Accueil
Envoyer à un ami
Version imprimable
Partager

U POPULU CORSU ÙN VOLE MICCA MORE

Suppa di musu pè Zuccarelli è a diritta. Risultatu storicu pè i naziunalisti.



U POPULU CORSU ÙN VOLE MICCA MORE
Sarkozy avia purtantu dettu chì "les nationalistes ne sont plus au centre du jeu politique".

Cù 28%, i naziunalisti anu fattu un risultatu storicu, battendu quellu di u 1992 cun più di 36.000 voti.

A diritta realizeghja anch'ella un risultatu storicu : 21,44 % di i voti. Mancu i più pessimisti l'avianu pensata. Camille de Rocca Serra si ritrova infine à a piazza chì hè a soia. U schjaffu di u seculu pè Camillou & Angie.

Emile Zuccarelli è Nicolas Alfonsi à l'orìgine di a règula di i 7% pè caccià i naziunalisti di a CTC ùn pensavanu mai micca pigliassi una rivista sìmile. Purtantu, torn'appena è sò elli chì ùn francàvanu a barra.

À rombu d'ùn pensà ch'è à i so interessi è à e so stacche, à forza d'ùn fà nunda pè prutege un populu, a so lingua, a so cultura, a so terra, quelli chì eranu à capu di a CTC si sò pigliati una rinfacciata cumu mai pensavanu piglià la.

A disfatta hè sopr'à tuttu quella di Rocca Serra è Santini, prumutori di u PADDUC, militanti di a nova-CFR, opposti à a l'officializazione di a lingua corsa, opposti à un statutu di "residente corsu", à l'evuluzione istituziunale, militanti di u sviluppu di u turisimu di bor'di mare è artigiani di a smarizione di u populu corsu.

L'insignamentu di stu scrutinu : U POPULU CORSU ÙN VOLE MICCA MORE !!!

Infine, soca ch'ellu hà da smarisce, ma più tardi ch'è prevista...

Luni 15 Marzu 2010
u webmaestru



1.mandatu da higins u 2010-03-15 11:28
28% senza piazze nè frigos à distribuisce...

2.mandatu da So eiu u 2010-03-15 11:49
So statu stunatu anch'eiu....sperandu che u sicondu giru sera ancu di piu peghju per CRS.O corsi un cappiate nunda!!!

3.mandatu da Zuccaru amaru u 2010-03-15 12:03
Dolu:
S'ampara cun assai tristezza a morte pulitica d'emile Zuccarelli, accaduta eri à 8 ore di sera.
L'intarru si ferà dumane, à sei ore di sera, in prefettura

4.mandatu da Renee u 2010-03-15 12:30
E viva corsica libera.

5.mandatu da Iè WE CAN !!! u 2010-03-15 13:09
Simeoni ghjunghje primu in :
- Portivechju (!!!)
- Arru
- Azilone Ampaza
- Bastelicaccia
- Belgudè
- Cagnanu
- Campu
- Carghjese
- Casaglione
- Cavru
- Corscia
- Cristinacce
- Cuttuli Curtichjatu
- Eccica Suarella
- Erbaghjolu
- Erone
- Lama
- Lecci
- Linguizzetta
- Lopigna
- Lozzi
- Marignana
- Moita
- Montegrossu
- Ochjatana
- Ogliastru
- Olmu
- Ortale
- Osani
- Pianu
- Pedipartinu
- Pe d'Orezza
- Petralba
- Poghju d'Oletta
- Poghju Mezana
- Porri
- Poghjolu
- Pratu di Ghjuvellina
- Quercitellu
- Riventosa
- Rusazia
- San Giulianu
- Santa Lucia di Mercoriu
- Santu Petru di Tenda
- Sant'Andria d'Urcinu
- Sari d'Urcinu
- Scolca
- Sotta
- Tavacu
- Ucciani
- Urtaca
- Ventiseri
- Veru
- Ville di Petrabugnu


Talamoni primu in :
- Altaghjè
- Ambiegna
- Balogna
- Barbaghju
- Cannelle
- Coggia
- Galeria
- Granace
- Loretu
- Lugu di Nazza
- Luri
- Maca Croce
- Pastricciola
- Rapale
- Roglianu
- Silvarecciu
- Tocchisu
- Urbalacone
- Villanova

6.mandatu da 40 di febbra u 2010-03-15 13:10
E par l'intarru un si scudaremu i fiori di zucca ...

O zittè , simu i più forti !

7.mandatu da paulu u 2010-03-15 14:07
Vistu i musi longhi di Zucca è Camillou, a scuzzulata l'anu avuta.
Hè ora di falla finita incù u clanisimu di diritta è di manca è ùn ci vuleria micca chì certi naziunalisti per una piazzatella à l'assemblea li dissinu a manu per impedilli d'annigassi

8.mandatu da Micca ci sò i indipendentisti solu in Corsica... u 2010-03-15 14:58
"Cù 28%, i naziunalisti anu fattu un risultatu storicu, battendu quellu di u 1992 cun più di 36.000 voti" Cumplimenti e avà fate pagà caru u vossu sustegnu à i partiti tradiziunali s'elli u vogliunu! W a Corsica, W u populu Corsu, W i populi da a Auropa, pace, salute è amicizia.


9.mandatu da milou in maghju u 2010-03-15 15:45
Ma chì piacè di vede a faccia di milou eri sera, si vidia chì l'omu biscava, sopr'à tuttu d'esse daretu à e duie liste naziunaliste.
Chì piacè !

10.mandatu da estrimei u 2010-03-15 16:38
o ghjente ! site rubbaccia!
un avete nisun rispettu per l'impieghi di famiglie chi si so fatte pianu , pianu.
se vo li cacciate u senatu , l'assemblea naziunale e a reggione , e a merria di Bastia , di che hannu a campà sti disgraziati?
mi dicerete chi u conte di Cala Purcinu ha u so pane assicuratu: dicenu ch'ell'he spezialisatu per purtà i malati!

11.mandatu da Carlinu Rocchi u 2010-03-15 17:23
Stu colpu li so falate a mutacchje. Era ora. A morte pulitica di u Zuccarellu, di Rocca Sera e di u Santini è in marchja.
Torna appena di curragiu per scarvercarli di u tronu induv'elli si pavaneghjanu dipoi tant'anni lascendu a Corsica sparisce pocu a pocu

12.mandatu da arrimbati u 2010-03-15 18:23
chi piace di vede u capu di zuccarelli eri sera...é l'analisi pulitiche sprupusitate d'anne marie N "chtefanie, c'est ma copine.." e dui ghjorni dopu "on va regler les comptes"...o chi piace..

13.mandatu da Tontu e Finu u 2010-03-15 19:05
A m'arricurdavà più di quella cacciata di Zarko...
Ellu dinù, un sarà stancu di perde a picculu mazzu ? ?

14.mandatu da Bambulu.. u 2010-03-15 19:30
Chi volenu di sti risultati, ch'ellu ùn ci hè più che 28 % di Corsi in Corsica???

15.mandatu da LLN u 2010-03-15 19:34
o Higins assai Francesi, arabi e portuguesi hannu vutatu pè Gilles...Chi a dettu chi tutti quelli chi stavanu qui eranu corsi, pocu patriottu què, più francesi che i francesi..ci hè di ché esse delusu...

16.mandatu da maestruccia u 2010-03-15 20:18
se vo sapete cuntà, issi risultati volenu ancu dì chì 72% di i corsi ùn sò micca naziunalisti ! Ùn vi ne scurdate o zittè...

17.mandatu da Xenoi.. u 2010-03-15 23:18
Micca 72 % di i corsi, 72 % di a ghjente scritta nant'à e liste, ùn hè listessa Maestruccia, hè quessa ghjè un prublema maiò, nigatu dà i capilista.....

18.mandatu da anto u 2010-03-16 08:43
Pensu chi Milou è ghjuntu a avè cio ch'ellu vulia cio è mette u so figliolu in ballu ,e a riescutu ,allora a fine di u clanismu un 'è pè dumani ,i clanisti seranu ghjustu appena piu giovani !!! Dunque dumènica prossima ci volè a fighjà cio chi si mette ind'ell'urna
http://anto.over-blog.org

19.mandatu da nuit bleue u 2010-03-16 09:58
O Bambulu, i calculi so facile,ci so piu di 300 000 habitanti in Corsica, i Corsi un so piu che 90 000, cio chi face a pocu pressu 30 % di a populazione.

20.mandatu da Marcellu di casamacciulinativu u 2010-03-17 14:34
@LLN, pensu chì u to cumentu ùn hè tantu astutu, o allora ùn aghju capitu nundà à a pulitica sti 30 anni scorsi, per mè ci hè 30% di voti naziunalisti è Gilles sara Corsu quante tè. Eiu so propiu cuntentu d'ave strappatu voti à diritta è à manca è chí e duie liste sippiinu riprisintate à u secondu giru. Ogn'unu hà pussutu sprimesi hè quessa a demucrazia. I veri Corsi ùn so mai stati razzisti è se tu pensi di si devi di sicuru esse nant'a lista di Tony Cardi. Per compie, ghjè sbagliassi di lotta chè di circà à intazzà l'unu o l'altru di i riprisintenti di u Populu Corsu. Sperendu chè u t'avisu scambiessi appena, tante salute

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter