A playlista corsa di San Valentinu

Eccu una playlist di i canti corsi d'amore, senza Whitney Houston.

U lagu di Bastani, sott'à Monte Rinosu

Ci dicenu spessu ch'è no semu azezi è gattivi nant'à A Piazzetta. Allora pè scambià appena è pè festighjà à San Valentinu, eccu a nostra playlista di canzone corse d'amore.

Và bè, mancanu parechje belle canzone è tanti gruppi, ma ci vulia à fà una scelta... è tocca à voi à cumplettà !

Per quelli chì ùn facenu a San Valentinu, li ferma a San Ballantine's.

Ghjuvanpaulu Poletti - Di tè

Siguramente una di e più belle di JPP.

Ghjuvanpaulu Poletti - Di tè.mp3 (3.25 Mo)

I Surghjenti - Ricordu

Sta canzona hè diventata unu di i più grossi successi di a musica corsa... è di i mittunelli chì volenu fà i macchi cù e zitelle.

L'accordi (DO / SOL / LA min / MI min / FA / DO / SOL) permettenu à n'importa chì scurnachjone cù una ghitarra di pudè truvassi una zitella.

Tony Toga - Furtunatu

L'altra grossa canzona corsa di lover.

Tony Toga - Furtunatu.mp3 (2.54 Mo)

I Muvrini - Amareni

Musica di Ghjanfrancescu Bernardini è parolle di Ghjacumu Fusina. Una di e più belle canzone corse di l'universu.

I Muvrini - Amareni.mp3 (5.51 Mo)

Carlu Rocchi - Minicola

Un certu Mattei di A Nuvale era innamuratu di Minicola d'Ampriani è li fece sta bella canzona.

Carlu Rocchi - Minicola.mp3 (2.03 Mo)

Carlu Rocchi - Canzona pè Maria

Tutti quelli chì sò stati innamurati d'una Maria sò stati in depressione nant'à sta canzona.

Carlu Rocchi - Canzona per Maria.mp3 (5 Mo)

I Muvrini - Inseme

Tamantone slow di I Muvrini. Ma i slows ùn esistenu più.

I Muvrini - Inseme.mp3 (8.44 Mo)

Carlu Rocchi - Brunetta

Bellissimu lamentu tradiziunale di Rusiu.

carlu rocchi - brunetta.mp3 (2.92 Mo)

A Mannella - Francesca Maria

Cumu ? Ùn cunniscite micca A Mannella di Corti ?

a mannella - francesca maria.mp3 (2.79 Mo)

Cor di pantera - I Chjami Aghjalesi

Bon, e storie d'amore ùn finiscenu micca sempre bè in generale, ma quessa a sapete...

Cantu tradiziunale interpretatatu da Carlu Rocchi, eccu quì a versione di I Chjami Aghjalesi.

Chjami Aghjalesi - Cor di pantera.mp3 (2.38 Mo)

Cinqui sò - N'a funtanedda

Ind'i tempi ùn s'andava micca à L'Acapulco pè truvà e donne, ma à a funtana di u paese.

Cinqui sò - N'a Funtanedda.mp3 (5.3 Mo)

Cuntrastu di u Strampalatu

Nanzu d'esse un'emissione di France 3 Corse presentata da Jean-Vitus Albertini, un "cuntrastu" era una forma di cantu impruvisatu, induve un omu rispondia à una donna. Eccu unu di i più belli cuntrasti chì fubbenu arregistrati.

Hè statu scrittu da un pianellacciu, Ghjiseppu Pietri dettu U Strampalatu. L'interpretazione di Marcu è Òrsula Leoni di E Piazzole d'Orezza in un discu esciutu in 1958 (Le Chant du monde) hè una maraviglia.

Cuntrastu di u Strampalatu.mp3 (3.92 Mo)

I Muvrini - Dì

Altru successu maiò di I Muvrini.

Dì...
Tuttu hè finitu ti ne vai
Seremu soli à l'oramai
Face disertu in core à mè...

Ghjuvanfrancescu hè u patrone.

I Surghjenti - Ritrattu (cantatu da Felì)

Altra bellissima canzona d'amore cantata da Felì, arregistrata à l'epica di I Surghjenti.

Felì - Innamurichjate

Una di e preferite di i corsican lovers nustrali.

Felì è Marie-Jo - U mo fior d'alisu

Magnificu duo di Marie-Jo cun Felì. Ancu più tristu dapoi chì Marie-Jo Allegrini si n'hè andata, in u 2013.

Articulu scrittu u 13.2.2012. Messu à ghjornu u 14.2.2017.

u 13 di Farraghju 2025

Accueil

Envoyer à un ami

Version imprimable

1.mandatu da U Palatinu u 14/02/2012 08:41

À contu meiu, cunsidercu, è cunsidercu sempre chì a San Valentinu hè una festa cummerciale, è chì ùn c'hè micca bisognu d'aspettà stu ghjornu per rigalà à a so innamurata.

Puru, postu ch'e ne parlate, u vostru cuncettu di "playlist" di canzone d'amore in lingua corsa mi ramenta un dischettu di cumpilazione "speziale" ch'aviu rigalatu, qualch'anni fà à un "amica". Eccula s'e vo permettite :

1- U mio amore (Tramuntana)
2- Rughjone (Diana di l'Alba)
3- Brunetta (I Campagnoli, micca l'altri, chì e parole ùn sò stesse)
4- una canzona ch'ùn si trova indocu, è per quessa, ùn a vi dicu micca
5- Fata d'amore (Diana di l'Alba)
6- L'amica (L'Abbrivu)
7- Ritrattu (Felì)
8- Per esse (Tramuntana)
9- Accant'à tè (I Surghjenti, canzona assai più bella ch'e "Ricordu", mi pare)
10- In li to ochji (Tramuntana)
11- Vennere (Diana di l'Alba)

Oghje, s'ella era oghje, averia dinù aghjustatu :

12- Ella (Novi)
13- Beata Funtanella (quì, avete a scelta, chì l'anu tutti cantata, o quasi)
14- Furtunatu (Tony Toga, per esempiu)

http://appuntamentu-corsu.forums-actifs.net

2.mandatu da U Palatinu u 14/02/2012 08:43

Cuncernendu per esempiu "Cun voi o Madamicella", ùn hè micca cumpatibile incù "Brunetta" (vi lasciu induvinà perchè).

http://appuntamentu-corsu.forums-actifs.net

3.mandatu da Renosu u 14/02/2012 11:30

Un ti n'anda - FELI

4.mandatu da Arg u 14/02/2012 12:17

Una canzona francese, ma di u tamantu Tino... ?!

http://www.youtube.com/watch?v=DemK1T1R4zU

5.mandatu da Cazzumarinu u 14/02/2012 12:29

(da un teleffuninu)

Per me ci n'hè solu duie:

- Margherita (adattata dà "le guel")
- L'Arietta

6.mandatu da Silenziu u 14/02/2012 13:49

E questa quì ? Preferiscu veramente sta versione 80's incù u sonu di u veghju sintetizatore mentre l'introduzzione !

I Surghjenti - Ritrattu
http://www.dailymotion.com/video/x3ld65_surghjenti-ritrattu_music

7.mandatu da cagarella u 14/02/2012 16:46

(da un teleffuninu)

Dí e ora digia

8.mandatu da ledoc u 14/02/2012 21:21

Issu Mattei chi ha scrittu 'Minicola', pa a so innamurata, si chjamava Vincente. Era u missiavu di a me moglia chi si chjama... Dumenica.
Sta canzona e stata scritta ~1900 e raccolta e addatta da G.LUCIANI di Corti. Annantu i dischi si leghje Trad...

9.mandatu da piazza porta u 15/02/2012 11:33

un naiu micca vistu...e "les fiances de sartene" indu so ?

10.mandatu da STRANPALATU u 15/02/2012 12:24

ascimia di tavagna

11.mandatu da perchè micca u 15/02/2012 12:30

Ledoc, s'è tù pigli à Cantu Nustrale, libru cunnisciutu, p. 84, viderai chì u nome di Mattei, autore di Minicola, ci hè.

12.mandatu da anto u 15/02/2012 14:42

[http://youtu.be/UfCnLTsGgcQ
a vostra !

http://www.blog-anto.be

13.mandatu da Quantunque ! u 15/02/2012 17:12

è quessa di i Muvrini ?

http://www.dailymotion.com/relevance/search/muvrini/4

14.mandatu da ledoc u 15/02/2012 18:45

Tanti grazj a 'perche micca', un ha sappiu micca.
Pa rida appena: arimani, Stu Valentinu, l'omi offirini fiori a i so 'namurati.
Chi hanu da offre sta sera i donni a i so 'namurati...
U 15 di frivaghju hé a Stu Claudiu, piccula cita di Francia cunnisciuta in u mondu sanu pa e so p...e !

15.mandatu da Tesoru u 17/02/2012 00:20

Ci hè ancu
- "Dimmi perchè" d'Eric Mattei
- "Ti tengu cara (o "stammi vicinu") di u gruppu Corsica (Cristofanu Sicurani, Ghjacumu Culioli, Éric Mattei, Carlu Contri è Jérôme Ciosi)
- "Innamurichjate" di Felì
- "Di" I Muvrini
- "D'amore" d'Eric Mattei
- "Di mi quandu" d'I messageri
O per finisce "Quì" di Felì è "Elli dui" d'Eric Mattei...

16.mandatu da Calina u 13/03/2012 21:44

U meiu u TOP 5 ghjè :
1- L'ultima strinta
2- Cantu d'amore (Stammi vicinu)
3- Furtunatu
4- Brama (Chjami Aghjalesi)
5- Svegliati la mio culomba

17.mandatu da Kim jong di papa u 14/02/2013 08:43

Beata Funtanella pe quella di Carghjese
Furtunatu pe quella di Appiettu (e pe a mo caccara!!!)
Brunetta pe a scema di Calinzana
E Cor di pantera pe sta purcaccia di a Serra di Feru!

18.mandatu da aiotuttifratelli u 14/02/2013 11:57

"je te promets" de johnny AFF

19.mandatu da N'u u fondu di a valle u 14/02/2013 12:51

E "sta sera veni" d'i muvrini?!cu u so solo di batteria tremendu!

20.mandatu da ANTO u 14/02/2013 17:01

Hè un peccatu ,nimu prupone a Hubert Tempête ,cosa si passa ?

http://www.blog-anto.be

21.mandatu da babbo u 14/02/2013 17:46

a piu bella per l'innamurati hè a canzona di P.Guelfucci NINETTA.......

22.mandatu da GIACOMONI u 14/02/2013 17:48

À contu meu, quellu ch'o preferiscu hè "Cantu d'amore" (Stammi vicinu). A sapete perchè anu sceltu à San Valentinu, hè per via chì in amore ci vole è esse appena valenti è micca timichi.

Luigi G.

23.mandatu da Giacinti u 14/02/2013 21:16

Arringraziavvi pè sse belle canzone . Ci vouleria aghjunghje l'inamurati cantatu da Barbara Furtuna. Ma ùn so cumu fà !

24.mandatu da Calvoise u 14/02/2013 21:45

Dì hè perfetta per a San Ballantine's !

25.mandatu da puzzonu u 15/02/2013 03:54

pa dichjara u so amori a una puzzetta ci vo a sente sti canzoni

ninetta di petru guelfiucci
catalinetta di u stessu cantadoru
pizzica pizziche di diana di l alba
a mio lettera d amore di francine massiani
a ghjaddina di un gruppu sparitu troppu prestu, Esse
vas y danse di alain colin liliu de peretti
e pa finisci chi sborgna di u nosciu amicu Hubert Timpurali

26.mandatu da Ghjuvanluca u 15/02/2013 15:06

playlist di unu sardu chi da Cagliari asculta musica Corsa:
1 - zamballarana - camina
2 - I Surghjenti - a biasgina
3 - P. Fresu,D,Di Bonaventura & A Filetta - Liberata
4 - Manat - Mare
5 - cinqui sò - com'acqua linda
6 - Zamballarana - zucchendu
7 - Gruppo Sarocchi - dal paese nativu
8 - Angè Lanzalavi trio - u Lutaiu di Pigna

27.mandatu da o fransoua u 15/02/2013 16:22

o ghjuvanluca, perchè ùn ci canti micca "non posso riposar'" di u poveru Parodi, una di e piu grande canzone d'amore...

28.mandatu da Nuceta u 15/02/2013 18:39

"Tu m'écris mais de moins en moins..." Les Mouettes de Mykonos hè magnifica !
Bon hè in francese ma mi piace.

29.mandatu da Optidej Yadubenco u 16/02/2013 08:30

Pè contu meiù è mè preferite só :

1. Ti tengu cara : Jean Tavera
2. Si a più bella : Antoine Ciosi
3. Furtunatu : Tony Toga
4. Canzona per Maria : Charles Rocchi
5. Dimi perchè : Patrice Bernardini

30.mandatu da a moitinca u 16/02/2013 13:38

Eo è tù - I Muvrini

31.mandatu da Nuceta u 16/02/2013 23:29

D'aspettatti, Eric Mattei...A Casuccia, Campà, Felì...

32.mandatu da a moitinca u 17/02/2013 17:04

L'oru - cantata da Barbara furtuna ma dinù, cantata da Antone FIESCHI. http://youtu.be/3mpgcPwxMaE

33.mandatu da BATTISEGA u 17/02/2013 23:50

ma !!! perché fa festa per a san valuntinu??é béddu mégliu a saint claude u 15 di ferraghiu .
saint claude u paésé di é pippé.ci pensété????

34.mandatu da Junky u 18/02/2013 10:00

" o puttanò mi n'ai fattu tantu ..." Quessa ghjè a più bella

35.mandatu da VASETTU u 18/02/2013 12:01

Di tè paisanella sò innamuratu...a cunissite quessa ?

36.mandatu da Pulpetta u 19/02/2013 09:33

Stà torna appena - FELÌ

37.mandatu da Napuliò u 19/02/2013 13:49

"Le rêve passe" chì arricorda quandu i corsi avianu u putere in Auropa.

Quessa supraneghja à tutti, hè vera ch'ella hè una canzona d'amore pà Napuliò u prima, ma in sti tempi di matrimoniu pà tutti ùn sdice micca.

38.mandatu da misgjacciagavignaninca u 20/02/2013 02:01

À piu bella per mè stessu e "furtunatu"

Ma sta sera tra voi tutti ci so i gran pueti !!!

39.mandatu da Arena u 20/02/2013 08:06

È canzone d'amore per Pasquale Paoli ùn ci ne serà micca statu ?
Pè firmà ind'u duminiu di l'onirisimu prupongu Un songe avant l'aurore.

40.mandatu da Arena u 20/02/2013 08:09

di Tony Toga.

41.mandatu da Raffaelli fred u 17/02/2014 20:21

(da un teleffuninu)

Per me , a piu bella e RIcordu ....

42.mandatu da Renosu u 18/02/2014 13:38

Lettera Muta - ATTALLÀ

43.mandatu da Campile u 18/02/2014 18:09

a muntagnera cantata da a Filetta , ghjè una di e piu belle canzone e puesie

44.mandatu da muzzasecca u 18/02/2014 23:16

induve hè l'amore in a Muntagnera ? avà s'è tù si cù una capra, bona? o un beccu

45.mandatu da alè baba u 18/02/2014 23:19

ai ragiò o fransoua, u puverettu di Parodi cù non posso riposare, una maraviglia, o Marielli fa la in versione Corsa

46.mandatu da Campile u 19/02/2014 22:14

o muzzaseca mi pari tuttu tu una capra

47.mandatu da J G u 20/02/2014 07:49

Ame mi piacenu tutte , ma quella co preferiscu e : MInicola
E quella co aghju scrittu a iu mo maritu

Si tù u cantu di l'ocellu
Si tu u muscu di u fiore
Si l'aqua di u fiumicellu
E a stella di u pastore

Ripigliu
U mio mondu si tu
Inseme eiu e tù
Era scrita quassu

Si a luce di a matina
Chi rischjara a mio ghjurnata
U sonu di a mandulina
Chi annanna a mio serata
-----
Si l'inguernu e a sstadina
L'autunnu e u veranu
e per finisce a bubina
Tutti l'anni chi passeranu
-------

48.mandatu da guerrini u 14/02/2015 19:47

Grazie mille à A piazzetta chì ci dà tantu piace è tamanta felicità cù so spiritu , ogni ghjornu.
Ci campemu ! Site u nostru Sole.

Novu cumentu :