
Partager

David Guetta nant'à a lista di l'UMP ?

Hè un scoop d'A Piazzetta : David Guetta hè statu cuntattatu da l'UMP per esse nant'à a lista à e territuriali di marzu 2010. U DJ, chì hà una casa in Portovek (ex-Portivechju) serà incaricatu di a cultura.



David Guetta nant'à a lista di l'UMP ?
L'UMP corsa discorre sempre pè a cumpusizione di a so lista pè e territuriali di u 2010.

Ancu di grazia, cum'è spessu à a diritta corsa, hè Sarkozy chì cummanda è chì dà l'ordini. A so vuluntà quist'annu : truvà persunalità dette "d'ouverture" è ghjente cunnisciuta, appena cumu David Douillet, deputatu UMP dapoi annu.

Ma ci vole à truvà ghjente chì sia scritta nant'à e liste eletturali in Corsica. Jacques Séguéla ? Troppu impupulare. Christian Clavier ? Vota in Neuilly. Philippe Gildas ? Troppu vechju. Yves Duteil ? Troppu tardi pè scrivesi quì. Mylène Farmer ? S'hè amusciata cun Camillù pè una storia di "tout à l'égout".

In fin'di contu, a scelta s'hè purtata nant'à David Guetta, u celebre DJ chì hà una residenza segundaria in Portivechju.

"Il est une idole et un exemple pour la jeunesse insulaire. Il a acheté une maison en Corse et il adore notre île, où il y habite régulièrement, de la mi-juillet à la fin août. Il correspond parfaitement à l'image nouvelle et dynamique que l'on veut donner à l'UMP corse. Il mérite de siéger à la CTC !", dice qualchissia vicinu da Camille de Rocca Serra.

Si sà ancu ch'ellu duveria esse incaricatu di a cultura è ch'ellu piglierà a piazza d'Antoine Giorgi.

Serà quessa, a cosa chì i candidati chjamanu "la convergence" ?

Màrcuri 3 Farraghju 2010
U Sgaiuffu



1.mandatu da Fiumorbu u 2010-02-04 07:45
Un he micca vera!!!???
ghjé una macagna???
Si accade un'affare cusi simu fritti da veru! Che vergogna

2.mandatu da estrimei u 2010-02-04 09:26
"Il est une idole et un exemple pour la jeunesse insulaire. Il a acheté une maison en Corse et il adore notre île, où il y habite régulièrement, de la mi-juillet à la fin août. Il correspond parfaitement à l'image nouvelle et dynamique que l'on veut donner à l'UMP corse. Il mérite de siéger à la CTC !", dice qualchissia vicinu da Camille de Rocca Serra.

a disgrazia he ch'ellu piglieria i voti !

3.mandatu da KÜG u 2010-02-04 09:27
Orlandu Magdane, Aiaccinu di core è di stintu, sarebbe ficcatu à listessa piazza nant'à a lista PNC-Chjami
http://www.youtube.com/watch?v=bw6RB34ROHw

4.mandatu da Militante di diritta u 2010-02-04 09:31
Si dice chi Christian Clavier hé veramente statu cuntattatu per esse nant a a lista di l'UMP

5.mandatu da pizzagogo u 2010-02-04 10:48
Mi pare ave intesu chi Jean claude vandamme sarà nant'a a lista di tony cardi. (incaricatu da a cummunicazione) . he vera o no?

6.mandatu da hugh u 2010-02-04 12:22
si dice ancu chi François Le Français serà nanta a lista d'Emile Zuck

7.mandatu da Francescu u francese u 2010-02-04 13:34 (da un teleffuninu)
E u nostru people Jean glaude guazzelli serà nanta chi lista?

8.mandatu da circinelludiguagnenativupèliguagnesusosanguaversatu u 2010-02-04 14:08
si dice dinò chì Giacobbi sarìa nant'à a lista sarkosy...

9.mandatu da ziuandri u 2010-02-04 14:40
aghju intesu di .... una cosa incridibile!!!!!!!!!!! Nicolas Alfonsi (sapete quellu chi un ride mai) ébin sarebbe statu sceltu da a squadra di BARACK OBAMA per tuttu cio chi cuncerna i prublemi di l'america i piu impurtanti. No hè una macagna. Un appiate paura. U ci paghemu noi torna pendente 10 anni (o ancu di piu). Siate tranquilli. E zucche e ci lascianu a noi.

10.mandatu da Brucca u 2010-02-04 16:22
Un ci manca più chè issu tontu ind'è noi. O zitè, ditemi, ma perchè sbarcanu tutti ind'è noi, è in più bella, noi li femu e gnere????

11.mandatu da furmicuccia u 2010-02-05 00:07
torna appena è Plastic Bertrand era nant'à a lista di Corsica Libera

12.mandatu da mow u 2010-02-05 00:52
ùn si sà ancu si u nostru "people" à noi, Pascal Vivarelli, serà o nò nant'à a lista di i "mous".

13.mandatu da Tarzan di a vechja cità u 2010-02-05 08:16
Certe nutizie, saria com'è di veda Angelini annant'à a lista di Simeoni o peghju Baccarelli cù Filoni o ancu charles pieri 51esimu cù Corsica21...
Pocu e nerpie...

14.mandatu da estrimei u 2010-02-05 08:28
Tarzan di a vechja cità,
"o ancu charles pieri 51esimu cù Corsica21... "
mette buggie a mezu a a verità , he vullè sbaglià a ghjente.
stuzzicà , va bè ! mette he calumnie he indegnu.

15.mandatu da Tarzan di a vechja cità u 2010-02-05 09:54
Parlavu di corsica31 hè veramenta una calumnita ontosa

16.mandatu da michele ghjacson u 2010-02-06 02:15
finalmente ùn ci serà nè Clavier, nè Séguéla, nè JF Bernardini, nè Pascal Vivarelli

c'emu da fà cacà o ghjente sin'à marzu...

17.mandatu da Duttore mabbulu u 2010-02-06 10:24
Vivarelli u prugressistu "out" ? Cumu emu da fà ? Hè propiu una disgrazia per a Corsica. Tamantu muvimentu micca raprisentatu ...
Prupongu à tutti quelli lampati fora da ste liste di fanne una : "Corsica 51". Cù 51 persone di trinca, averanu dinù - di sicuru - u sustegnu impurtantissimu di i briagoni corsi. S'elli ùn anu ancu fattu un partitu, sò quantunque parechje millaie à vutà, s'è u vennari sera è soprattuttu u sabatu sera a ci facenu à fà campagna.

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter