Accueil
Envoyer à un ami
Version imprimable
Partager

Tante ragione di scopre à Bergamo

Brama di cambia appena d’aria ? Perchè micca andà à scopre à Bergamu è u so circondu ? A cità lumbarda ùn hè micca a più cunnisciuta, è purtantu... Stendhal hà scrittu chì : "Cette ville devint pour moi le plus beau lieu de la terre" è Dominique Fernandez "Ses fervents forment une coterie secrète ; ils savent que c'est une des plus belles villes d'Italie et qu'il ne faut pas divulguer ce trésor, s'ils veulent s'en réserver la jouissance". Allora noi a vi dimu, andateci puru !



Per andacci ? Hè faciule

Nisuna difficultà per andà in Bergamo s’è vo avete una vittura è un GPS. U più semplice per noi hè di parte da u portu di Savona (2 ore è mezu di vittura). Hè quant’à passà d’Aiacciu à Bastia, u strapazzu di Vizzavona in menu.

A cità alta

Bergamo si scumparte in duie cità. Una parte alta, medievale, ch’ellu si pò raghjunghje à pedi o cù un funiculare. È una parte bassa, muderna è industriale, menu bella.
Flickr / Jacopo Colombo
Flickr / Jacopo Colombo

E muraglie

Bergamo hà a particularità d’esse una di e cità taliane (cun Ferrara, Lucca, Verona, Padova, Treviso è Grosseto) à avè priservatu l’integralità di e so muraglie. Sò i Veneziani, chì anu tenutu a cità durante trè seculi, chì l’anu custruite à i seculi XVI è XVII.
Tante ragione di scopre à Bergamo

Ancu chì in u 2017, sò state scritte cum'è patrimoniu mundiale da l’UNESCO.

È noi in Corsica, e citatelle chì ci fermanu, ùn e fidighjemu mancu più…
Ritrattu / VisitBergamo
Ritrattu / VisitBergamo

E porte

Ci sò quattru porte per entre in cità alta. A più bella è a più cunnisciuta hè quella di San Giacomo.

A Piazza Vechja

Le Corbusier l'hà discritta cum’è a piazza perfetta. Voi, prufittatene per sciaccavvi un ghjacciu o un caffè.


À cantu, i palazzi antichi (Palazzo della Ragione è Palazzo Nuovo) vi danu l'impurtanza ch'ella avia a cità à u Rinascimentu.
Tante ragione di scopre à Bergamo

A basilica Santa Maria Maggiore

Hè di stile rumanicu da fora…
Tante ragione di scopre à Bergamo

…è baroccu da nentru.
Tante ragione di scopre à Bergamo

A cappella Colleoni

À cantu à a basilica, hè l'altru giuiellu di a cità.


E strette di a cità alta

Spassighjassi per sti carrughji stretti vi ciottanu in un'ambianza medievale.


U Campanone

Stu munumentu hè chjamatu dinù a “Torre Civica”. In sù, truverete a più grande campana d'Italia (grande pussibilità di magagne è selfies per l'amatori di glosce). A so particularità è di sunà 100 colpi à dece ore (sempre avà), ch'insignava a chjusura di e porte di e muraglie.

Pudete cuntà, ma hè longu.


L'accademia Carrara

Un saltu à u grande museu di a cità si pò fà (quì San Ghjilormu caccia un spinzone da a zampa d'un leone).


A pulendina (o "polenta" chì ùn hà nunda à chì vede cù a nostra pulenda)

Hè una di e specificità di u nordu di l'Italia è ùn ci vole à mancà di tastalla. A truverete ancu in versione street food. À quandu a listessa cosa pè a pulenda ?
Tante ragione di scopre à Bergamo

A stracciatella

Hè in Bergamo ch’ella hè nata a stracciatella, in a gelataria La Marianna, più precisamente.


A manghjusca

Salumi, furmaglie, pasta, carne... Vi piacerà tuttu in Bergamu. In particulare i “casonsèi”, spezie di ravioli tippichi di a cucina bergamasca.


U Monte Bastia

Bon, ci vulia bè à truvà qualcosa chì ci rammenta a Corsica. U Monte Bastia hè un poghju di a cità alta di Bergamo, ma ùn ci hè nisuna leia cù a Corsica.
Tante ragione di scopre à Bergamo

Tante ragione di scopre à Bergamo

I chjassi

U circondu di a cità hè bellu è i Bergamaschi anu sviluppatu una rete di camini per quelli chì li piace à spassighjà à pede o in bissicletta.
Tante ragione di scopre à Bergamo

Truverete libretti, siti web è pannellucci d'indicazione. Si pò sempre sunnià di vede e listesse cose ind'è noi, un ghjornu...

A lingua bergamasca

Ci hè una lingua bergamasca (i taliani preferiscenu parlà di “dialettu”).
Tante ragione di scopre à Bergamo

Truverete ancu U Principellu.
Tante ragione di scopre à Bergamo

L'Atalanta

Hè u nome di u mìticu club di futbol di Bergamo. Tene u so nome d'un persunagiu di a mitologia greca.
Tante ragione di scopre à Bergamo

U club ùn hè mai statu campione d'Italia, ma hè un club storicu. L'Atalanta hè cugnumata a “regina delle provinciali” perchè fora di e grande cità, hè quella chì tene u più presenze in seria A.

Quandu l'attaccu era purtatu da i capilluti (u svede Stromberg è l'argentinu Canniggia).
Tante ragione di scopre à Bergamo

A so tifoseria hè reputata calda.

L'Alpe Orobie

Flickr / Gianni D'Anna
Flickr / Gianni D'Anna

D'infatti, a cità hè un puntu ideale per quelli chì li piace à caminà. Bergamo ùn hè u paese di u grande alpinistu Walter Bonatti ?

Maslana

Frà e numerose spassighate pussibule, perchè ùn andà à scopre u paisolu di Maslana, chì hà cunservatu a so architettura tradiziunale ?
Flickr / Silverio Lubrini
Flickr / Silverio Lubrini

E castagne

Eccu un altru puntu in cumunu cù a Corsica. Sò numerosi i castagneti in u circondu di Bergamo.
Tante ragione di scopre à Bergamo

Quand'ella hè a stagione, truverete parechje serate chì vi pruponenu “castagnate”.
Tante ragione di scopre à Bergamo

È pare ch'elli tenganu à i so castagneti.
Tante ragione di scopre à Bergamo

Ancu di più ch'è noi ?


Clusone è u so trionfu di a morte

À trè quarti d'ora di Bergamo, truverete u paese di Clusone. Nant'à un muru di un bastimentu d'una cunfraterna, ci hè u so affrescu abbastaza impressiunante chì rapresenta u trionfu di a morte (in data di u trecentu).
Tante ragione di scopre à Bergamo

A morte culpisce, è ci n'hè per tutti, putenti è chjuchi, veschi è cavalieri. À l'epica di e guerra è di a pesta, era una manera di cunsulassi, mustrendu ch'ellu ùn era risparmiatu nimu...
Tante ragione di scopre à Bergamo

San Pellegrino

Hè in u circondu di Bergamo ch'ella sorte l'Orezza taliana. È s'è vo vulete, pudete pruvà I so bagni termali. U so "Grand Hotel" abandunatu, degnu d'un filmu di Wes Anderson.



















u 21 di Ghjenaghju 2018



1.mandatu da paisanacciu u 30/01/2018 22:42
articulu assai interessante ma una piccalu riflezzione nant'un sbagliu chi si sente di piu in piu : un si dice "scopre à ", vede à " etc che quandu si tratta d'una personna e micca d'un oggettu , d'un animale o d'un locu . dunque "scopre bergamo " !

Novu cumentu :