Accueil
Envoyer à un ami
Version imprimable
Partager

Chì fà pè a "journée de la gentillesse" ?

U 13 nuvembre hè a "journée mondiale de la gentillesse". S'è vò ùn sapete micca cumu esse bravi, eccu unepoche di pruposte.



Chì fà pè a "journée de la gentillesse" ?
A ghjurnata mundiale di a bravezza esiste avà dapoi parechji anni è casca u 13 nuvembre. Allora cumu fà ?

1. Oghje, ùn insulterete nè arbitru, nè "juge de touche" : Casca bè, ùn ci hè micca partite di futbol nè in Furiani, nè in Timizzolu, nè in Mezavia. Ma sapete bè chì l'arbitri francesi sò i peghju di u mondu.

2. Ùn tumberete à nimu : In Corsica si ponu tumbà e donne, i babbi di famiglia davant'à i so figlioli, u ghjornu di Pasqua... Ma oghje, speremu chì voi, amichi maffiosi chì leghjite A Piazzetta, ùn caccerete micca u galibre.

3. Serete bravi cù i turisti : Casca bè, sò tutti partuti.

4. Averete un surrisu per tutti oghje : Cù u vostru patrone azezu, cù i flicchi chì v'arrestanu in vittura, cù l'antipaticu chì vi vende u pane. Nò, quantunque micca cù i flicchi...

5. Ùn dicerete micca male di u vostru elettu : Puru s'è vo pensate ch'ellu hè una narpia, dite ch'è vo vutate per ellu. È fate ciò ch'ella vi pare in l'isoloir.

6. Micca ghjesteme oghje ! Nò, ùn mughjerete nè sangu lu Satanassu ! s'è vo riuccate u vostru caffè nè ch'è tù scia manghjatu da i topi ! quandu senterete parlà à Nicolas Alfonsi à a radio. Micca oghje.

7. Serete bravu cun Magno Novaes s'è vo u cruciate : Sì Bastia hè una di e peghju difese d'Auropa, ùn hè micca solu colpa soia, nò ?

8. Ferete "l'appels de phare" nant'à a strada s'ellu ci hè a pulizza : D'altronde, saria ora di falla sempre quandu vidite i gendarmi.

9. Create una sezzione lucale di u "Mouvement mondial pour la gentillesse" : Iè, u "Muvimentu mundiale pè a bravezza" esiste dapoi u 1997. Ci n'hè chì ùn anu veramente nunda à fà.

10. Eppo s'è vo avete decisu d'esse azezi, trippa !

u 12 di Nuvembre 2012



1.mandatu da Petru III u 12/11/2012 23:43
Ch'avete torna contr'à Jean Guy ?

2.mandatu da a capra u 13/11/2012 11:56 (da un teleffuninu)
Cantamè u tipu a depusatu u nome e si tocca qualcosa ogni volta chi qualchisia dice "jean Guy". un po esse che cusi ao per ave sempre su nome in bocca o allora ghje una macagna à ellu solu....

3.mandatu da planplan u 13/11/2012 15:28
ae chi hè una macagna ao...

4.mandatu da Aziz Ume u 13/11/2012 16:18
Ci vulerebbe à fà una ghjurnata "ùn siate micca bravi cù i Francesi"

5.mandatu da Stonclette u 13/11/2012 16:24
Ci vole à fa à ghjurnata " i corsi patroni di à corsica"

6.mandatu da Laura u 13/11/2012 17:55
Sò brava da un capu di l'annu à l'altru.

7.mandatu da ghjuva u 13/11/2012 20:00
eu un so micca bravu incu i frencesi....chi peccadu!

8.mandatu da Linguatorta u 14/11/2012 11:13
A bravezza cumencia à faticà mi chì aghju l'impressione d'esse sempre pigliatu per l'imbecile di serviziu mentre chì i rompi stacche ùn c'hè nimu chì i cerca. Ma quantu à mè u rispett ghjè hè fattu per i coni è e rubaccie ?

9.mandatu da aiotuttiifratelli u 14/11/2012 15:34
A Bravitudine ha dettu quella......

10.mandatu da Linguatorta u 14/11/2012 18:32
Un altru dicia à gentillezza !

11.mandatu da Ulongu u 16/11/2012 11:13
Eiu vulia mandà à cacà à qualchissia ma ùn ci sò micca ghjuntu è mi dispiace.
Serà per cust'annu chì vene.
È per e so seratacce Beaujolais di merda aghju betu whisky, nunda chè per cuntradizzione !

12.mandatu da gerome u 18/11/2012 10:43
U tipu à a destra (Camisgia e cravata turchina) un serà micca u fratellucciu du Manu Valls ?

13.mandatu da Mac u 13/01/2013 17:24
Io in Corsica sono sempre stato trattato come un re!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta