Accueil
Envoyer à un ami
Version imprimable
Partager

Diritta in dirotta

Ritornu nant'à l'opera di a nostra diritta corsa st'ultimi mesi. In riassuntu : u Padduc, presentatu cum'è u ducumentu maiò di i 20 anni à vene cusì pessimu chì... ancu Sarko mette da cantu. Poca rinfacciata ! In più, Parigi ripiglia u cuntrollu di i prugetti di l'avvene di a Corsica. Vultemu 40 anni in daretu...



Diritta in dirotta
- Lugliu 2008 : u PADDUC : aspettatu durante parechji mesi, stu pessimu ducumentu essenziale pè a Corsica hè u fruttu di u travagliu... d'un cabinettu pariginu. Passemu nant'à i sbaglii, e "fautes de frappes" è i "copié-collé" di stu ducumentu chì duvia esse qualcosa di capitale pè i 20 anni à vene.

- Subbitu esciutu, u PADDUC face l'unanimità contr'à ellu : associ, partiti pulitichi, eletti, avisu negativu di u CESC ecc... A sucetà civile corsa s'hè mubilizata cum'è mai, è quessa ùn s'era mai vista !

- Aprile 2009 : Davant'à a e critiche è a zerga generale, segonda liccia pè a diritta corsa : un "PADDUC nouvelle mouture" hè prupostu cù e rimarche di u CESC è di u Conseil des sites. Poche nuvità, sempre listessa visione di u sviluppu di 30 anni fà : sviluppà l'ottelli, u turisimu di bor'di mare.

- Malgradu quessa, u CESC dà torna un avisu negativu, l'associ ùn si calmanu micca, parechji eletti dicenu ch'elli vuteranu contru.

- Ghjugnu 2009 : vene u ghjornu di u votu à l'Assemblea di Corsica. Surpresa ! Spaventati da l'idea di un fiascu maiò, a diritta caccia u votu di u Padduc da l'ordine di u ghjornu.... Ci spiecanu chì : "nous le retirons du vote et il sera l'enjeu des prochaines territoriales !"

- Ferraghju 2010 : Dunque, u Padduc hè diventatu "l'enjeu" di e territuriali di marzu 2010 è u prugramma di l'UMP. Ma una surpresa nova ghjunghje cun a visita di Sarkozy di ferraghju : u presidente di a Ripublica mette u Padduc à a rumenzula, ùn si ne parla più ! Dice ch'ellu ùn hè micca un bon travagliu, micca cumpattivule cù u "développement durable"...

Poca rinfacciata !

Ma Sarko ci spieca ch'ellu ci vole quantunque à vutà per quelli chì anu purtatu u prugettu...

U presidente dice dinù chì Parigi ripiglia a manu nant'à i prugetti di sviluppu di a Corsica. 40 anni di lotta per avè un sùppulu d'autonomia, o piuttostu di decentralizazione chì vènenu di smarisce.

CCVD ! (ciò ch'ellu ci vulia à dimustrà...)

Luni 8 Marzu 2010
Ghjuvan'Ghjuvanni



1.mandatu da JR u 2010-03-08 16:35 (da un teleffuninu)
Bravu o ghjuvà ! Sta diritta ghjè un scumpientu

2.mandatu da estrimei u 2010-03-08 16:49
ma i piu numerosi so elli !
s'omu mette inseme tutte e liste chi, di fatti ,so a diritta , hanu piu che a maggiurità.
a scorsa assemblea di diritta avia a maggiurità, ancu si certi eletti si mascheravanu di chjaraginu

3.mandatu da P 08 u 2010-03-08 18:28
O ghjente diritta o manca hè listessa affare, a pulitica ghje guasi simile, so u bracciu dirittu e u bracciu manca di a repubblica culuniale, ùn cridite troppu inde Giacobbi..chjaraginu fora, biancu nentru e sopratuttu CFR dà cima in fondu quandu pensu chi Naziunalisti li face cunfidenze e vuliani l'Unione incu ellu...!!

4.mandatu da iè we canistrellu u 2010-03-08 18:40
iè, ai ragio o "P", ma pensu chi l'articulu era pè sottulineà l'incumpetenza è a cunneria di quelli chi so à u pudere è chi ancu Sarkozy hà ghjucatu à a risa.

avà di sigura chi Paul Emploi di Venacu ùn hè micca megliu

5.mandatu da Dumè u 2010-03-09 10:20
In tempu di i "Babbi", a "pulitichella" ghjèra un affare di putere, mica tantu di soldi. Avà, incù i "figlioli", a "puliticaccia" ghjé veramente un affare di "soldi grossi"... . Pè parlà cume ind'u sò rughjone : "Cumm'iddu hé beddu Cameddu incù u sò tilifuninu !!!"... .

6.mandatu da zuzzicabugnu u 2010-03-09 10:40
I più scemi sò quiddi chi ani datu fedi à i discorsi di a francia è di i so sbirrachjoni corsi. Tuttu cio chi a francia ha datu hè stata furzata di suttimessa si à i lotti di u populu corsu ;oghji dino hè a stessa cosa è quiddi chi pensani ch'iddi ani à pudè cambià qualcosa fendu alleganza cu i predaghji sò o sviciarati o dissunesti

7.mandatu da estrimei u 2010-03-09 11:56
si scimitu ,o Dumè ?
ancu tandu , a pulitica empiia e stacche di quelli chi a fecianu ; di tutti ma quand'omu era accantu a quelli chi tenianu u manicu era divizia.

8.mandatu da Marcellu u 2010-03-09 13:23
Eiu pensu chì à nostra diritta hè a piu forte : a francia hà circatu à sluccalisà tuttu dapoi 30 anni è camille è ange so ghjunti à fà scambia tuttu è oghje tuttu si passà da pariggi. Devenu lacà i so ciarbillucci quassu o mancu so chieti in Corsica. In piu di u padduc è di u pei ùn ci hè ch'à vedde cum'ella hè stata fatta a so lista, à colpi di petit-fours...

9.mandatu da Carlinu Rocchi u 2010-03-09 13:51
Ma "o zitelli" rendidevi contu:
A Corsica è a regione chi a u piu debitte di tutte e regioni francesi: a mezzana per abitente era 154,8 Euros in 2004. In 2008 è di 216,4 Euros.
In piu di quessa a regione di Corsica è quella induve e spese di funziunamentu so e piu alte e quelle d'investimentu e piu basse.
Certu, l'impositi so i piu bassi ma, o figlioli, induve andemu? E hannu a predensione di cuntinua a stu passu? ma volenu mette a Corsica piu bassu che terra! Chi bergogna!
Chi i nostri giovani di "femu a Corsica" mettinu a elli sottu terra.

10.mandatu da anto u 2010-03-09 14:44
Salutè .Si U PADDUC éra a sola cunéria di a squadra chi era a u cummandu ancu tantu ,ma chi nè pensate d'issu trènu chi ghjè rotu prima d'esse statu messu in marchjia !Tamantè manghjerie .E po i gendarmi chi curanu a Clavier di poi un annu e mezzu vi si pare nurmale ?
Lampèmu li tutti fora , so tutti manghjioni chi un pensanu chè o suldacciu .
http://anto.over-blog.org

11.mandatu da estrimei u 2010-03-09 16:17
o Carli ,
se tu faci u calcullu d'estate vierai s'ella colla a mezana !
avà se tu un pigli che i corsi , ha da fallà ancu di piu !
oghje a Corsica un he piu fatta pè i corsi ! tutti soli publichi so messi a prò di dimerchje induve noi un c'avemmu guasi nunda a tirà (u turisimu , a "culture "). -un c'he a "prime à la vache " chi quessa he data da l'Auropa a nepochi di scrucconi chi un sanu che fà girà u 4X4.-
aemu bisognu di una pulitica naziunale , per permetteci , in casa nostra , di puè campà cume ghjente degna.

12.mandatu da Carlinu Rocchi u 2010-03-11 10:28
Salute,
Nant'a u situ di "Femu a Corsica" Un c'hè manera d'abre a pagina di u cumitatu di sustegnu per pude scrivesi.
O "estrimei" si tu ai a chiave damila per piace.
Ti ringraziu o amigu

13.mandatu da Petit-Pottam u 2010-03-12 22:18
Frà tempu, a manca, in Francia ùn isista più. U PS ùn propone nudda, u PC ùn hè cummunistu. A manca hè : arabi, vinite ind'è noi ! ùn si critica cà u guvernu, ma micca a populazioni ...

14.mandatu da l'altu silenziosu u 2010-03-13 12:13
salute,
Dinù st’affare di PADDUC !!!! St’idea di pulitichi ch’annu maï pensa a u populu corsu, ma più tostu a e so’stacche. U PADDUC ghjé un affare listessa a quella di a SOMIVAC di 1958. Avà hé ore che i corsi piglianu i so’ dirrtiti nant’a a so terra, e di caccia stà roba di francesi e di corsi venduti chi volenu messe a terra corsa più bassa che terra e scrucà u so populu. Primu faccemu i corsi doppu femu a Corsica cù una pulitica unita ! Ma si a manca passa a Corsica sarà pienna di strangeri, alora che noi avemu bisognu di travagliu e di e case HLM per i corsi i più disgraziati. Ma a situazione ghjé u populu chi a vutate ! simu veramente scemi.

15.mandatu da Bambulu.. u 2010-03-13 18:07
A Diritta, una Corsica pè i ricchi strangeri, a Manca una Corsica pè i strangeri poveri e i Naziunalisti, appena i duii.....!!!

16.mandatu da CADENA bat 1 u 2010-03-14 14:35
a peghja diritta ind è u mondu !!! cihi ci vole di piu simu i primi ; per una voltaun diceranu piu " la CORSE est en derniere position"

17.mandatu da U Bastiacciu u 2010-03-14 17:57
Simu d'accordu pè parlà di a diritta corsa cum'è a peghja diritta di u mondu mà sta diritta hè assai in piazza ( Merre etc... ) Dunque parlemu male di sta diritta, nimu hè cuntentu m'à ci n'hè assai chi votenu pè elli !!!

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter