Accueil
Envoyer à un ami
Version imprimable
Partager

Ùn ci hè omu chì sia un'isula (puru s’ellu hè isulanu)

"Nul homme n’est un île", hè un filmu ducumentariu chì viaghja da a Sicilia à l’Alpe. Ci presenta unepochi di sperimenti in agricultura o architettura è ci porta à pensà chì a ricerca di u bè cumunu, u rispettu di i lochi, di a natura è di i paisaghji puderianu esse un'alternativa felice.



Ùn ci hè omu chì sia un'isula (puru s’ellu hè isulanu)

U filmu di Dominique Marchais tratta di i nostri tempi ma ci rammenta chì in la storia d’altri omi avianu listesse primure è listesse speranze.

U filmettu di prisentazione :



U titulu di u filmu hè ricacciatu d’un puema di John Donne (scrittu in u 1624) chì chjamava à a sulidarità. Eccu una traduzzione casana.

Ùn ci hè Omu chì sia un'isula, un Tuttu cumplettu in sè stessu, ognunu hè un pezzu di u cuntinente, a parte di un inseme. Sì u mare si para a minima tolla di terra, l’Auropa sana hè amminurita [...] A morte d’un omu mi sminuisce perchè appartengu à l’Umanità. Allora ùn mandà à nimu à dumandà per quale serà chì u murtoriu sona. Sona per tè.

Una lettura in talianu :


U filmu hè dinù ispiratu d’un affrescu allegòricu (compia in u 1339) di Ambroggio Lorenzetti chì si trova in Sienna è chì face u paragone trà l’effetti di u guvernu bonu è quelli di u gattivu. Un affarone !



Pudete fidighja stu filmettu da scopre stu capu d’òpera :



L’Allegoria di u bonu guvernu  nant’à a Google arts.

Puntellatu da dui capilavori, modestu è calmu, u travagliu di Dominique Marchais ci mostra (pian'pianinu !) ghjente sulidaria chì travaglia di tale manera chì tutta a cummunità ne prufitti : l’aranci o e banane (iè, iè ci sò e banane in Sicilia) sò belli è boni, i manuali sò pagati cum’è ci vole, e ghjalline sò felice, a terra hè rispettata, l’intelligenza culletiva hè valurizata.

Ok, ok serà pocu è nunda, ma quellu esempiucciu ci rinfranca : l’alternative esistenu in parechji duminii chì s’assumiglianu di più à l’antica Terra di u Cumunu ch’è à a tuntìa trepidante di Wall Street.

U altra prisentazione di u filmu :


u 1mu d'Utrovi 2018
Zenbucucciu


Novu cumentu :