Accueil
Envoyer à un ami
Version imprimable
Partager

Per una twitteratura in lingua corsa ?

Quandu dui studienti americani di 20 anni si mettenu in capu di fà un mischju trà a literatura è… Twitter nasce a « Twitteratura ». A prova face un « buzz » trimendu nantu à u webbu, cum’è sempre cybertazzata à u prugramma trà i « pro » è l’ « anti »…



Per una twitteratura in lingua corsa ?
Si chjamanu Emmett Rensin è Alex Aciman, anu tramindui i so 19 anni è un speziu di stile à l’usu « has been » d’incundiziunale di i Beatles, ghjustappuntu più vicinu di « yesterday » chè di a Tektonik o astri Tokio Hôtel. Studienti à l’Università di Chicago contanu d’avè invintatu un cuncettu di quelli rivuluziunarii : a twitteratura.

Infatti, spiecanu d’avè vulsutu mischjà i dui elementi ch’elli pensanu riprisentativi di a so epica.

U primu : Twitter, rete suciale di l’ultima generazione chì permette di mandà messagi corti corti à i s’amichi : i tweets, o chjurluchjulimi. I pulitichi ne sò scemi è u situ hè statu in core à l’attualità in u mentre di l’evenimenti in Iranu.

U sicondu : a literaturaBof… Si pinsaria piuttostu à u tamagoscì o à facebook, ma aviamu privinutu chì ghjeranu d’una altra epica…

Imbulighjateci tuttu què è u risultatu hè isciutu in Francia u prima d’Aprile : un riassuntu – à u sicondu gradu - di tutti i capi d’opara di a literatura mundiale longhi quant’è un tweet (140 segni).

Ne vulete di a Divina Cumedia, u munumentu di Dante ? Da più di 500 pagine vi ferma… 20 linee… Pocu laziu d’abbuchjavvi l’ « Etranger » di Camus ? Eccune u riassuntu 2.0 :

« Maman morte. Pris mon pistolet, des Arabes partout. Toujours chaud, toujours saoul. »

Certi tiranu i salti !

A ci pruvemu cù i nostri « classichi » nustrali ?

Pesciu Anguilla :
« Carrughji bastiacci. Ki vitaccia, Babbu sempre à pacchettu. U battellu si sprufonda, mi facciu prete è en avant ! »

Mal’Cunciliu ? :
« Ma kawarà fattu stu prete ? Mal’battezu : a notte, francu u fiume, vecu a morte… Torremorta, l’arburu, è Lesia chì canta pianu… »

51 Pegasi :
« Nimu mi capisce. Sucetà à l’agunia, identità frasturnata ? Mi manghju una chjibba è a mi tengu ! »

Appassiunati di literatura, i dui giovanotti dicenu di vulè dinunzià l’epica Twitter, quella di l’infurmazione fast-food di u zapping chì c’hà rilegatu a zappetta in carciara.

Ma à l’ora chè no campemu, cù una lingua chì si piglia sempre di più a falata, cù una literatura – muderna o puru più anticone – chì strazieghja per fassi cunnosce, sè sta twitteratura facia a dimustrazione upposta è ghjera una porta spalancata versu à cunniscenza di l’opare ? Una twitteratura corsa cum’è una « quatriesima di cuparta » à l’usu 2.0 ?

Vi piacenu à Thiers, Fusina o Coti ? Pruvate ancu voi…

Da vede a video nant'à LCI.fr : La "Twitterature" ou les chefs-d'oeuvre revus par la génération Twitter

u 27 d'Aprile 2010
Mazzone



1.mandatu da marboeuf u 27/04/2010 13:53
U dettu di l'etima (GG Sicurani) : "Oghje stirpandirulanduleghju disalibaltisatu. Estighjolu franghjulestatu sbiantigliettu. Tandu aguerantalbighjarò l'uclitinu bandistafriglialellu."

2.mandatu da kostadinovu u 27/04/2010 13:55
eccu u twit di Michel Platini, "Ma vie comme un match" :

"Siviglia 82. Battiston mezu mortu. inculatu di Schumacher"

3.mandatu da miccaèbastiaciuinizza u 27/04/2010 17:02
"septieme ciel" di Thiers "l'avio nizza bastia omu identita lingua u ritornu tempu nostalgia tante metafure penna in capu pussibile..."

4.mandatu da marboeuf u 27/04/2010 17:28
Tempi fà : "5 vechji abambanati, 4 frumaghji puzzulenti, 3 sporte minchjò, 2 pesci merzi, 68 Euros"

5.mandatu da Renucci François u 27/04/2010 18:46
A giurnalista taliana, m'asculterà ? Bastia infiarata ! Sogni mischini. ("A funtana d'Altea", Thiers)

6.mandatu da anto u 27/04/2010 19:28
Ghjè un affare chi un mi face mica "kiffa" chi fa chi ci si po fa !!!

7.mandatu da Corsicana u 28/04/2010 11:16
"Murtoriu" , Biancarelli : " u nostu mondu s'affonda, i malasciamè è l'assassini facenu a Corsica d'oghje ma puttana cum'ella hè bona a mo cugina!"

8.mandatu da Corfatex u 28/04/2010 20:14
serà què, l'arte di l' "haïku" corsu...

9.mandatu da Tancrède Paoletti u 16/10/2011 17:46
Disgraziati chè vo' seti !

Novu cumentu :