Accueil
Envoyer à un ami
Version imprimable
Partager

Insulte è ghjesteme in corsu

È voi, chì hè a vostra insulta o ghjestema preferita ?



Insulte è ghjesteme in corsu
Rassicuremu in furia in furia quelli chì penserianu chì st'articulu saria un incuragimentu à parlà di manera sporca è scrianzata. Nò, si tratta solu d'interessacci à e ghjesteme è à l'insulte in lingua corsa, tante ch'elle sò nùmerose è ricche.

Eppo, hè sempre megliu di sfugassi è di mughjà in corsu ch'è di lampà un "rodidon puton merdeuh..." nò ?

Una ghjestema (o ghjastema in Corsica Suttana) si traduce in francese da juron, blasphème è imprécation. Allora eccu quì una piccula selezzione ch'è vo pudete arricchisce scrivendu un cummentu. E più belle seranu publicate in u prùssimu nùmeru di A Piazzetta induve ci seranu dinù e ghjesteme preferite di qualchì persunalità...

Vai à fatti leghje ! A spiegazione hè chì quellu chì si face "leghje" hè spiritatu (possédé par le diable) è ch'ellu hà bisognu di fassi scunghjurà (exorciser). U prete chì in i tempi scunghjurava leghjia e parolle nant'à un libru chì si mettia sopr'à u capu di u malatu... L'avete vistu u filmu L'Exorciste ? Eh bè custì hè listessa.

Per definizione, una ghjestema mintuveghja a religione : Cristu ! Signore ! Ghjur li chjodi ! (di a Croce di Cristu...)

Parechji sò e ghjesteme cumposte cun "sangue" : Sangu lu Cristu ! Sangu la Madonna ! Sangu la Miseria ! Sangu lu Tonu ! Sangu lu porcu ! Sangu lu Satanassu ! Sangu lu Macumettu !

In u libru di Sebastianu Dalzeto u babbu di Pesciu Anguilla mintuveghja a ghjestema aiaccina Par lu porcu mundacciu !

Insulte è ghjesteme in corsu
Un'altra manera di ghjestimà hè di falla per eufemisimu. Si trasfurmeghja u nome ghjestimatu. Per esempiu Per la madoscula ! invece di Per la Madonna ! O ancu Cristallacciu latru per ùn avè micca à insultà à Cristu.

Cunniscite tutti a fòrmula ch'è tù... chì permette assai spressione varie è ricche, ben'chè a sorte bramata sia sempre a listessa. Tutte amentanu a morte :

Ch'è tù sbotti (que tu éclates)
Ch'è tù sprufondi
Ch'è tù schjatti cum'è una fasgiola !
Ch'è tù imbuffi !
T'impàlini !
Ti portini in quattru !, Ch'elli ti mettinu u custume dumane ! Ch'è tù esca di a to casa à pedi in davanti ! traducenu listessa idea...
Ti facini un teghju ! (vale à dì una sepultura).

In Corsica suprana a ghjestema "ch'è tù sia" si prununzia "ch'è tù scia" :

Ch'è tù scia cecu
Tù scia manghjatu !
Tù scia fucilatu !
Tù scia arrabbiatu !
Tù scia brusgiatu !

Quale ùn hà mai prununziatu ch'è tù crepi ? o megliu : ch'è tù crepi a bocca aperta ? Per cambià, pudete dì dinù :

Ch'è tù brusgi !
Ch'elli ti piccinu e cerbelle !
Ch'è vo stèrpite !
Ch'ù tù cunnosca fame nera !
Ch'ellu ti ghjunga Morand ! Ci manda à l'epica quandu u generale francese Morand facia tumbà, imprigiunà è brusgià paesi sani.
Cerbelle à manate !

Farrandu Ettori cita un bellissimu Ti manghjini i corba (o i ghjacari) in u vangaronu ! è dinù Ch'elli ti stinzinu i pidochji !

Una prigantula di Sant'Andria ch'ellu si dice à i minuti chì ùn rigalanu nunda face : Ch'elli ti venghinu zini in culu quant'ellu ci hè petre in stu muru.

Ch'ella s'imprunichisca a to casa ! ci manda à u peghju ch'ellu possi accade in Corsica : a fine d'una sterpa, d'una famiglia.

E spressioni Civa ! Trippa ! o Piola ! s'impieganu in u sensu di "bien fait pour lui !".

In quant'à l'insulte, a lista hè longa :

O piduchjò !
O mignòculu !
O faccia di merda !
O cughjò !
O mullizzò !
O catinu !
O closcia !
O ciavatta !
O canacciu !
O piduchjò !
O lonzu vestutu !

Di siguru, insulte è ghjesteme nove sò inventate ogni ghjornu è mudernizate. Avemu digià intesu :

Ch'ella ti venga a cacarella è micca PQ !
Ch'ellu ti venga u chauffe-eau défectueux à tè è à tutta a to famiglia !

Nunda c'impedisce d'altronde d'inventanne nove :

Ch'elli ti lampinu à u MEDEF.
Ch'ella ti venga a faccia di Paul Natali !
Ch'è tù ti disceti cù u nasu di Jean-Christophe Angelini !
Ch'ella ti venga a chigna d'Emile Zuccarelli !
Ch'è tù porti u catogan d'André Paccou tutta a to vita !
Ch'è tù finisca à l'UMP !
Ch'è tù porti u képi !
Ch'è tù fessi l'apperitivu cù Jean-Jacques Panunzi è Marcel Francisci tutte e sere sin'à a to morte !
Ch'è tù scia lampatu à Fukushima !
Tù scia plasticatu !
Ch'è tù ghjochi in Mafiosà cù Moundir è Joey Starr !
Ch'ellu ti venga Etienne Daho !
Chì a to casa di paese diventi a résidence secondaire di Brice Hortefeux !
Ch'ellu sia Franck Ribéry chì porti a to cascia !
Chì a to mamma finisca à Confessions Intimes nant'à TF1 !
Ch'è tù ti chjami Kévin !


Avà tocca à voi. Ghjastimate puru lascendu un cummentu !

Insulte è ghjesteme in corsu

Insulte è ghjesteme in corsu
Da leghje dinù :

Chì tù sia... : Petite anthologie d'imprécations et autres souhaits venimeux di Paul Milleliri (Albiana)

Anthologie des expressions corses di Fernand Ettori (Rivages)

Injures corses, Araziolu è Pierrick Juin (Albiana)

Insulte è ghjesteme in corsu

Insulte è ghjesteme in corsu

Insulte è ghjesteme in corsu

Insulte è ghjesteme in corsu

Insulte è ghjesteme in corsu

Marti 19 Aprile 2011
U Sgaiuffu


Da u più recente à u più anzianu | Da u più anzianu à u più recente

77.mandatu da custera u 2011-12-28 11:25
chè tù brusgi in infernu !

76.mandatu da Panzotta u 2011-12-22 06:56
Bonghjornu, eccu qualchi insulti è ghjastemmi chì sò stati intesi in i tempi:

Dui vechji chì si litticaiani:
"-Tocca mi ghjà, tocca mi ghjà, par veda !
- Incu ti tocchi la beddula !"

"Incu t'acciacchin'eddi, ch'elli t'acciacchini !"

"Incu ti si magnani i ghjagari und'ocu !"

"Incu ti ghjunghini eddi incù'a forca !" (ghjunghjìani quiddi chì s'erani tombi in muntagna lienduli à un vittonu, o un picculu fustu, chì facia cum'è una forca, li mitìani u cappu in a mità, è i purtavani in paesu cusì).

"Vai à strappati u coddu !"

"Vai à trapentàti !" (trapentàsi vò dì lampàsi ind'un ripalonu)

"Chè vo còmpiiti !"

"Chè tù fermi tù impulintatu !" (si pò rimpiazzà impulintatu incù uncottu, ò scatusciatu)

"Porca buchja nera !"

"Diavuli porcu !"

Par l'insulti, c'erani pochi, i strufetti:

-i peghji, erani cuiddi par trattà à qualchisia di bastardu:

"O bastardò, u fiddolu di quali tù sè ?"

"O, u fiddolu di centu cazzi !" (ma chì beddezza, o ghjenti ! :s)

"O, u fiddolu di u pretti !"

"Ma chì hè, a to scanorsa ?" ( una scanorsa hè qualcosa di peghju ch'un cattivu razzinu, ma st'insulta hè da piddà piuttostu in u sensu di cattivu spiritu).

- i brutti:

"O luzzinò, sè carcu di lozzu !"

"O muddizzò!"

"O curtecciò"

"Sorti me da cui, o puzzicò, chì mi dà u schivu !"

- i grossi:

"O loccu !"

"O pangrassò !"

"O grossu pienu di pulenda!" (listessu chè "O pulindò!")

"O panzò"

- altri insulti:

"O briacò",

"O, l'abreu chì tu sè ! " (vò dì ch'ùn faci chè tuntie)

"O latrumbò"

"O spirichettu"

"O buiò"

"O vigliaccò"

Bon, bastarà par oghji, chì ùn mi n'invengu più di tuttu u restu. Niente chè par sta sorta di paroli, a noscia lingua hè cusì ricca, hè qualcosa ch'ùn ci'ò micca à perda, ancu l'insulti, sò roppa di patrimoniu^^. Vi feliciteghju pa' u vosciu situ, à prestu.

75.mandatu da piascadore u 2011-12-21 14:39
Vi site scurdatu di " o basettu", assai impieghatu in Bastia.

74.mandatu da ORSINI u 2011-12-05 15:40
Vi ne manca una, una bella curtinese, pè e donne : "Ch'ella si sechi a to muzzaccia !"

73.mandatu da Nunziu-Francescu Colonna u 2011-10-26 20:14
Tu sia nannitu ! ( que tu te transformes en nain ! ).

72.mandatu da Pietro Mastroleo u 2011-10-15 11:31
Ovunque(Corsica compresa), non c'è limite al peggio. :)

71.mandatu da mijagavignaninca u 2011-10-13 11:34
in Corsica un si gjhasteme micca nanti i morti !!
Qu'essè so parulacciè arabè qu'ellu si sente indè è "banlieues pinzute!!!!!
salute a tutti

70.mandatu da Pietro Mastroleo u 2011-10-13 01:01
Veramente niente male il vostro repertorio. Anche qui da me, in provincia di Lecce, le raffinatezze in tema di bestemmie non mancano. Ne elenco alcune non perchè abbia voglia di bestemmiare ma solo a titolo di conoscenza. Dio mi perdoni.
- Sangu te l'ostia
- Sangu te l'ostia cunzacrata
- Mannaggia la quinta pinna, te l'ala sinistra, te lu Spiritu Santu
- Cu butti lu sangu (che ti venga un'emorragia)
- Cu butti lu sangu a canali (che ti venga un'emorragia a fiumi)
- Te pija nu toccu (che ti pigliasse un ictus)
- Toccu cu te pija e cu te sbatte (che ti venga un ictus da farti rimanere stecchito)
- 'Na paralisi te pija
- Li morti toi
- Li morti toi squaiati (squaiati = sciolti, in questo caso polverizzati).
Ve ne sono tantissime altre ma mi fermo qui; essendo un credente, ho osato sin troppo. Un saluto a tutti.


69.mandatu da ghjustizia u 2011-09-25 03:27
vai e caca e sciacali un ticciu

68.mandatu da mijagavignaninca u 2011-09-24 11:27
mi campù di leghjevi !!!!
vogliu portà a mio petra a l'ediffissu... mamonna dicia : ch'elle t'agrunthjinè e mane quandù eo feccià una malfata
ma quand"ella mi venè di ghjestima à ma preferita e putana checca
salute a tutti

67.mandatu da Beconcini u 2011-09-14 09:26
o cughjo
ti puzza u culu

66.mandatu da DOMINICI u 2011-09-12 21:16
ch'ella ti ghjunghje a setta è chè tu un trovi micca acqua par beie

65.mandatu da marieddu u 2011-09-08 02:36
Sono gli stessi del sardo!!!!

64.mandatu da giulio u 2011-08-23 11:27
sangu de l'ostia......
ha ha ha ha ha

63.mandatu da calina u 2011-07-28 00:02
Ghjustu per infurmazione , babbone m'avia datu un antra significazione per : "Vai à fatti leghje!" Anime debule attente ! In li tempi si cunsultavanu i maghi per cunosce l'avvene e quelli u leghjivanu in li ventri di l'animale , "Vai a fatti leghje!" vale à dì "Vai a fatti strippà!" Iscia !!

62.mandatu da tralonca on the rocks u 2011-06-21 20:23
O Balisgia, o balisgiò
O baullu, o baullò
O cacatu sumerinu, mi face ghjunghje u vòmitu, m'arreghi u vòmitu !

à i rancichi : o rancicu, o rancicone, o rancicò, o topu, o minutu

o piduchjò

o trapanatu, o strampalatu, o simpliciottu, o scruccò

chì mantacatu (= scemu)

scemu compiu !

assassinu !

intesu dinù : "o pubellò !'

rompicuglioni !

chì rubaccia !
chì narpia !

o merdò, o muccicò ! o valisgia !

Palu à fasgiolu (si dice di qualchissia di grande)

SACCU DI MERDA !

61.mandatu da saveriu u 2011-06-20 22:03
O faccia arrubata!!!

60.mandatu da Grossu panzutu u 2011-06-06 16:27
Senza scurdassi di l'eternu: "O baschicciu che tu si!!"

59.mandatu da TAZZACARNE u 2011-06-03 00:34
ch'ellu ti colli Alain Orsoni
tù finisca ind'è Ruquier
ch'ellu ti venghi Georges Tron cù un paghju di mocassins
tù scia prefettizatu
o purcellò
o faccia d'angoscia
o faccia à pulenda
o faccia à pattoni
o faccia à peuneu
vai à cumpratti un caleçon pull-in
o bunapartistu
o testa di poutine

58.mandatu da GHJUVAN PETRU u 2011-04-30 06:57
che tu crebi e queilli ti taglinu a pezzeti e lampati per velenu e i topi !!!
chelli di leinu
putana miseria inculata
Che tu brusgi a legne verde
che tu vagui in pulvina
che tu cha (sia)santu!! o cegu !! o benedettu!!scabatu!! beatu!!
entrimi a quellu logu !!
quelli ti enterrinu senza prete!!
luba!!!

putana legge!!
va e pigliatila in culu cume u prete di viscuvatu
,,,,,,,,,!!!!!!!!!!!!!!

57.mandatu da francescu u francese u 2011-04-28 02:23
o cughjò !
o salcicciò !
o mignòculu !
o gaulois !

56.mandatu da lulla u 2011-04-27 18:18
Cumu dicìa u mo caccaru : O manghja merda !

55.mandatu da sasha u 2011-04-27 10:39
Entrimi in culu!

54.mandatu da sasha u 2011-04-27 10:38
Ch'ellu ti venga un cancaru è purtati via!

53.mandatu da Carlo Leonardi u 2011-04-26 14:51
Quessa 'un ghjè corsa ma de e mie parti (u sud de l'Umbria):
"Che te pijasse un corbu a te e a chi t'allaccia e scarpe a matina".
Saluti

52.mandatu da carghjese u 2011-04-24 16:21
à i panzoni si dice O pulindò!

51.mandatu da nounours2b23 u 2011-04-23 12:58
Per me ci saria : " Che tu scia sudumisatu da Mouss Diouf tutta a serata."

50.mandatu da sasha u 2011-04-23 10:22
Più semplice che té gesùincroce: Ch'ellu soffji cazzi! quand'ellu c'hé troppu ventu.

49.mandatu da gesuincroce u 2011-04-22 20:56
O faccia à Derrick.....O porta pantaloni.....O faccia à Sopalin.....O sbonda casgio...

48.mandatu da gesuincroce u 2011-04-22 20:50
è què cumu a sentite cù st'acquaccia di merda chi impedisce e prucessio di sorte: "ch'ellu piovi cazzi è ribumba in culu à tuttu u mondu...bone pasque à tutti

47.mandatu da saveriu u 2011-04-22 15:16
Sangu lu sacramentu.

46.mandatu da dondiegodellavega u 2011-04-21 20:34
Tù scia inculatu dà Fanfan Vendasi !!!!!

45.mandatu da fiumorbacciu u 2011-04-21 12:24
porcu putana cazzu goba miseriaccia che ti manghji un topu Ch'ella ti ghjunghi a cacarella

44.mandatu da estrimei u 2011-04-21 11:52
inde noi : vai e tirati dui salti

43.mandatu da Merdusò u 2011-04-21 11:11
Ch'è tu scia sprufuntatu !
Per la Madoooonna !
Christacciu !
Faccia di scrachju !

Chi piacè du parlà cusì :)

42.mandatu da circinelludiguagnenativupèliguagnesusosanguaversatu u 2011-04-21 11:03
u me preferitu:
" vai à fatti trè salti ! "...

41.mandatu da sasha u 2011-04-21 10:31
A mo' caccara dicia: " che tu scia ceca è orba"

40.mandatu da Sam Buccuc-Dalandeaux u 2011-04-21 00:28
O testa di cazzu!, Vai à fatti un giru à u sole
Vai à fatti leghje

39.mandatu da mamone u 2011-04-20 21:55
Mamone diciva : "che tu cha spertivicatu(a) ,che tu cha ceccha; chi lu ti gjiunghi u pirivivi ,chi tu cha ceccha ,chi tu sia sbrambagha ,chi tu voga a bolle inde a pecce ...e tante belle cose!!!!

38.mandatu da Lavinia u 2011-04-20 19:42
In a prigantula di Sant'Andria, si dici ancu: " Chì vo t'abiiti tanti chjirchjoni, quantu eddu ci hè peli in u piloni..."

37.mandatu da ANTO u 2011-04-20 14:42
Quella chi m'hè sempre parsa a piu terribile hè "chè tu varga errante " e qualchi volta si agghjusta "cume a cascha di Magumettu "
http://www.blog-anto.be

36.mandatu da sasha u 2011-04-20 12:59
è quessa dino': "che tu sterpi!"

35.mandatu da Grossu panzutu u 2011-04-20 12:52
Ti caschinu li capelli d'una maladetta ghigna!!

34.mandatu da sasha u 2011-04-20 12:47
è quessa nino': "che tu sterpi!"

33.mandatu da sasha u 2011-04-20 12:45
Site propiu eccessiunali, vi leghju spessu, micca quant'eiu vuleria... U corsu che vo' parlate e scrivite ghjè quelu chi m'hé statu imparatu da a mo'caccara è nunda che pe' quessa avete tutta a mo' simpatia, senza cuntà è vostre macagne chi so' da more di rise. Vi ringraziu pe' issi mumenti meravigliosi che vo' mi date è un' risigheghju micca di mandavi à favvi leghje!

32.mandatu da Cathal Brugha u 2011-04-20 12:12
Ch'ellu sprufondi Mahomet !

31.mandatu da Enrico u 2011-04-20 11:58
Ahahahhaha ghjà bastani li ghjastimi chi lampu in Gadduresu... Abà meddu è meddu in Corsu!!!

P.S. Chi ni falessia l'alcu di l'aria!

30.mandatu da tachepuntaopuntetachaunsoghupiu u 2011-04-20 08:52
...un sa mancu indu piscia a capra !

29.mandatu da Alanu u 2011-04-20 02:20 (da un teleffuninu)
Ch'ellu ti venghi Ange Fraticelli

28.mandatu da Alanu u 2011-04-20 02:12 (da un teleffuninu)
Chè tù finisca giacubbistu

Chè tù scià manghjatu da Jean-Guy Talamoni

Tù scià imbusciatu da Panunzi

1 2
Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 10.000 à avè l'applicazione per iPhone

Site più di 10.000 à avè l'applicazione per iPhone
Eccu, sò più di 10.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter